Yasuva 8:31 - The Keyagana NT and 25 OT books

³¹ Moseseʼa Ala kava neʼmo aliʼyaʼamo neʼaliya vekamoʼmo Isaleli vayaʼaifeʼmo hiyo, huno hapa paiʼniya gemo Mosese keʼaepa gemo mukufiʼmo avoʼmo kae maleniya geʼamo Yasuvaʼa alagi akame huʼniye. Ani gemo haneʼniyana lapakaemo mago aeni atupaletiʼmo yafaʼmo apalo oʼatiyo. Apalo oʼatiʼnisaya yafatetiʼmo ofalini hiʼyalamuʼmo hiyo. Yasuvaʼa hu maleʼniya hiʼyalamuʼmo agotofuleʼmo atafiʼmo alagi kaeʼa asagalisaya ofalinimo huge Gotiʼa aipamo falu hisiya ofalinimo huge huʼnae.

Yasuva 8:31 ပူးပေါင်းရင်းမြစ်များ

2 Sitoli 35:12

Apakaemo ofalini hiʼyalamuteʼmo kaesaya ofalinimo magoke magoke afamo anaga vayaʼmo apamisageʼa Ala kava neʼmo amisayafeʼmo aliʼa fako huʼa maleʼnae. Mosese keʼaepa gemo mukufiʼmo avoʼmo kae maleʼniya gemo akame huʼnae. Ani huʼnaya agufa kavaʼmo huʼa pulumakamo aliʼa fako huʼa maleʼnae.

Esala 6:18

Apakaemo mono huʼa neʼapataya vayaʼmogimo aliʼa fako huʼa apateʼnageʼa apaote apaote huʼa apamiʼnae. Ina kava huʼa apakaemo Livai nofi vayaʼmogi aliʼa fako huʼa apateʼnageʼa Yulusalemu taonifiʼmo Goti aliʼyaʼamo apaote apaote huʼa aliʼyaʼmo aliʼnae. Moseseʼmo mukufiʼmo keʼaepa gemo avoʼmo kae maleʼniya gemo akame huʼnae.

Hatu maeno apate'niya gemae 18:12

Inagi Yetaloʼa mago ofalinimo alinineno atafiʼmo kaeno Gotiʼmo ofalinimo amiʼniye. Magoʼe huno alu ofalinimo Gotiʼmo amige huʼnigeʼa Eloniʼe muki Isaleli vayatama vayaʼeʼmo eʼa Goti aulagaleʼmo Mosese ayemoʼamoʼeʼmo neʼyaʼmo neʼnae.

Hatu maeno apate'niya gemae 24:5

Ani kavaʼmo huteno Isaleli neya vayaʼmo alino apateʼnigeʼa uʼa ofalinimo atafi kaeʼa Ala kava neʼmo amiteʼa pulumakamo amagiʼa Ala kava neʼeʼmo magokepiʼmo lokaeʼa maisayafeʼmo ofalinimo amiʼnae.

Matiyu 12:26

Sataniʼa vayaʼamo alino hapa faino apatalesiyana agaetegatiʼmo alagi alino fako huno apatalegaiye. Alino fako huno apatesiyana haiya kava huʼa Sataniʼa yagaino neʼapateya vayaʼmo afaʼa maigae.

Yasuva 1:8

Mukufiʼmo haneʼniya gemo muki avoʼmo kae maleʼniya keʼaepa gemo akame hisanafeʼmo kagaemo ani keʼaepa gemo haneʼniya mukufiʼmo keʼaepa geʼaeʼmo felugaʼe haniʼilagaʼeʼmo kagesa afifi huka maiʼneka kavayafatiʼmo hapa paiyo alagepa huka maisanageno aliʼyakamo alagepa huno afole aigiye.