Yasuva 8:2 - The Keyagana NT and 25 OT books

² Kagaemo Yeliko taonifiʼe kini vekalegaʼeʼmo huʼnana agufa kavaʼmo huka Ai taonifiʼe kini vekalegaʼeʼmo hugane. Huganaʼmonanafa lapakaemo kagemi yaʼapimo afaʼa alige pulumakaʼapimo apavalege hisageno lapakaitapi yaʼmo hanegaiye. Lapakaemo ani taonifiʼmo kamemo hisayafeʼmo kagaemo hogoteka mago ati vayaʼmo alika apategeʼa uʼa taonimo akamelegamo fala kiʼa maigae, huno ha paiʼniye.

Yasuva 8:2 ပူးပေါင်းရင်းမြစ်များ

2 Sitoli 20:22

Apakaemo aepa faiʼa Goti agiʼaleʼmo aliʼa asaga hisayafeʼmo yokemo nehagenoʼaeʼmo Ala kava neʼmoʼa Isaleli vayaʼai kame vayaʼapimo Emoni vayanagi Movapu vayanagi Siya aveleʼmo maiʼnaya Itomi vayanagi huʼa aliʼa fako huʼa apakaiʼapi apakaiʼapimo kamemo hisayafeʼmo alino he tino apateʼniye. Ala kava neʼmoʼa ani kavatetiʼmo aeno apaka seʼniye.

Mai'naya kavane 13:22

Alagepa vekamo mafaʼne anagaʼamogimo falisigeʼapaeʼmo alisayafeʼmo apateʼniya kagemi yaʼapimo aligayaʼmonanafa hosu vekamoʼmo apateʼniya kagemi yaʼamo fatago vayaʼmogimo aligae.

Mai'naya kavane 28:20

Geʼamo akame huno alagepa aliʼyaʼmo neʼaliya vekamoʼmo asole aulena yaʼmo aligiyaʼmonanafa malage huno kagemi yaʼamo alisiyafeʼmo hauʼnisiya vekamo kayoʼmo amigiye.

Yasuva 10:1

Yulusalemu taonifi kini vekamo Enoniyetekiʼa afiʼniyana Yasuvaʼe Isaleli vayaʼmogiʼeʼmo Yeliko taonifiʼe kini vekalegaʼeʼmo huʼnaya agufa kavaʼmo huʼa Ai taonimo aliteʼa alagi aliʼa hano huʼa ataleteʼa Ai kini vekamo kamitimo haeʼnageʼapaeʼmo Gimiyoni taonifi vayaʼmogi Isaleli vayaʼeʼmo kame osisayafeʼmo kotalakemo huteʼa Isaleli vayaʼeʼmo magokepiʼmo alagepa huʼa lokaeʼa maiʼnae, huʼa huʼnaya gemo afiʼniye.

Yasuva 10:28

Ani afinaʼmo Yasuvaʼa kame huteno Makena taonimo aliteno kini vekaʼe muki ani taonifiʼmo maiʼnaya vayaʼeʼmo kamitimo hapaeʼnigeʼa faliʼnae. Magoke vekamo alagi afaʼa oʼmaiʼniye. Agaemo Yeliko taonifi kini vekalegamo huʼniya agufa kavaʼmo huno Makena kini vekalegamo huʼniye.

Yasuva 11:14

Isaleli vayaʼmogi muki ani taoniʼafatiʼmo muki monimo alige alopa moniletiʼmo miya nefaiya yaʼmo alige pulumakamo apavalege huʼnae. Apakaemo muki vayaʼmo kamitimo hapaeʼnageno magoke vekamo afaʼa alagi oʼmaiʼniye.

Yasuva 6:21

Apakaemo muki Yeliko taonifi vayaʼmo naipeletiʼmo kamiti apaiʼnae. Apakaemo muki yaʼe vayaʼeʼmo alagi aliʼa hano huʼa ataleʼnae. Apakaemo ve anagaʼmo apaige aʼne anagaʼmo apaige neya vayaʼmo apaige kosunaʼmo apaige pulumakagi sipisipigi nokigi huʼa apaige huʼnae.

Yasuva 8:12

Yasuvaʼa faefu tauseniʼa agufa vayaʼmo alino apateʼnigeʼa ani taonifiʼmo uʼa yegemo uno nelamiya haopalega Ai taoniʼe Meto taoniʼeʼmo hanetegeno folagapiʼmo fala kiʼa maiʼnae.

Yasuva 8:14

Ai kini vekamoʼmo apakeʼniya afinaʼmo agaeʼe muki taoniʼafiʼmo maiʼnaya vayaʼaʼeʼmo gotilamiyapiʼmo malage huʼa he tiʼa Isaleli vayaʼeʼmo kame hisayafeʼmo lekana pai maleʼnaya kotegamo uʼnae. Uʼnayaʼmonanafa Ai kini vekamoʼmo apakamelegatiʼmo eʼa kamemo hapaesaya vayaʼmo oʼapakeʼniye.

Yasuva 8:19

Inagi ati vayaʼmo fala kiʼa maiʼnayatetiʼmo ageteʼa malage huʼa he tiʼa taonifiʼmo nagu nagu huʼa uʼa haiʼa taonimo aliteʼa malage huʼa atamo aeʼa kaeʼnae.

Yasuva 8:24

Isaleli vayaʼmogimo muki Ai taonifiʼmo maiʼnaya vayaʼmo apavegala aeliʼa kaʼme kotegamo uʼa hapaeʼa hano huʼa apataleteʼa Ai taonifiʼmo uʼa haiʼa muki maiʼnaya vayaʼamo naipeletiʼmo apaiʼnae.

Yasuva 8:3

Inagi Yasuvaʼe muki ati vayaʼeʼmo Ai taonifilagamo visayafeʼmo alo huʼnae. Yasuvaʼa koli osuʼa lokiya vaiʼa kame hisaya vayaʼageʼmo teti tauseniʼa vayaʼmo lekana paino apateteno haniʼilagamo alino apateʼnigeʼa uʼnae.

Yasuva 8:7

Inagi lapakaemo fala kita maiʼnisayapatiʼmo ataletapa uta taonimo aliyo. Ala kava neʼmo Gotitapimoʼmo ani taonimo alino lapayapiʼmo lapamigiyanagi.

Yasuva 8:8

Lapakaemo taonimo ago alitetapaeʼmo Ala kava neʼmoʼa lapa paiʼniya kavaʼmo hutapa atamo kaeyo. Afiyo, huʼna, hiyo, huʼna lapa paiʼnova kavaʼmo akame hutapa hiyo.

Yasuva 8:9

Inagi Yasuvaʼa alino apateʼnigeʼa uʼa mago yegemo uno lamino nefaleya kotega Ai taonimo hanete Meto taonimo hanete hutegeʼa folagapiʼmo fala kiʼa maiʼnae. Ani haniʼilagamo Yasuvaʼa Isaleli vayaʼeʼmo havaeʼniye.

Yasuva 9:3

Maiʼnayaʼmonanafa Haivi nofi vayaʼmo Gimiyoni taonifiʼmo maiʼnaya vayaʼmogimo Yasuvaʼa Yeliko vayaʼaitegaʼe Ai vayaʼaitegaʼeʼmo huʼniya kavafeʼmo ava gemo afiteʼapaeʼmo