Yasuva 7:21 - The Keyagana NT and 25 OT books

²¹ Lagaemo kame hutetaeʼmo Yeliko vayaʼmogi yaʼmo aliʼnona afinaʼmo ani kagemi yaʼmo folagapiʼmo mago kanale kukena yaʼmo Mamiloni vayaʼmogi kukena yanagi fo kilo siluva monigi magoke kilo goli yafanagi huʼna ageʼnove. Ageteʼna ani yafeʼmo nahaʼye huʼnigeʼna aliʼnove. Nagaemo aliniʼnuʼna seli noʼnifiʼmo haiʼna muki yaʼamo mopafiʼmo keli vai maleʼnove. Siluvaʼmo ema afepiʼmo haneʼniye.

Yasuva 7:21 ပူးပေါင်းရင်းမြစ်များ

Aepa Gemae 10:10

Nimalotiʼa kini vekamo maiteno aepa faino Sina kotegamo Mameli taonifi maiʼnaya vayaʼaitenagi Eleki taonifi maiʼnaya vayaʼaitenagi Akati taonifi maiʼnaya vayaʼaitenagi Kalana taonifi maiʼnaya vayaʼaitenagi huno yagaino apateʼniye.

Aepa Gemae 3:6

A kanomoʼmo ani yosa alagamo ageʼniyana alagepa yosa alagamo aeʼnigeno ageno haʼye huʼniye. A kanomoʼmo ina kava huno agesamo afiʼniye, kanalenageʼna mani yosa alagamo neteʼnaeʼmo alagepa huʼna afiteʼna agegauve, huno huteno ani yosa alagamo lagino neʼniye. Neteno anauʼamoʼmo agaeʼeʼmo lokaeno maiʼniya vekamo amiʼnigeno neʼniye.

Aepa Gemae 34:27

Yekopu mafaʼne anagaʼmogigeʼmo muki ani taonifi faliʼnaya vayaʼai kagemi yaʼapimo aliʼnae. Apasaʼapimotegamo hosu kavaʼmo huʼniya kavatefeʼmo huʼnae.

Aepa Gemae 6:2

Ani afinaʼmo Goti ve mafaʼne anagaʼamogimo ani a mafaʼne anagaʼmo ma mopafi vayaʼai a mafaʼne anagaʼaifeʼmo alagepa apaulagamo apakeʼnaya a mafaʼne anagaʼmo maiʼnageʼa apaketeʼapaeʼmo alisageno aʼne anagaʼapimo maisayafeʼmo hapaʼye huʼniyaʼmofeʼmo aliʼnae.

2 Samiyo 11:2

Mago uneʼmo Neviniʼa hipaʼaleʼmo havaeno maigeno he tino nokatomuʼmo otuleʼmo uno haino uneno huʼniye. Agaemo aulu heno mugalegamo ageyategamo mago a kanomoʼmo aniʼmo nefalegeno ageʼniye. Ani a kanomo alagi alagepa apaulagamo neʼagaya a kanoe.

2 Kini 7:8

Ani lepolosi vayaʼmo eʼa seli noʼmo haneʼniya yateʼmo avaʼyi huteʼapaeʼmo mago seli nopiʼmo uʼa haiʼa neʼyaʼmo nege aniʼmo nege huʼnae. Apakaemo siluvagi goligi kukena yanagi huʼa aliteʼa alini uʼa mago haopalegamo fala ki maleʼnae. Halate eʼa alu seli nopiʼmo haneʼniya yaʼeʼmo alini uʼa fala ki maleʼnae.

Samu 119:37

Alu yaʼmo aulu haeʼna neʼagesugekaeʼmo alika aika afe leka nato. Kagae kateʼmo neʼvisugekaeʼmo alika he tika nato.

Hatu maeno apate'niya gemae 20:17

Lapakaemo mago vayaʼmogi noʼapiyeʼmofi aʼapiyeʼmofi aliʼyaʼapimo neʼaliya vayaʼaifeʼmofi aliʼyaʼapimo neʼaliya aʼneʼaifeʼmofi pulumakaʼapiyeʼmofi nokiʼapiyeʼmofi muki yaʼapiyeʼmofi huno lapaʼye osino, huno hapa paiʼniye.

Mai'naya kavane 1:19

Hapaʼye nehigeʼa fikumo neʼaliya vayaʼmogimo ani agufa kavaʼmo nehae. Hapaʼye nehiya vayaʼmogi apakaiʼapimo aliʼa hosu huʼa neʼapatae.

Mai'naya kavane 23:31

Fiku yanageka lokiya aniʼmo afaʼa ateʼnisanageno kayate heno ka vayu hulino ugiyaʼmofeʼmo alagepa agufaʼaeʼmo kagesamo oʼafige alino alave alave nehiya kavaʼaeʼmo kagesamo oʼafige lugokaletiʼmo haga nekahaiya kavafeʼmo kagesamo oʼafige huvo.

Mai'naya kavane 28:22

Malage huno kagemi yaʼamo hanesiya vekamo hamalesiyafeʼmo nehaiya vekamoʼmo ageno haʼye nehiye. Henagaʼamo kafu huguve, huno agesamo noʼafiye.

Mai'naya kavane 4:23

Muki agufa kavakamo aepaʼamo kaipafatikeʼmo afole neʼaiyanagi hogote kavaʼmo huka kayamukiki huka kaipaleʼmo alagepa huka yagaika ato.

Hamakaki 2:9

Vaehae, huʼa, afamo anagaʼamo alagepa huʼa maisayafeʼmo haʼye huʼninageno hosu kavaʼmo nehisiya vekamo lusi hanageke yaʼmo aligiye. Agaeteʼmo kage kage kavaʼmo afole aigiye. Nama anagaʼmogimo alagepa huʼa maisayafeʼmo apanoʼmo muga anagaʼamo nekiya kava huno alagepa huno afaʼa maisiyafeʼmo hauʼniya vekamae. Agaemo agaiʼaleʼmo hosu kavaʼmo alagi afole oʼaisiyafeʼmae.

Luki 12:15

muki vayaʼaifeʼmo hunoʼaeʼmo, lapakaemo kagemi yafeʼmo lapaʼye hisiya kavaʼmo afole oʼaisiyafeʼmo ehe alagepa huta yagaita lapateyo. Asole kagemi yaʼmo neʼaliya kavaʼmoʼa alagepa huʼa maisaya kavaʼmo aepaʼamo ohaneʼniye, huno hapa paiteno

Luki 12:2

Gotiʼa muki huʼa aeʼa ati nekaya kavaʼmo alino afole aino apave ligiye. Muki kavaʼmo huʼa fala nekiya kavaʼmo muki vayaʼai apaulagaleʼmo afole aigiye.

Efasasi 5:3

Kumai kavaʼmo osuge muki oʼaniʼya kavaʼmo osuge lapaʼye osuge hutetapa Goti apaote vayaʼamogi hisaya agufa kavakeʼmo hiyo. Fiku kavanagetapa lapakae folagapiʼmo magoke afinaʼmo ani agufa hosu kavaʼmo agimo aegae. Goti apaote vayaʼmogi osisaya agufa kavaʼmo haneʼniye.

Efasasi 5:5

Lapakaemo ago afiʼnayana kumai kavaʼmo nehaya vayaʼmofi oʼaniʼya kavaʼmo nehaya vayaʼmofi hosu hapaʼye nehiya vayaʼmofi huʼa Kalaisiʼe Gotiʼeʼmo yagaiʼana neʼapataʼa kotetiʼmo hetamaʼapimo oʼaligae. Mago vayaʼmogi aigofe gotiʼapimogifeʼmo mono nehaya agufa kavaʼmo huʼa hapaʼye nehiya vayaʼmogi ma mopafi yatefekeʼmo mono nehae.

Kolosi 3:5

Aligayaʼmofeʼmo ma mopafi haneʼniya lapakufafiʼmo alu ya alu yatapiletiʼmo nehaya kavaʼmo amagita falita ataleyo. Kumai kavanagi oʼaniʼya kavanagi hosu lapaipa nekaliya kavanagi hosu kavafeʼmo lapaka neteya kavanagi ma mopafi yafeʼmo lapaʼye nehiya kavanagi hutapa amagitapa falita ataleyo. Ma mopafi yafeʼmo hapaʼye nehisiya vayaʼmogi aigofe gotitefeʼmo mono nehae.

Himulu 13:5

Lapaʼye osino. Aliʼnaya yafekeʼmo hutapaeʼmo, alagi haiʼmo aliʼnone, hutapa lapakesamo afitetapa lapaipamoʼmo falu hino. Na kava higetapaene. Agaiʼamo hunoʼaeʼmo, muki afinaʼmo olapataleʼna lapakaeʼeʼmo magokepi lokaeʼna maige maige huʼna maiʼneʼna lapa maegauve, huno huʼniyaʼmofeʼmae.

Yemisi 1:15

Aʼnemogi apaipaguʼeʼmo maiteʼa mafaʼnemo aliʼa neʼapataya kava huno apakufamoʼmo hauʼniya kavaʼmoʼa aipaguʼeʼmo maiteno hosu kavaʼmo alino neʼate. Hosu kavaʼmo alino ateʼnigeno ko sino alopa hetenoʼaeʼmo nefaliya kavaʼmo alino afole aino neʼate.

Yasuva 7:20

Ekaniʼa geʼaleʼmo aeno atagaina hunoʼaeʼmo, Alagi lama gemo huʼnaeʼmo, Ala kava neʼmo Gotitimotegamo hosu kavaʼmo ago huʼnove. Inagi hemenimo ani huʼnova kavafeʼmo kaha paiguve.

Yasuva 7:22

Inagi Yasuvaʼa mago vayaʼmo alino apateʼnigeʼa Ekani seli notegamo nagu nagu huʼa uʼa ageʼnayana ani huʼniya yaʼmo hanetegeno siluvaʼmo ema afepiʼmo haneʼniye.

2 Pita 2:15

Meo mafaʼnemo Melamiʼa monieʼmo haʼye huʼnigeno hosu kavaʼmo huʼniya kava huʼa alagepa kaʼmo ago ataleʼa u eʼa huʼnae.