Yasuva 7:2 - The Keyagana NT and 25 OT books

² Yasuvaʼa Yeliko taonifiʼmo maiʼnenoʼaeʼmo vayaʼmo alino apateʼnigeʼa Ai taonifiʼmo uʼnae. Meto taonimo hanetegeno yegemo haine neʼeya kotegamo Ai taonimo Meteveni taonimo haopaleʼmo haneʼniye. Yasuvaʼa ina gemo huno hapa paiʼniye. Utapa Ai haopalegamo agetapa alagepa hiyo, huno hapa paiʼnigeʼa uʼa Ai taoni haopalegamo ageʼa alagepa huʼnae.

Yasuva 7:2 ပူးပေါင်းရင်းမြစ်များ

Aepa Gemae 12:8

Henagaʼamo Emalemiʼa ani kotetiʼmo ataleno Meto taonimo alino ataleno uno yegemo haine neʼeya kotegamo mago aveleʼmo avaʼyi huteno seli noʼamo alino atateno alino he tino ateʼniye. Meto taonimo yegemo uno lamino nefaleya haopalegamo hanete Ai taonimo yegemo haine neʼeya haopalegamo hanete hutegeno folagapiʼmo Ala kava netefeʼmo ofalinimo nehaya hiʼyalamuʼmo hu maleteno mono huno agiʼaleʼmo keya aeno ge huno nunumuʼmo huʼniye.

Aepa Gemae 28:19

Ani koʼmo agiʼamo Metoli kone huno ateʼniye. Ani agimo aepaʼamo Goti none. Hiyaʼmonanafa ani taonieʼmo hogoteʼa Lusa taonie huʼa agi aeʼnae.

Mai'naya kavane 20:18

Aliʼyaʼmo aligefeʼmo hukaeʼmo hogoteka ageʼnaya vayaʼmogi hisaya gemo afiyo. Ani kava hutapa afiʼnaya vayaʼmogi hisaya gemo afitetapaekeʼmo kamemo hiyo.

Mai'naya kavane 24:6

Kamemo hisanafeʼmo afiteʼa ageʼnaya vayaʼai geʼapimo afiyo. Kamemo huka aeka apaka sesana kavafeʼmo asole vayaʼmogimo kaipa kagesamo kamisayafeʼmo hisaya geʼapimo afiyo.

Matiyu 10:16

Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.

Efasasi 5:15

Huʼniyaʼmofeʼmo muki afinaʼmo alu kava alu kavaʼmo nehutapaeʼmo alagepa hutapa yagaita maiyo. Negi vayaʼmogi kavaʼmo osutapa ageteʼa afiʼnaya vayaʼmogi kavakeʼmo hutapa maiyo.

Yasuva 12:9

Isaleli vayaʼmogimo kame huʼa aeʼa apaka seʼnaya kini vayaʼmogi apakiʼapimo haneʼniye. Yeliko taonifi kini vekagi Meto taonimo haopaleʼmo Ai taonifi kini vekagi Yulusalemu taonifi kini vekagi Hipaloni taonifi kini vekagi Yalimuti taonifi kini vekagi Lekisi taonifi kini vekagi Igaloni taonifi kini vekagi Gesa taonifi kini vekagi Nema taonifi kini vekagi Geʼna taonifi kini vekagi Homa taonifi kini vekagi Alati taonifi kini vekagi Limana taonifi kini vekagi Aʼnulami taonifi kini vekagi Makana taonifi kini vekagi Meto taonifi kini vekagi Tapuva taonifi kini vekagi Hefa taonifi kini vekagi Afeki taonifi kini vekagi Lasaloni taonifi kini vekagi Manoni taonifi kini vekagi Heso taonifi kini vekagi Similoni-Meloni taonifi kini vekagi Akasapi taonifi kini vekagi Tanaki taonifi kini vekagi Migino taonifi kini vekagi Kenesi taonifi kini vekagi Yokineyamu taonifi Kamo kotega kini vekagi aveleʼmo haneʼniya taonimo No aveleʼmo haneʼniya No taonifi kini vekagi Giligali taonifi kini vekagi Tisa taonifi kini vekagi huʼa maiʼnae. Isaleli vayaʼmogimo ani teti vaniʼa kini vayaʼeʼmo kamemo huteʼa huʼa aeʼa apaka seʼnae.

Yasuva 18:12

Menisameni vayaʼmogi hakuʼapimo lamaga haopalega Yoneni anitetiʼmo aepa faiteno hanelino aise aveʼmo Yeliko taonimo lamaga haopalegamo uno haiteno hanelino ave koʼmo yegemo uno lamino nefaleya haopalegamo uteno hanelino Meti Eveni kahaepa koteʼmo uʼniye.

Yasuva 2:1

Isaleli vayaʼmo Sitami kotegamo maiʼnagenoʼaeʼmo Nani mafaʼnemo Yasuvaʼmo lole vekalaʼanifeʼmo hana painoʼaeʼmo, Lanakaemo utana Yeliko taonifiʼe haopaleʼmo haneʼniya mopaʼeʼmo agetana alagepa hiʼao, huno hana paiteno alino anateʼnigeʼana uʼnaʼae. Uʼana mago kate a kanomo agiʼamo Lehapi noteʼmo avaʼyi huteʼana agae nopiʼmo maiʼnaʼae.

Yasuva 7:3

Apakaemo atagineʼa eʼa Yasuvafeʼmo ha paiʼapaeʼmo. Ai taonifi vayaʼmo aise vayaʼmo maiʼnae. Muki Isaleli vayaʼmo alika apategeʼa oʼuʼa tu tauseniʼa vayaʼmofi tali tauseniʼa vayaʼmofi huka alika apategeʼa uʼa kame hiyo. Fiku yanageno muki Isaleli vayaʼmo alagaʼmo hapaegaiye, huʼa ha paiʼnae.

1 Samiyo 13:5

Ani afinaʼmo Filisatini vayaʼmo Isaleli vayaʼeʼmo kamemo hisayafeʼmo eʼa aliʼa anupa huʼnae. Apakaemo kamemo nehaya talalamo teti tauseniʼa talalagi sigisi tauseniʼa ati vayaʼmo hosileʼmo fai maige lusi asole ati vayaʼmo ani kahaepagana agufa vayanagi huʼa eʼnae. Apakaemo Mikimasi taonifiʼmo eteʼa seli noʼapimo aliʼa he tiʼa ateʼnae. Metaveni taonimo haneʼnigeno yegemo haine neʼeya haopalegamo Mikimasi taonimo haneʼniye.

1 Samiyo 14:23

Apavegala aeliʼuʼa Meti Eveni taonifilagamo akame huʼa huʼnae. Ani afinaʼmo Ala kava neʼmoʼa ani kavatetiʼmo Isaleli vayaʼai apakufamo alino katino apateʼniye.

1 Samiyo 30:27

Neviniʼmo ani fiku apamiʼniya yaʼmo muki mani taoniʼafiʼmo maiʼnaya vayaʼaina apamiʼniye. Meto taonifi maiʼnaya vayanagi lamaga Lamoti taonifi maiʼnaya vayanagi Yati taonifi maiʼnaya vayanagi