Yasuva 7:12 - The Keyagana NT and 25 OT books

¹² Huʼnayaʼmofeʼmo Isaleli vayaʼmo kame vayaʼapimogi apaulagaleʼmo afaʼa he tiʼa oʼmaiʼa apaune heʼnae. Nagaemo lifana huʼna apateʼnovaʼmofeʼmae. Lapakaepatiʼmo lifana huʼna ateʼnova vekamo kamitimo ohaesayaʼmoʼmo nagaemo lapakaeʼeʼmo magoʼe huʼna magokepi lokaeʼna oʼmaiguve.

Yasuva 7:12 ပူးပေါင်းရင်းမြစ်များ

Samu 60:10

O Gotiyo, huʼna, Ani kavaʼmo hisana vekageʼmo maiʼnanaʼmonanafa kagaemo ago kakameʼyamo lamiʼnane. Kagaekeʼmo maiʼnanaʼmonanafa lagae ami vayaʼmo hapa oʼmaeʼnane.

Mai'naya kavane 28:1

Mago vekamoʼmo hosu vayaʼmo apavegala noʼaefa apakaiʼapigeʼmo apaune nehayaʼmonanafa fatago vayaʼmogimo laiyonigana huʼa koli osuʼa neʼmaiye.

Aiyeya 59:2

Ala kava neʼmoʼa getapimo oʼafisiyafeʼmo agesaleʼmo alino noʼakaniyaʼmonanafa hosu kavatapimokeʼmo Gotitapimoʼe lapakaeʼeʼmo alino fako huno lapateʼniye. Hosu kavatapimoʼmo augosaleʼmo aino ati kaeʼnigeno getapimo noʼafiye.

Hamakaki 1:13

Kaote kaulagaʼe vekamo maiʼneka hosu kavaʼmo neʼagekaeʼmo amuse osuge alagi okahauge nehiyaʼmofeʼmo hosu kavaʼmo nehaya vayaʼmo apakegeka oʼapategane. Na kava higekaeʼmo kutulu yaʼmo neʼnaya vayaʼmo apakegeka neʼapatane. Hosu vayaʼmogimo mago vayaʼmo aiseʼamo aeʼa apaka seʼa alagepa kavaʼmo huʼa maiʼnaya vayaʼmo nehapayaʼmonanafa na kava higekaeʼmo ge osuka maiʼnane.

Napa 14:39

Moseseʼmo Ala kava neʼmoʼa ha paiʼniya gemo Isaleli vayaʼaifeʼmo hapa paiʼnigeʼa lusi kava huʼa yulagefa aiʼnae.

Napa 14:42

Ala kava neʼmo lapakaeʼeʼmo magokepi lokaeno oʼmaiʼniyanagi uta ohaiyo. Fiku yanageʼa kame vayatapimogimo kamemo huʼa aeʼa lapaka segae.

Napa 14:43

Lapakaemo visageʼapaeʼmo Amaleki vayaʼmogiʼe Kenani vayaʼmogiʼeʼmo kame lahapaesagetapa faligae. Lapakaemo Ala kava neʼmo ago ataleʼnayanageno lapakaeʼeʼmo magokepi lokaeno oʼmaigiyaʼmofeʼmo kamemo huʼa aeʼa lapaka segae, huno hapa paiʼniye.

Napa 14:45

Inagi Isaleli vayaʼmo uʼa haiʼnageʼapaeʼmo Amaleki vayaʼe Kenani vayaʼeʼmo ave kotetiʼmo ataleʼa emiʼeʼa kamemo huteʼa huʼa aeʼa apaka seteʼa apavegala aeliʼa uʼa Homa taonifilagamo apataleʼnae.

Yasuva 6:18

Lapakaemo taonifatiʼmo magoke lifana hu maleʼnaya yaʼmo alagi haʼao oʼaliyo. Lapakaemo alisayaʼmoʼmo lifana vayaʼmo hamalege muki Isaleli vayaʼmo lifana gemoʼmo lapakenopaleʼmo asagauno aige hisigetapa alopa hanageke yaʼmo alita apamigae.

1 Samiyo 14:38

Osuʼniyaʼmofeʼmo Soloʼmo Isaleli vayaʼaiteʼmo yagaiʼniya vayaʼaifeʼmo hapa painoʼaeʼmo, Eyo, huno, Hemenimo haiya agufa hosu kavaʼmo afole aiʼnifigeta kahauya huta agegaune.