Yasuva 7:1 - The Keyagana NT and 25 OT books

¹ Isaleli vayaʼmo aeʼa apakaseʼnayaʼmonanafa lifana hu maleʼniya yafeʼmo Ala kava neʼmoʼa huʼniya gemo ago amagiʼa ataleʼnae. Ekaniʼmo Kami mafaʼnemo maiʼnigeno Kamiʼmo Sapani mafaʼnemo maiʼnigeno Sapaniʼmo Sela mafaʼnemo maiʼnigeno huʼa Yuta nofi vayapatiʼmo maiʼnae. Ekaniʼmo mago lifana hu maleʼniya yaʼmo aliʼniyaʼmofeʼmo Ala kava neʼmoʼa Isaleli vayaʼaifeʼmo aipamo leno apateʼniye.

Yasuva 7:1 ပူးပေါင်းရင်းမြစ်များ

Aepa Gemae 34:27

Yekopu mafaʼne anagaʼmogigeʼmo muki ani taonifi faliʼnaya vayaʼai kagemi yaʼapimo aliʼnae. Apasaʼapimotegamo hosu kavaʼmo huʼniya kavatefeʼmo huʼnae.

2 Kini 5:24

Apakaemo Ilaisa noteʼmo uʼa avaʼyi huteʼapaeʼmo Geheyiʼmo ani yaʼmo aliteno alinino nopiʼmo uno haino maleʼnigeʼana lole vekalaʼmo Nemanitegamo atagineʼana uʼnaʼae.

Esala 9:6

Nagaemo ina gemo huʼna nunumuʼmo huʼnove. O Gotiʼnimogae, huʼna, Hosu kavatimoʼmo lagenopamo ago alino laga seno uno haiʼniyaʼmofeʼmo nagufamo alino afepiʼmo nateʼniye. Hosu kavatilefeʼmo vaiʼmo alisuna kavaʼmo kosime kosime uno haino kokuʼnateʼmo haneʼniyaʼmofeʼmo lusi kava huno navagage nehiyanageʼna afaʼa aliʼna maku huʼna okagegauve.

Neniyo 9:7

O Ala kava nene, huʼna, Kagaemo fatago kavaʼageʼmo nehana Gotigamo maiʼnanaʼmonanafa lagaemo muki Isaleli vayaʼmogita hosu kavatimoʼmo muki afinaʼmo alopa lavagage yaʼmo alino nelamiye. Lagaemo Yuta kotega vayaʼmogitaleʼe Yulusalemu taonifi vayaʼmogitaleʼeʼmo hemenimo ani lavagage yaʼmo haneʼniye. Mago vayaʼakamo kataleʼa uʼnayaʼmofeʼmo alika hapa faika apataleʼnanageʼa uʼa haopaleʼmo maige afagitegamo maige huʼnaya vayaʼmogi apavagage hisiya kavaʼmo haneʼniye.

Yona 1:7

Sipifiʼmo aliʼyaʼmo neʼaliya vayaʼmogi apakaiʼapi apakaiʼapimo huʼapaeʼmo, Lagitimo avoʼmo kaeteta kupiʼmo ku ai maleʼneta kupatiʼmo ina la agimo alisupi mani neʼaluna hanageke yaʼmo aepa vekamo agaemae, huta agegaune, huʼa huʼnae. Ani kavaʼmo huteʼa Yona agimo aliʼnae.

Yasuva 22:16

Muki Ala kava neʼmo vayaʼamogimo ge huʼa lapafi geʼnae. Lapakaemo na agufa kavaʼmo higetapaeʼmo ani hosu kavaʼmo Isaleli vayaʼmogi Gotiʼapimotegamo huʼnae. Hemenimo lapakaemo Ala kava neʼmo akame osutapa ataleʼnae. Ala kava neʼmo geʼamo amagitapa atalesayafeʼmo ani ofalini hisaya yafa hiʼyalamuʼmo lapakaitapilefeʼmo huʼnafiye.

Yasuva 22:18

Hemenimo lapakaemo Ala kava neʼmo geʼamo amagitapa atalesayana egamo muki Isaleli vayaʼmogitaeʼmo aipamo leno lategaiye.

Yasuva 22:20

Ekaniʼmo Yila mafaʼnemoʼmo Ala kava neʼmoʼa lifana hu maleʼniya yatetiʼmo hosu kavaʼmo huʼnigeno Ala kava neʼmoʼa mukiʼamogitaeʼmo aipamo leno lateʼnigeʼa mago Isaleli vayaʼe agaeʼeʼmo faliʼnae. Agaiʼageʼmo ofaliʼniye, huʼa hapa paiʼnae.