Yasuva 6:4 - The Keyagana NT and 25 OT books

⁴ Mono huʼa neʼapataya vayaʼmo seveniʼamogimo kotalake kesileʼmo uʼa hogoteteʼa ve sipisipimogi lokiyaʼapiletiʼmo alo huʼnaya pikulimo seveniʼa pikulimo aliniʼa ugae. Lapakaemo napa seveni afinaʼmo alagi taonimo seveniʼa kanaleʼmo aita vego hutapa neʼvisageʼapaeʼmo mono huʼa neʼapataya vayaʼmogi pikulimo hugae.

Yasuva 6:4 ပူးပေါင်းရင်းမြစ်များ

Aepa Gemae 2:3

Gotiʼa muki yaʼamo alo huno hano huteno ani afinaʼmo maino haga leʼniyaʼmofeʼmo seveni afinaʼmo alino auleno ateteno alino aote maleʼniye.

1 Kini 18:43

Agaemo aliʼyaʼamo neʼaliya vekaeʼmo ha painoʼaeʼmo, Kagaemo uka haika mugalegatiʼmo solovala anitegamo aulu heka ago, huno ha paiʼnigeno uno aulu heno agegenoʼaeʼmo halate atagineno eno mago yaʼmo oʼageʼnove, huno ha paiʼnigeno Ilaiyaʼmo, halate uka haika aulu heka ago, huno seveniʼa afinaʼmo magoke agufa geʼageʼmo huʼniye.

2 Kini 5:10

Ilaisaʼmo mago vekamo alino ateʼnigeno uno Nemanifeʼmo ha painoʼaeʼmo, Kagaemo uka Yoneni anipiʼmo seveniʼa kanaleʼmo aniʼmo falegenoʼa kaitakamo kahagesigeno afa kagufamo alino ha maleno, huno ha paiʼniye.

2 Kini 5:14

Inagi Nemaniʼmo geʼapimo afiteno uno Yoneni anipiʼmo Goti vekaʼamoʼmo huʼniya agufa kavaʼmo huno seveniʼa kanaleʼmo anipiʼmo nukuma neʼnigenoʼaeʼmo lepolosi kaitaʼamo alagi ago hageʼniye. Agufamo kanale agufamo saufa mafaʼnemo agufagana agufamo alino hamaleʼniye.

2 Sitoli 20:17

Apakegayaʼmonanafa lapakaitapimo kamemo osutapa afaʼa maigae. Kamemo hisaya kumateʼmo utapa avaʼyi hutetapaeʼmo he tita lamitapa aulu hetapa ageta maiyo. Ala kava neʼmoʼa lapa maesigetapa agegayana lapakufamo alino katino lapatesigetapa agegae. Lapakaemo Yulusalemu vayaʼmogitapaʼe muki haopalega maiʼnaya Yuta vayaʼmogitapaʼeʼmo lapaipamoʼmo kana huʼninagetapa koli osiyo. Egamo lapakaemo kamemo hisayafeʼmo vigenoʼao Ala kava neʼmoʼa lapakaeʼeʼmo magokepi lokaeno vino, huno hapa paiʼniye.

2 Sitoli 20:19

Mono huteʼa Livai nofi vayapatiʼmo lole nofi vayaʼmo Kohati nofi vayaʼe Kola nofi vayaʼmogiʼeʼmo he tiʼa alopa gefatiʼmo yokemo huʼa Ala kava neʼmo Isaleli vayaʼai Gotiʼapimo agiʼaleʼmo aliʼa asaga huʼnae.

2 Sitoli 20:21

Inagi agaemo vayaʼaeʼmo, na agufa yane, hutapa lapakesamo neʼafiye, huno ge huno apafi geʼnigeʼapaeʼmo ha paiʼnageno Ala kava nefeʼmo yokemo hisaya vayaʼmogi Ala kava neʼmo aote kavaʼamo ha le konali kavaʼalefeʼmo yokemo hisaya vayaʼmo lekana paino apateʼniye. Inagi apakaemo hogoteʼa uʼapaeʼmo, Muki afinaʼmo hau ayamopafiʼmo hauge hauge huno hauno neʼmaiyaʼmofeʼmo Ala kava neʼmo agiʼaleʼmo alita asaga hiyo, huʼa yokemo hume hume uʼnageʼa ati vayaʼmo apakame huʼa uʼnae.

Napa 23:1

Aveleʼmo maiʼnenoʼaeʼmo Melamiʼmo Melakifeʼmo hunoʼaeʼmo, Kagaemo mani haopalegamo seveniʼa ofalini yafa hiʼyalamuʼmo huteka seveniʼa ve pulumakagi seveniʼa ve sipisipigi huka apavalelika eno.

Yasuva 6:13

Ani mono huʼa neʼapataya seveniʼa vayaʼmogi seveniʼa pikulimo aliteʼa kesileʼmo pikulimo huliʼa uʼa hogoteʼnae. Mago ati vayaʼmo mono huʼa neʼapataya vayaʼaiteʼmo uʼa hogotege kesimo akamelegamo ege huʼnae. Mono huʼa neʼapataya vayaʼmogimo pikulimo huliʼa uʼnae.

Yasuva 6:3

Kagaeʼe ati vayakaʼeʼmo mani taonileʼmo muki afinaʼae afinaʼaeʼmo magokeʼageʼmo aitapa vego hute hute hume hume viyo. Sigisiʼa afinaʼmo ani kavaʼmo hiyo.

Yasuva 6:5

Apakaemo pikulimo huʼa yatala hisaya afinaʼmo afitetapaeʼmo mukiʼamogitapamo alopa gefatiʼmo keya aetapa ge hisageno ani taonimo agiʼnaleʼmo faino vego huʼniya yafa kegiʼyamo aino naku paeno mopafiʼmo asagauno aisigeʼapaeʼmo inagi muki Isaleli vayaʼmo apaulagaleʼmo haneʼniya katetiʼmo taonifiʼmo alagi uʼa haigae, huno ha paiʼniye.

Leveleseni 1:20

Seveniʼa kanefiʼmo lamaga nayapiʼmo haneʼnigeka ageʼnana kanefiʼe seveniʼa goli yafatetiʼmo alo huʼnaya hiʼyalamuʼefeʼmo aepaʼamo haneʼniyana alino fala ki maleʼniya kavafeʼmo aepaʼamo kaha paiguve. Seveniʼa kanefiʼmo haneʼniya kava huʼa seveniʼa siosifiʼmo apa vayaʼmo maiʼnae. Seveniʼa aise hiʼyalamuteʼmo magoke magoke lamumo maleʼnaya hiʼyalamuʼmo haneʼniya kava huno seveniʼa siosiʼamo haneʼniye.

Leveleseni 1:4

Nagaemo Yoniʼnamo Esiya kotega haneʼniya seveniʼa siosifiʼmo maiʼnaya vayaʼmogitapaeʼmo mani gemo avoʼmo kaeʼnove. Gotiʼa hogoteno maiʼniyanageno hemeniʼeʼmo neʼmaiyanageno henagaʼamo alagi maisiya vekamoʼmo fikumo lapa maeno lapamisigeno lapaipamoʼmo falu hino. Goti Aunemeʼamoʼmo muki lokiya himamuʼamo seveniʼa himamuʼamo aliʼniya vekamo Gotiʼa yagaino neʼapateya siyamo aulagamo maiʼniya vekamoʼmo fikumo lapa maeno lapamisigeno lapaipamoʼmo falu hino.

Leveleseni 10:3

alopa gefatiʼmo laiyonimoʼa kaekae hugekana agufa gemo huno ge huʼniye. Ge huʼnigenoʼaeʼmo seveniʼa afinaʼmo hakalu hakalu hugekana huno age aiʼniya vekamoʼmo lusi kava huno age aiʼniye.

Leveleseni 15:1

Ageteʼnaeʼmo ageʼnovana magoʼe aune kavafeʼmo lusi kava huʼa hapau neʼaiya agufa aune kavaʼmo haneʼniyana seveniʼa enisole vayaʼmogi seveniʼa kayoʼmo aliʼnae. Ani kayoʼmo Gotiʼa aipamo leno neʼapateyanageno apamagisigeno hano hugiyaʼmofeʼmo henagaʼamo ani kayoʼmo afole aisiyafeʼmo haneʼniye.

Leveleseni 15:7

Mago vekamo loleʼe loleʼe vayapati vekamoʼmo seveniʼa goli yuvapamo alino seveniʼa enisole vayaʼmo apamiʼniye. Gotiʼa maige maige huno maiʼneno maino hano osuno neʼmaiya Gotiʼa aipamo leno neʼapateya kavaʼmo yuvapafiʼmo havaiteʼniye.

Leveleseni 16:1

Hutegeʼnaeʼmo afiʼnovana aote mono nopatiʼmo alopa gefatiʼmo seveniʼa enisole vayaʼaifeʼmo, Gotiʼa aipamo leno neʼapateya kayoʼmo seveniʼa yuvapafiʼmo haneʼniyanagi alinitutapa ma mopafiʼmo aitapa lakiyo, huno hapa paiʼnigeʼna afiʼnove.

Leveleseni 5:1

Ageʼnovana yagaino neʼapateya siyateʼmo fai maiʼniya vekamoʼmo apepaleʼmo aluga alugaʼamo avoʼmo kaeteno alino kafage ki maleʼneno seveniʼa afinaʼmo kameletiʼmo faleteno aino kamaeteno lamaga ayapiʼmo aliʼniye.

Leveleseni 5:6

Naha paiʼnigeʼnaeʼmo ageʼnovana mago aikeli sipisipimoʼmo yagaino neʼapateya vekamo siyateʼmo fai maiʼniya vekamo aulagamo maiʼnigeʼa loleʼe loleʼe vayaʼe tuveti foʼa vayatama vayaʼmogiʼeʼmo faiʼa ku aiʼa ateʼnae. Amagiʼnageno faliʼniya aikeli sipisipigana huno maiʼniye. Agaemo agenopafatiʼmo seveniʼa lokiyaʼamo haneteno seveniʼa aulagamo haneʼniye. Seveniʼa aulagamo haneʼniya kava huno Goti Aunemeʼamo himamuʼamo seveniʼa himamuʼamo alino ateʼnigeno muki ma mopafiʼmo uneno nehiya Auneme himamuʼamo haneʼniye.

Leveleseni 8:2

Inagi ageʼnovana seveniʼa enisole vayaʼmo Goti aulagaleʼmo he tiʼa maiʼnaya enisole vayaʼmo apamiʼniya pikulimo aliteʼa maiʼnageʼna apakeʼnove.

Leveleseni 8:6

Hutegeʼapaeʼmo seveniʼa enisole vayaʼmogimo seveniʼa pikulimo aliʼneʼa pikulimo hisayafeʼmo alo huʼa maiʼnae.