Yasuva 6:23 - The Keyagana NT and 25 OT books

²³ Inagi ageʼana alagepa huʼnaʼa neya vekalaʼmoganimo nopiʼmo uʼana haiʼana Lehapiʼagi itaʼafoʼalaʼmoganimogi konagaʼamogimogi afamo anagaʼapigi huʼana apavaleliʼana emiʼeʼana Isaleli vayaʼmo seli noʼapimo aliʼa he tiʼa ateʼnaya haopaleʼmo malaga apateʼnaʼageʼa maiʼnae.

Yasuva 6:23 ပူးပေါင်းရင်းမြစ်များ

Aepa Gemae 12:2

Inagi nagaemo kagaepatiʼmo asole kaginago vayaʼmo aliʼna afole aiʼna apatesugeʼa magoke nofi vayaʼmo maigae. Nagaemo aliʼna auleʼna katesugeka ala kagimo aliteka aulena gemo hapa paisanageʼa aulena vayaʼmo maigae.

Aepa Gemae 18:24

Fifitiʼa fatago vayaʼmo ani taonifiʼmo maiʼnisayana fifitiʼa fatago vayaʼaitefeʼmo afaʼa apakegeka oʼapateka ani taoniʼe muki vayaʼeʼmo alika hano huka apatalegapiye.

Aepa Gemae 19:29

Gotiʼa muki otuleʼmo haneʼniya taoniʼamo ata kaeno sagalino ataleʼniyana Emalehamufeʼmo age okanino agesamo afige Loti maiʼniya taonimo alino hano huno ataleʼniyaʼmonanafa Lotiʼmo ago alino ateʼnigeno uge huʼniye.

Napa 31:19

Lapakaemo mago vayaʼmo kamitimo apamagiʼnisageʼa faliʼnisafi ago faliʼnisiya vekamo agufaleʼmo ame aliʼnisafi huʼnisaya vayaʼmo notapimo malagamo seveniʼa afinaʼmo maiyo. Napa tali afinaʼe seveni afinaʼeʼmo lapakaeʼe kamefatiʼmo aliʼnisaya a mafaʼne anagaʼeʼmo yaveyave kavaʼmo akame hutapa alita hamaletapa lapategenoʼa lapakaemo Goti aulagaleʼmo yaveyave vayaʼmo hamaleyo.

Apa 10:28

Apaketenoʼaeʼmo, Lagae keʼaepa gemoʼa hunoʼaeʼmo, Yu vayaʼe alu nofi vayaʼeʼmo magokepi lokaetapa oʼmaiyo, huno huʼnigetapa ago afiʼnae. Huʼniyaʼmonanafa Gotiʼa hunoʼaeʼmo, Mago vekaeʼmo hukaeʼmo, hosu vekamo maiʼniyanageʼna agaeʼeʼmo magokepi lokaeʼna oʼmaiguve, huka osuvo, huno ago alino nave liʼniye.

Apa 27:24

Agaemo, hunoʼaeʼmo, Polo, huno, Koli osuvo. Uka hogote ala vekamo Sisa aulagaleʼmo he tika maigane. Gotiʼa sipifiʼmo maiʼnaya vayaʼmo apavaleno kamiʼniye, huno naha paiʼniyaʼmofeʼmo

1 Kolitiyani 5:12

Malaga vayaʼmo aliʼna fako huʼna apatesuva agufa aliʼyaʼnimo ohaneʼniye. Gotiʼa alino fako huno apategaiyaʼmonanafa lapakaemo lapakaitapimo siosifiʼmo neʼmaiya vayaʼmo alita fako hutapa apatesaya kavaʼmo haneʼniyaʼmofeʼmo Lapakaemo ani hosu vekamo alita malaga hafaitapa ataleyo.

Efasasi 2:12

Ani afinaʼmo Kalaisiʼeʼmo lokaeta oʼmaitapa lapaote maiʼnae. Isaleli vayaʼai kegiʼya yuʼilaga eta haiteta oʼmaitapa malaga maiʼnae. Gotiʼa lapa maegauve, huno hu maleʼniya kotalakelefeʼmo polomasi gemo hu maleʼniya gemo lapa opaiʼniye. Ma mopafiʼmo maiʼnetapaeʼmo Gotitegatiʼmo alagepa yaʼmo alisayafeʼmo agava maiʼnetapa lapavayagunagu osuʼnageno Gotitapimoʼmo oʼmaiʼniye.

Himulu 11:31

Lehepiʼa kumai a kanomoʼmo agesamo afino fatago huʼniya kavatetiʼmo apamasa hisaʼafeʼmo eʼnaʼa vekalaʼmo alino falu fala huno anateʼnigeʼapaeʼmo Isaleli vayaʼmogi apakesamo afiʼa fatago osuʼnaya vayaʼmo hapaeteʼa Lehepiʼmo afaʼa ateʼnageno maiʼniye.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

Yasuva 2:13

Isaleli vayaʼmogitapamo itaʼni afoʼnilaʼmoganimo ohanaege naganaʼnimogimo ohapaege nasaʼnimogimo ohapaege muki afamo anagatimo ohapaege hiyo.

Yasuva 2:16

Agaemo lole vekalafeʼmo hunoʼaeʼmo, Lanakaemo utana avefilaga loleʼe magoʼe afinaʼmo fala kitana maiʼao. Fiku yanageʼa lanavegala aesaya vayaʼmogimo lanakegae. Apakaemo Yeliko taonifiʼmo eʼa haiʼetesagetanaeʼmo lanakaemo halate nofi vayatanilegamo ugaʼae.