Yasuva 6:17 - The Keyagana NT and 25 OT books

¹⁷ Ala kava neʼmoʼa taonimo heno halagape vaige muki taonifiʼmo maiʼnaya vayaʼmo hosu kava huʼa maige hisayafeʼmo ge hugiye. Ani kate a kanomo Lehapikeʼmo noʼafiʼmo maiʼnaya afamo anagaʼaʼeʼmo afaʼa maigae. Agaemo lagaemo taonimo ageʼana alagepa hisaʼafeʼmo alita anateʼnonageʼana eʼnaʼa vekalaʼmo alino fala kino anateʼniyaʼmofeʼmae.

Yasuva 6:17 ပူးပေါင်းရင်းမြစ်များ

Aepa Gemae 12:3

Kaha maesaya vayaʼmo aliʼna aulena apategauve. Lifana huʼa katesaya vayaʼmo lifana huʼna apategauve. Kagaetetiʼmo muki ma mopafi nofi vayaʼmo auleʼna vayaʼmo maigae, huno ha paiʼniye.

Esala 10:8

Mago vekamo oʼmesiyaʼmoʼmo inagi lagaemo muki yaʼamo aliteta Isaleli nofi vayapatiʼmo kalavusifatiʼmo ataleʼa eʼnaya vayapatiʼmo alita hafaita atalegaune, huʼa huʼnae. Ani gemo yagaiʼa lapateʼnaya vayaʼai geʼe vayatama vayaʼai geʼeʼmo haneʼniye. Ani yagaiʼnaya vayaʼmogi mago apa vayaʼmo aliʼa apateʼnageʼa muki Yuta kotegaʼe Yulusalemu taonifiʼeʼmo uʼeʼa huʼa ani gemo huʼa hapa paiʼnae.

Maika 4:13

Ala kava neʼmoʼa Yulusalemu vayaʼaifeʼmo ina gemo huno hapa paigiye. Saiyoni a mafaʼneo, huno, he tika uka kaiyaletiʼmo aeka lata paiyo. Nagaemo lapakaemo mago ve pulumakamoʼa aeni lokiyaʼagi aeni aiyagi huno maiʼniya agufa ve pulumakagana huʼna lokiya vaiʼna lapategauvaʼmofeʼmo lapakaemo muki asole nofi vayaʼmo aeta lata paigae. Kame vayatapimogimo muki yaʼmo kamefatiʼmo aliʼnaya yaʼmo lapakaemo alitetapa malesaya yaʼmo namigae. Nagaemo muki ma mopafi vayaʼai Ala kava neʼapimoʼnae.

Matiyu 25:40

Ala kini vekaʼapimoʼmo hunoʼaeʼmo, lama ge lapa nepauve, huno, lapakaemo nagae vayapatiʼmo ina agufa naganaʼnimogitegamo ani kava huʼnaya kavaʼmo nagaetegageʼmo huʼnae, huno hapa paigiye.

1 Kolitiyani 16:22

Ala kava nefeʼmo hapau apayamopafiʼmo nohapaiya vayaʼmo Gotiʼa alagi apatalesigeʼa afela heyo. Ala kava netimo emikeno.

1 Kolitiyani 2:7

Hapa nopaunaʼmonanafa Gotiʼa alino fala ki maleʼniyanageʼa afaʼa oʼagesaya geʼaletiʼmo Gotiʼa afiteno ageʼniya geletiʼmo hapa nepaune. Gotiʼa ma mopamo alo osuʼnenoʼaeʼmo ha le konali yaʼamo alisunafeʼmo ani gemo hu maleʼniye.

Galesiya 3:10

Goti Mukufiʼmo avoʼmo kae maleʼniya gemoʼmo hunoʼaeʼmo, Ina lagimo muki afinaʼmo muki keʼaepa geʼamo akame huʼa hano nosisafigeno Gotiʼa lifana huno neʼapate, huno huʼniyaʼmofeʼmo Goti keʼaepa gemo akame nehaya kavaʼapilefeʼmo aliʼa amufa amiʼnaya vayaʼaifeʼmo lifana huno apateʼniye.

Galesiya 3:12

Goti aulagaleʼmo fatago vayaʼmo maisayafeʼmo Goti keʼaepa geʼamo akame nehaya kavaʼmoʼa Kalaisifeʼmo apakesamo afiʼa fatago nehaya kavatefeʼmo ohaneʼnifa alu kavaʼmo haneʼniye. Keʼaepa gemo akame nehaya kavatefeʼmo Goti Mukufiʼmo avoʼmo kae maleʼniya gemoʼmo hunoʼaeʼmo, Goti keʼaepa geʼamo akame nehaya vayaʼmo ani kavatetiʼmo ofaliʼa alagepa huʼa maigae, huno huʼniye.

Himulu 11:31

Lehepiʼa kumai a kanomoʼmo agesamo afino fatago huʼniya kavatetiʼmo apamasa hisaʼafeʼmo eʼnaʼa vekalaʼmo alino falu fala huno anateʼnigeʼapaeʼmo Isaleli vayaʼmogi apakesamo afiʼa fatago osuʼnaya vayaʼmo hapaeteʼa Lehepiʼmo afaʼa ateʼnageno maiʼniye.

Himulu 6:10

Lapakaemo aliʼyaʼmo alige Gotifeʼmo lapau lapayamopafiʼmo lapauʼnigeta aliʼyaʼamo alige nehutapa apaote vayaʼamo hapa maeʼnayanageta hapa neʼmae. Gotiʼa hosu kavaʼmo huno alino fako huno noʼapateyaʼmofeʼmo alagepa kavatapieʼmo alagi age okanigiye.

Yemisi 2:25

Kumai kavaʼmo nehiya a kanomo Lehepiʼa kame vayaʼaifeʼmo apamasa hisaʼafeʼmo eʼnaʼa vekalaʼmo noʼafiʼmo uʼana havaesaʼafeʼmo havaesaʼa yaʼmo alino alagepa huno anateʼnigeʼana uʼana havaetaʼagenoʼaeʼmo visaʼa kaʼmo alino anave liʼniye. Ani kavaʼmo huno Gotiʼa ani a kanomoʼa huʼniya alagepa kavaʼaletifeʼmo hunoʼaeʼmo, naulagaleʼmo fatago a kanomo maiʼnane, huno ha paiʼniye.

Yasuva 2:1

Isaleli vayaʼmo Sitami kotegamo maiʼnagenoʼaeʼmo Nani mafaʼnemo Yasuvaʼmo lole vekalaʼanifeʼmo hana painoʼaeʼmo, Lanakaemo utana Yeliko taonifiʼe haopaleʼmo haneʼniya mopaʼeʼmo agetana alagepa hiʼao, huno hana paiteno alino anateʼnigeʼana uʼnaʼae. Uʼana mago kate a kanomo agiʼamo Lehapi noteʼmo avaʼyi huteʼana agae nopiʼmo maiʼnaʼae.

Yasuva 2:22

Inagi ani lole vekalaʼmo avelegamo uʼana avaʼyi huteʼanaeʼmo loleʼe magoʼe afinaʼmo maiʼna ageʼapaeʼmo anavegala aeʼnaya vayaʼmo oʼanakeʼana ataleʼa Yeliko taonifiʼmo atagineʼa uʼnae. Anavegala aeʼnaya vayaʼmogi muki koteʼmo kahauya huliʼa uʼeʼa huʼnayaʼmonanafa oʼanakeʼnae.

Yasuva 7:1

Isaleli vayaʼmo aeʼa apakaseʼnayaʼmonanafa lifana hu maleʼniya yafeʼmo Ala kava neʼmoʼa huʼniya gemo ago amagiʼa ataleʼnae. Ekaniʼmo Kami mafaʼnemo maiʼnigeno Kamiʼmo Sapani mafaʼnemo maiʼnigeno Sapaniʼmo Sela mafaʼnemo maiʼnigeno huʼa Yuta nofi vayapatiʼmo maiʼnae. Ekaniʼmo mago lifana hu maleʼniya yaʼmo aliʼniyaʼmofeʼmo Ala kava neʼmoʼa Isaleli vayaʼaifeʼmo aipamo leno apateʼniye.

1 Samiyo 15:3

Kamemo hapaeʼnayaʼmofeʼmo kagaeʼe ati vayakaʼeʼmo uta Amaleki vayaʼeʼmo kamemo hutetapa muki yaʼapimo alita hano hiyo. Lapakaemo apakegetapa oʼapateyo. Lapakaemo muki ve anaganagi aʼne anaganagi mafaʼne anaganagi nute mafaʼne anaganagi pulumaka anaganagi sipisipi anaganagi kamo anaganagi noki anaganagi hutapa alagi kamitimo hapaeyo, huno hapa paiʼniye.

1 Samiyo 15:6

Soloʼmo Kinaiti vayaʼaifeʼmo hapa painoʼaeʼmo, Lapakaemo Amaleki vayaʼmo apataletapa viyo. Fiku yanageta lagaemo Amaleki vayaʼe lapakaeʼeʼmo lahapaegune. Lapakaemo Isaleli vayaʼmogita laginago vayaʼmo Isipi kotegatiʼmo ataleʼa eʼnaya afinaʼmo apakaetegamo huʼnaya alagepa kavafeʼmo lagesamo neʼafune, huno hapa paiʼnigeʼa Kinaiti vayaʼmo Amaleki vayaʼmo apataleʼa uʼnae.