Yasuva 6:1 - The Keyagana NT and 25 OT books

¹ Isaleli vayaʼmo ago eʼa hogo huʼa maiʼnayaʼmofeʼmo Yeliko vayaʼmogimo vayaʼmo oʼuge oʼmege hisayafeʼmo muki taonile kegiʼya kipate kitamo ago kiʼa alagi hu maleʼnae.

Yasuva 6:1 ပူးပေါင်းရင်းမြစ်များ

2 Kini 2:4

Inagi Ilaiyaʼmo Ilaisafeʼmo ha painoʼaeʼmo, Ala kava neʼmoʼa nagaefeʼmo, Yeliko taonifilagamo uvo, huno naha paiʼniyaʼmofeʼmo kahaoke hovanagi, manileʼmo maiyo, huno ha paiʼniyaʼmonanafa Ilaisaʼmo ha painoʼaeʼmo, Ala kava neʼmo afaʼa maiʼnigekaeʼmo kagaemo afaʼa maiʼnane, huʼna alagi lama gemo huʼnaeʼmo, Kataleʼna oʼuguve, huno ha paiʼnigeʼana Yeliko taonifiʼmo uʼnaʼae.

Samu 127:1

Ala kava neʼmoʼa hapa oʼmaesiyaʼmoʼmo noʼmo nekiya vayaʼmogimo afa aliʼyakeʼmo aliteʼa noʼmo okigae. Ala kava neʼmoʼa hapa oʼmaesiyaʼmoʼmo taonifiʼmo yagaiʼnaya vayaʼmogi afaʼageʼmo yagaiʼnisagenoʼaeʼmo taonifiʼmo hosu kavaʼmo afole aigiye.

Yasuva 16:7

Ataloti taonileʼe Nela taoniletiʼeʼmo hanelinuno lamino Yeliko taonileʼmo uno avaʼyi huteno hanelinuno Yoneni aniteʼmo hanelinuno hano huʼniye.

Yasuva 18:21

Menisameni nofi vayaʼmogiʼmo afamo anagaʼaʼe anagaʼaʼeʼmo aliʼnaya taonimo agiʼamo Yeliko taonigi Meti Hola taonigi Ime Kiyi taonigi

Yasuva 2:1

Isaleli vayaʼmo Sitami kotegamo maiʼnagenoʼaeʼmo Nani mafaʼnemo Yasuvaʼmo lole vekalaʼanifeʼmo hana painoʼaeʼmo, Lanakaemo utana Yeliko taonifiʼe haopaleʼmo haneʼniya mopaʼeʼmo agetana alagepa hiʼao, huno hana paiteno alino anateʼnigeʼana uʼnaʼae. Uʼana mago kate a kanomo agiʼamo Lehapi noteʼmo avaʼyi huteʼana agae nopiʼmo maiʼnaʼae.

Yasuva 2:24

Anakaemo huʼanaeʼmo, Alagi lama gemo haneʼniyana Ala kava neʼmoʼa muki ani kotega mopamo ago alino layapiʼmo maleʼniye. Muki vayaʼamogimo lagaefeʼmo koli nehaya kavaʼmo apaipafiʼmo afole aiʼnigeno kame hisaya lokiyaʼapimo alagi ago hano huʼniye, huʼana ha paiʼnaʼae.

Yasuva 2:7

Inagi Lehapiʼmo huʼniya gemo afiteʼapaeʼmo taonifatiʼmo ataleʼa uʼnageʼapaeʼmo taonile yafa kegiʼya kipateʼmo yagaiʼnaya vayaʼmogimo malage huʼa alopa kitamo kiʼnae. Apakaemo kahauya hume hume Yoneni aniʼmo lakaeʼa neʼvaya haopalegamo uʼnae.

Yasuva 5:15

Ala kava neʼmo ami vayaʼaleʼmo neʼyagaiya vekamoʼmo Yasuvafeʼmo hunoʼaeʼmo, He tika maiʼnana mopamo aliʼna aote maleʼnova mopalekeʼmo he tika maiʼnanaʼmofeʼmo sukamo asagika malo, huno ha paiʼnigeno Yasuvaʼa ani kavaʼmo huʼniye.

Yasuva 6:2

Ala kava neʼmoʼa Yasuvafeʼmo ha painoʼaeʼmo, Afiyo, huno, Nagaemo Yeliko kini vekagi lokiya ati vayanagi Yeliko taonifi kagemi yanagi huʼna aliʼna kayapiʼmo kamiʼnove.