Yasuva 5:14 - The Keyagana NT and 25 OT books

¹⁴ agaemo, Haʼao, huno, nagaemo Ala kava neʼmo asole ami vayaʼaleʼmo hogote vekamo yagaiʼna neʼapatova vekamo eʼnove, huno huʼnigeno Yasuvaʼa augosalegatiʼmo mopafiʼmo asagauno aiteno mono huʼniye. Mono hutenoʼaeʼmo, Ala kava neʼnimogae, huno, aliʼyakaleʼmo maiʼnova vekaeʼmo na agufa ge huka naha paigane, huno ge huno afi geʼniye.

Yasuva 5:14 ပူးပေါင်းရင်းမြစ်များ

Aepa Gemae 17:17

Emalehamuʼa augosalegatiʼmo asagauno aino ati kaeno maiʼneno kigi nehunoʼaeʼmo aipafiʼmo agesa afinoʼaeʼmo, vani hataletiʼa kafugamo maiʼnisiya vekamoʼmo mafaʼnemo afaʼa alino ategaifiye. Selaʼeʼmo naetiʼa kafugamo maiʼniyana mafaʼnemo afaʼa alino ategaifiye, huno huteno.

Aepa Gemae 17:3

Emalemiʼa augosalegatiʼmo aino ati kaeno havaeʼnigeno Gotiʼa mago gemo ina ge huno ha paiʼniye.

Samu 110:1

Ala kava neʼmoʼa Ala kava neʼnieʼmo, lamaga nahaopaleʼmo faika maime maime neʼugeʼnao kame vayakamo aliʼna kaiya afeʼalumelaga apateno, huno ha paiʼniye.

Samu 24:10

Ani ha le konali kini vekamo ina laʼae. Asole ami vayaʼaiteʼmo yagaino neʼapateya kini vekamo ha le konali kini vekamo maiʼniye.

Hatu maeno apate'niya gemae 4:10

Moseseʼa Ala kava nefeʼmo hunoʼaeʼmo, O Ala kava nene, huʼna, nagaemo hogoteʼna asole vayaʼai apaulagaleʼmo alagepa huʼna ge nosuva vekamo maiʼnovaʼmonanafa hemenimo kagaeʼeʼmo magokepi gege nehuʼaʼmofeʼmo nagaemo ge hisuva agufa vekamo oʼmaiʼnove. Navayamoʼmo lusi kava huno kana nehiyanageʼna alagepa huʼna ge osuguve, huno huʼnigenoʼaeʼmo

Hatu maeno apate'niya gemae 4:13

O Ala kava nene, huno, kagaemo mago alu vekageʼmo alika ategeno vino, huno ha paiʼnigenoʼaeʼmo

Aiyeya 55:4

Nagaemo lama geleʼmo faigoko huno ha maesiyafeʼmo agaemo avaleʼna vayaʼmo apamiʼnove. Nagaemo gemo nehiya vekamo yagaino lapatesiya vekamo lekana paiʼna ateʼnove.

Aiyeya 6:8

Nagaemo Ala kava neʼmoʼa ge huʼnigeʼna afiʼnove. Ina gemo hunoʼaeʼmo, Ina laʼmo aliʼna atesugeno ugiye. Ina laʼmo laha maeno geʼnimo alinino ugiye, huno huʼnigeʼna afiteʼnaeʼmo, Nagaemo manileʼmo maiʼnovanagi alika nategeʼna vino, huʼna ha paiʼnove.

Neniyo 10:13

Nagaemo emiʼnesuvafe huvaʼmonanafa Pesiya kote neʼyagaiya vekamoʼmo tuveti vani afinaʼmo ka akanino nateʼniye. Inagi nagaiʼnigeʼmo Pesiya kote neʼyagaiya vayaʼeʼmo maiʼnovaʼmofeʼmo Maikoʼmo ala vekamo hogoteʼa neʼyagaiya vayapati vekamoʼmo naha maesiyafeʼmo eʼniye.

Neniyo 12:1

Ma mopafi vayakana agufa vekamoʼmo nagaemo Neniyoʼnaeʼmo magoʼe gemo naha painoʼaeʼmo, Ani afinaʼmo hogote enisole vekamo Maikoʼa lapakaemo Isaleli vayaʼmogitapaleʼmo yagaino nelapateya ala vekamo he tigiye. Ani afinaʼmo alagi alopa kana yaʼmo afole aigiye. Akeyaʼvilaga aepa faiʼniya afinatetiʼmo mago afole oʼaiʼniya agufa kana yaʼmo afole aigiye. Ani afinaʼmo Gotiʼa kagae nofi vayaʼmogi apakiʼapimo mukuʼafiʼmo avoʼmo kae maleʼnisiya vayaʼai apakufamo alino katino apategaiye.

Neniyo 8:11

Ami vayaʼaiteʼmo neʼyagaiya vekamoʼmo ala agimo neʼaliya kava huno magoke agufa agimo aliteno ani vekamoʼmo agaiʼa agiʼaleʼmo alino asaga huʼniye. Agaemo muki afinaʼae afinaʼaeʼmo ofalini nehaya kavaʼapimo ago alino hano huno ataleteno Goti mono noʼamo alino hosu huno ateʼniye.

Napa 16:22

Inagi Moseseʼe Eloniʼeʼmo mopafiʼmo anaugosalegatiʼmo asagauʼana aiteʼanaeʼmo, O Gotiyo, huʼana muki apauneʼapameʼe vayaʼmogi Gotiʼapimogamo maiʼnane. Magoke vekamoʼmo hosu kavaʼmo nehisiyaʼmoʼmo kagaemo muki Isaleli vayaʼaifeʼmo kaipamo leka apategapiye, huʼana huʼnaʼageno.

Napa 16:45

Lanakaemo mani vayaʼaitegatiʼmo ataletana viʼao. Malage huʼna aliʼna hano huʼna apatalegauvanagi. Ani gemo afiteʼanaeʼmo anaugosalegatiʼmo mopafiʼmo anakoʼya faiʼnaʼae.

Napa 22:31

Inagi Ala kava neʼmoʼa Melamiʼmo aulagamo alino ayakeno ateʼnigeno agaemo ageʼniyana Ala kava neʼmo enisole vekaʼamo naipemo aliteno kateʼmo he tino maiʼnigeno ageʼniye. Agetenoʼaeʼmo ape huno augosalegatiʼmo mopafiʼmo asagauno aiʼniye.

Matiyu 22:44

Neviniʼa ani geeʼmo hunoʼaeʼmo, Ala kava neʼmoʼa Ala kava neʼnieʼmo hunoʼaeʼmo, lamaga nahaopaleʼmo faika maime maime neʼugeʼna kamekamo apamagisugeʼa kaiya afeʼalumelaga maigae, huno huʼniye.

Matiyu 8:2

Inagi lepolosi kaitaʼmo hauʼniya vekamo agaetegamo eno aleʼya faiʼnenoʼaeʼmo, Ala kava nene, huno, kahauʼnisiyana afaʼa alika nahageka nategane, huno huʼniye.

Luki 1:43

Ina agufa a kanomo maiʼnovana haiya kavaʼmo higekaeʼmo Ala kava neʼnimo itaʼamoga nagaetegamo eʼnane.

Luki 20:42

Neviniʼa agaiʼamo Samu mukufiʼmo hunoʼaeʼmo, Ala kava neʼmoʼa Ala kava neʼnieʼmo hunoʼaeʼmo, lamaga nahaopaleʼmo fai maime maime neʼugeʼnao kame vayakamo apamagiteʼna aliʼna kaiyamo afeʼalumelaga apatesugeʼa maigae, huno ha paiʼniye.

Luki 5:12

Yesuʼa mago taonifiʼmo maiʼnigenoʼaeʼmo mago vekamo lusi kava huno lepolosi yaʼmo hauʼniya vekamoʼmo eno Yesuʼmo agetenoʼaeʼmo augosalegatiʼmo agoʼya faiʼnenoʼaeʼmo, Ala kava nene, huno, kahao ke hovanagi, kahauʼnisiyana afaʼa alika nahageka nategane, huno ha paiʼnigeno

Yoni 20:28

Tomasiʼa hunoʼaeʼmo, Ala kava neʼnimo Gotiʼnimogae, huno ha paiʼnigenoʼaeʼmo,

Apa 9:6

Hosimoʼmo aeno fayopayo hiyategamo akoʼya kayoteʼmo aiyamo aeno lanu paiʼnigeno agafu nekiya agufa kavaʼmo nehane, huno ha paiʼnigeno afitenoʼaeʼmo hau aiteno atete nehunoʼaeʼmo, Ala kava nene, huno, na kava hisuvafeʼmo kahauʼniye, huno afi geʼnigeno Ala kava neʼmoʼa hunoʼaeʼmo, He tika taonifilagamo ugenoʼao mago vekamoʼmo hisana kavafeʼmo kaha paigiye, huno ha paiʼniye.

Filipai 3:8

Ataleʼnovanageʼna hemenimo huʼnaeʼmo, hogote yaʼmo aeno agaseʼniya yaʼmo Ala kava neʼnimo Kalaisi Yesuʼa ageʼna alagepa huʼna agesuvafeʼmo muki yaʼnimo ago ataleʼnove. Hosuʼniya neʼyaʼmo alini uʼa neʼatalaya neʼyakana huno haneʼniye, huʼna huteʼna Kalaisiʼa alisuvafeʼmo aliʼna yaga auʼna ataleʼnove.

Himulu 2:10

Gotiʼa muki yateʼe vayaʼaiteʼeʼmo afoʼamoʼmo maiʼnigeno agaetefeʼmo hanege maige nehaya afoʼamoʼmo asole mafaʼne anagaʼamogimo ha le konali yaʼamo alisayafeʼmo Gotiʼa agaiʼa agiʼaletiʼmo fatago kavaʼamo hunoʼaeʼmo, Yesuʼa afaʼa agafu kigiye, huno huʼniye. Gotiʼa apakufamo alino katino apatesiya vekamo maisiyafeʼmo agafu kiʼniya kavatetiʼmo alino alagepa huno ateʼniye.

Yasuva 20:1

Ala kava neʼmoʼa Yasuvafeʼmo ha painoʼaeʼmo,

Leveleseni 12:7

Utegeʼapaeʼmo kokuʼnapiʼmo kamemo huʼnae. Maikoʼagi yagaino neʼapateya enisole vayaʼagi huʼa nagaloʼyaveʼeʼmo kamemo huʼnae. Kame huteʼapaeʼmo nagaloʼyavemoʼmo yagaino neʼapateya enisole vayaʼamogiʼe apakaeʼeʼmo kamemo huʼnayaʼmonanafa