Yasuva 5:1 - The Keyagana NT and 25 OT books

¹ Emo nofi vayaʼmo yegemo uno lamino nefaleya haopalega Yoneni anitegamo maiʼnageʼapaeʼmo Kenani nofi vayaʼmo alopa solovala aniʼmo Meteleniyani ani haigifiʼmo maiʼnae. Ala kava neʼmoʼa Isaleli vayaʼmogi Yoneni aniʼmo lakaegefeʼmo huʼnaya afinaʼmo aniʼmo alino hau hu maleʼnigeʼa lakaeʼnae, huʼa huʼnaya gemo Emo vayaʼaiteʼmo neʼyagaiya kini vayaʼmogiʼe Kenani vayaʼaiteʼmo neʼyagaiya kini vayaʼmogiʼeʼmo afiteʼapaeʼmo Isaleli vayaʼaifeʼmo koliʼapimo huʼnagenoʼaeʼmo kame hisaya lokiyaʼapimo ago hano huʼniye.

Yasuva 5:1 ပူးပေါင်းရင်းမြစ်များ

Aepa Gemae 12:6

Emalemiʼa vayaʼaʼeʼmo uʼa Sekemi taonifi Mole haopalegamo mago alopa yosamo aepaleʼmo avaʼyi huʼnae. Ani afinaʼmo Kenani nofi vayaʼmo ani mopaleʼmo maiʼnae.

Aepa Gemae 48:22

Nagaemo muki yaʼanimo aliʼna fako huʼna magoke aiyaya huʼna konagakamogimo apamiguvaʼmonanafa kagaemo aeʼna apaka seʼna magoʼe yaʼmo kamiteʼna naipeʼe atiletiʼeʼmo Emo nofi vayaʼeʼmo kamemo huʼna aeʼna apaka seteʼna mopaʼapimo aliʼnova mopamo kamiʼnove, huno ha paiʼniye.

Esala 9:1

Ina kava hutegenoʼaeʼmo yagaiʼa lateʼnaya vayaʼmogimo eʼa nagaefeʼmo ina ge huʼa naha paiʼnae. Afiyo, huʼa, Isaleli vayatigi mono huʼa nelataya vayanagi Livai vayanagi huʼa malaga nofi vayaʼmo apataleʼa apaote oʼmaiʼnae. Apakaemo Kenani vayaʼenagi Hiti vayaʼenagi Pelesi vayaʼenagi Yemusi vayaʼenagi Emoni vayaʼenagi Movapu vayaʼenagi Isipi vayaʼenagi Emo vayaʼenagi huʼa magokepiʼmo lokaeʼa maiteʼapaeʼmo apakae kavaʼmo huteʼa Gotiʼa avenatuʼnaʼmo heno atalegekana nehiya agufa kavaʼmo nehae.

Samu 135:11

Emo vayaʼai kini vekamo Saihoʼmo amagige Mesani vayaʼai kini vekamo Agaʼmo amagige muki Kenani vayaʼai kini vayaʼapimo apamagige huno kamitimo apamagiʼniye.

Hatu maeno apate'niya gemae 23:28

Nagaemo asole avi lumemo anagaʼmo aliʼna apatesugeʼa uʼa hogoteteʼa Hivi vayanagi Kenani vayanagi Hiti vayanagi huʼa aliʼa hapa faiʼa apatalegae.

Neniyo 5:6

Inagi kini vekamoʼmo agetenoʼaeʼmo aeto agufa augosamo kaliteno agesa neʼafigenoʼaeʼmo lusi kana yaʼmo aipafiʼmo afole aitegeno aumiʼyalaʼmo hatu maeʼnigeno aiyamoʼa lusi atete huʼnigeno aiyalaʼmo alino salukiʼniye.

Napa 13:29

Amaleki vayaʼmo lamaga haopalegamo maiʼnageʼa Hiti vayanagi Yemusi vayanagi Emo vayanagi huʼa ave koteʼmo maiʼnageʼa Kenani vayaʼmo alopa Metaleniyani solovala aniʼmo haopaleʼe Yoneni ani haigifiʼeʼmo maiʼnae, huʼa ha paiʼnae.

Yasuva 17:12

Manasa vayaʼmogi ani muki taoniʼamo aliʼnayaʼmonanafa Kenani vayaʼmo ani muki taoniʼafatiʼmo aliʼa hapa faiʼa oʼapataleʼnayaʼmofeʼmo Kenani vayaʼmo ani taonifiʼmo afaʼa maiʼnae.

Yasuva 24:15

Lapakaemo Ala kava neʼmo akame hisayafeʼmo olapauʼnisiyana apakame hisaya gotigimo hemenimo lekana paiyo. Lapakaemo lapakinago vayaʼmogi Yufaleti aniʼmo mugagayaga faliga maiʼneʼapaeʼmo aigofe gotigimo apakame huʼnaya gotigimo apakame hisafi hemenimo lapakaemo Emo vayaʼmogi mopaʼapileʼmo maiʼnetapaeʼmo Emo vayaʼmogi gotiʼapimogimo apakame hugae. Lagaetefeʼmo nagaiʼniʼe afamo anagaʼniʼeʼmo lagaemo Ala kava nekeʼmo akame huta aliʼyaʼamo aligune

Yasuva 3:17

Mono huʼa neʼapataya vayaʼmo Ala kava neʼmo kotalake kesiʼamo kofiliʼa uʼnagenoʼaeʼmo Yoneni aniʼmo folagapiʼmo mopamo hau huʼniya yateʼmo he tiʼa maite maite huliʼa neʼvageʼapaeʼmo muki Isaleli vayaʼmogi Yoneni aniʼmo lakaeʼnae.

Leveleseni 18:10

Agafu kisigeʼapaeʼmo lusi kava huʼa apamoʼya aiteʼa afagitega maiʼneʼapaeʼmo, kage kage huteʼa, alopa taonimo Mamiloniyo, huʼa, himamu taoniyo. Aise afinaʼmo magoke aovafiʼmo hosu kavakamo anonakalefeʼmo aliʼnane, huʼa hugae.

1 Samiyo 25:37

Kotiʼnigenoʼaeʼmo Nemo agenopamoʼmo halate haleʼnigenoʼaeʼmo Amigeʼmo afole aiʼniya kavafeʼmo ha paiʼnigeno lutunopamo faliʼnigeno Nemoʼmo yafakana huno hamaleʼniye.