Yasuva 4:7 - The Keyagana NT and 25 OT books

⁷ Inagi geʼapileʼmo aeta atagaina hutapa hapa paitapaeʼmo, Ala kava neʼmo kotalake kesiʼamo aliʼa kofiliʼa uʼa Yoneni aniʼmo lakaeʼnaya afinaʼmo Gotiʼa aniʼmo alino laneno ataleʼnigeno aniʼmo folagapiʼmo mopamo hau huʼniye. Huʼniyaʼmofeʼmo ani yafaʼmoʼmo muki afinaʼae afinaʼaeʼmo Isaleli vayaʼmogi apaipa apakesamo alino he tino apategaiye.

Yasuva 4:7 ပူးပေါင်းရင်းမြစ်များ

Samu 111:4

Ala kava neʼmoʼa alopa alagepa kavaʼmo huʼnigeʼa hapau aiʼnaya kavafeʼmo apake okaniʼa apakesamo afisayafeʼmo alino he tino apateʼniye. Agaemo fiku hapa maeno apamige hau huno apatege huno maiʼniye.

Hatu maeno apate'niya gemae 12:14

Henagaʼamo ani hisuva kavafeʼmo lapakesamo afisayafeʼmo mago alopa afinatapimo hanegaiye. Henagaʼamo lapakaeʼe lapakaepatiʼmo afole aisaya vayaʼmogiʼeʼmo ani kavafeʼmo Ala kava netefeʼmo hopa afina neʼyaʼmo negae. Muki kafugaʼae kafugaʼaeʼmo mani afina kavatefeʼmo ani neʼyaʼmo nete nete hugae.

Aiyeya 66:3

Ani agufa vayaʼaifeʼmo amuse huʼna apategauvaʼmonanafa mago vayaʼmogimo apakaiʼapimo hapauʼniya kavaʼapikeʼmo akame nehae. Apaipamoʼmo hosu kavaʼapieʼmo alagi hauʼniye. Nagaemo muki nehaya ofalini kavaʼaeʼmo alagi noʼnahaiyaʼmofeʼmo apakaemo ve pulumakamo amagiʼa ofalinimo hisageʼnaeʼmo ina kava huʼa vayaʼmo apamagiʼnae, huʼna agegauve. Apakaemo sipisipi anaʼaumo ofalinimo hisageʼnaeʼmo nagaemo ina kava huʼna kalamo amagiʼa ofalinimo nehae, huʼna agegauve. Apakaemo vitigana agufa yaʼmo ofalinimo hisageʼnaeʼmo nagaemo ina kava huʼna afumo kolaʼmo ofalini nehae, huʼna agegauve. Apakaemo alagepa atumo neʼaiya ofalinimo hisageʼnaeʼmo nagaemo ina kava huʼna mago aigofe gotitefeʼmo ofalinimo nehae, huʼna agegauve.

Napa 16:40

Ani aiʼa ati kae maleʼnaya kavaʼmoʼmo Isaleli vayaʼmo apakesa afi yaʼmo apamisiya kavaʼmo huʼnae. Ageteʼapaeʼmo Eloni nofi vayaʼamogigeʼmo alagepa atumo aisiya laʼnefamo Ala kava neʼmo aulagaleʼmo ofalini hiʼyalamuteʼmo afaʼa kaegae. Mago alu nofi vekamoʼmo ani ofalini kavaʼmo nehisigenoʼaeʼmo Ala kava neʼmoʼa Kolaʼe akame huʼnaya vayaʼaitegaʼeʼmo huʼniya agufa kavaʼmo hugiye. Ala kava neʼmoʼa Mosese avayaletiʼmo ha paiʼniya kavaʼamo huʼniye.

Napa 17:5

Inagi nagaemo lekana paiʼna ateʼnova vekamo hayopa kayopatiʼmo ausasiʼmo aegaiye. Ani kavatetiʼmo nagaemo Isaleli vayaʼmogi kagaefeʼmo ge kahauʼnaya vayaʼai apavayamo aliʼna akani malegauve.

1 Kolitiyani 11:24

Aliʼneno Gotifeʼmo hao ke heteno akaya heno aliʼnenoʼaeʼmo, manimona nagufaʼnimo haneʼniye. Lapakaetefeʼmo aiʼa atalagaugae. Hemenimo nagaefeʼmo lapakesamo afitapa ho hisayafeʼmo mani kavaʼmo hutapa nete nete hutapa maiyo, huno hapa paiʼniye.

Yasuva 4:6

Ala kava neʼmoʼa huʼniya aune kavatefeʼmo vayaʼmogimo ani yafaʼmo ageteʼapaeʼmo apakesamo afisaya alagena yafaʼmae. Henagaʼamo lapakinago vayaʼmogimo mani yafaʼmo ageteʼapaeʼmo, na agufa kavaʼmo higenoʼaeʼmo mani yafaʼmo haneʼniye, huʼa ge huʼa lapafi gegae.