Yasuva 4:10 - The Keyagana NT and 25 OT books

¹⁰ Mani kavatefeʼmo mono huʼa neʼapataya vayaʼmogimo kotalake kesimo kofiliʼa uʼnaya vayaʼmo Yoneni aniʼmo folagapiʼmo he tiʼa maite maite huliʼa neʼvageʼapaeʼmo Isaleli vayaʼmo malage huʼa lakaeʼa uʼnae. Ala kava neʼmoʼa Yasuvafeʼmo, hapa paiyo, huno ha paiʼniya kavaʼmo afole aiʼnigeʼapaeʼmo ani aniʼmo lakaeʼnae. Moseseʼa Yasuvafeʼmo ani kavaʼmo huvo, huno ha paiʼniya kavaʼmo huʼnae.

Yasuva 4:10 ပူးပေါင်းရင်းမြစ်များ

Samu 119:60

Hiyo, huka laha paiʼnana gemo akame hisuvafeʼmo afaʼa oʼmaiʼna malage huʼna he tiʼna akame huʼnove.

Hatu maeno apate'niya gemae 12:39

Apakaemo Isipi kotegatiʼmo aliniʼa eʼnaya falaovaletiʼmo aeno apafu noleya peleti mayamo kaeʼa neʼnae. Apakaemo aeno apafu lesiya yaʼmo falaovafiʼmo oʼateʼnae. Isipi vayaʼmogimo malage huʼa Isaleli vayaʼmo aliʼa hapafaiʼa apataleʼnayaʼmofeʼmo neʼyaʼapimo aliʼa alo hisaya kanaʼapimo ohaneʼniye.

Mai'naya kavane 27:1

Lapakaemo henagaʼamo afole aisiya kavaʼmo oʼageʼnayaʼmofeʼmo egamo ani kavaʼmo huguve, ina kavaʼmo huguve, hutapa huteta himuʼnamu gemo osiyo.

2 Kolitiyani 6:2

Ani kavatefeʼmo hunoʼaeʼmo, Fikumo hapa maeʼna neʼapamuva afinaʼmo gekamo afiʼnove. Apakufamo aliʼna katiʼna neʼapatova afinaʼmo kaha maeʼnove, huno huʼniye. Afiyo, huʼna, hemenimo vayaʼmo fikumo hapa maeno neʼapamiya afinaʼmo haneʼniye. Afiyo, huʼna, hemenimo vayaʼai apakufamo alino katino neʼapateya afinaʼmo haneʼniye.

Yasuva 24:11

Lapakaemo Yoneni aniʼmo lakaetapa eta Yeliko taonifiʼmo avaʼyi huʼnageʼapaeʼmo Yeliko vayaʼmogimo lapakaeʼeʼmo kame huʼnae. Yeliko vayanagi Emo vayanagi Pelesi vayanagi Kenani vayanagi Hiti vayanagi Gagasi vayanagi Haivi vayanagi Yemusi vayanagi huʼa lapakaeʼeʼmo kame hugefeʼmo huʼnayaʼmonanafa nagaemo apavaleʼna lapayapiʼmo apateʼnogetapa kame hutapa aeta apaka seʼnae.

Yasuva 3:13

Mono huʼa neʼapataya vayaʼmogimo Ala kava neʼmo muki ma mopafiʼmo neʼyagaiya Goti kotalake kesiʼamo kofiliʼa uʼa lamiʼa anipiʼmo apaiyamo neʼaesagenoʼaeʼmo visaya kateʼmo aniʼmo magoʼe huno uno olamino avegana huno aeno kosilino haino hanegaiye, huno hapa paiʼniye.

Yasuva 4:11

Muki vayaʼmo aniʼmo lakaeʼa mugagayaga faligamo uʼa avaʼyi huʼnageʼapaeʼmo mono huʼa neʼapataya vayaʼmogimo vayaʼmogi apaulagaleʼmo kotalake kesimo kofiʼa aliʼneʼa aniʼmo lakaeʼa eʼnae.

Yasuva 4:9

Inagi Yasuvaʼa Yoneni aniʼmo folagapiʼmo mono huʼa neʼapataya vayaʼmo kotalake kesimo aliʼa kofiliʼuʼa he tiʼa maiʼnaya yateʼmo alu tuolofuʼa yafaʼmo faino ateʼniye. Hemenimo ani yafaʼmo afaʼa haneʼniye.