Yasuva 3:5 - The Keyagana NT and 25 OT books

⁵ Yasuvaʼa muki vayaʼaifeʼmo ina ge huno hapa paiʼniye. Egamo Ala kava neʼmoʼa alopa aune kavaʼmo oʼageʼnaya agufa aune kavaʼmo hugiyaʼmofeʼmo hemenimo lapakaitapimo alita lapaoteʼmo lapateyo, huno hapa paiteno

Yasuva 3:5 ပူးပေါင်းရင်းမြစ်များ

Samu 77:15

Kagaika lokiyakaletiʼmo vayakamogi apakufamo alika katika apateʼnane. Kagaemo Yekopu aginagoʼe Yosefe aginagoʼeʼmo kalavusifatiʼmo hatu maeka apateʼnane.

Napa 11:8

Haniʼilagamo seli noʼmo aliʼa he tiʼa ateʼnaya yateʼmo lao yaʼmo emineʼnigenoʼaeʼmo manaʼeʼmo magokepiʼmo asagauno aiʼniye. Netepiʼmo ve aʼnemo he tiʼa uʼeʼa huʼa manamo aliʼnae. Aliteʼapaeʼmo magoʼamogimo yafatetiʼmo lata paige magoʼamogimo yosa atupaletiʼmo amagiʼa lata paige huʼnageno falaovamo alino hamaleʼniye. Aliʼa samofiʼmo kaeteʼa miseketiʼmo alo huʼnae. Apakaemo neʼnagenoʼaeʼmo peleti mayamo olivi kalisifiʼmo kaeʼnaya peleti mayamoʼmo nehiya agufa hagamo huʼniye.

Yoni 17:19

Kagaemo lama gekaletiʼmo apavaleka apaote apatesanafeʼmo nagaemo aliʼyakamo alisuvafeʼmo aliʼna naote nateʼnove.

Yasuva 3:13

Mono huʼa neʼapataya vayaʼmogimo Ala kava neʼmo muki ma mopafiʼmo neʼyagaiya Goti kotalake kesiʼamo kofiliʼa uʼa lamiʼa anipiʼmo apaiyamo neʼaesagenoʼaeʼmo visaya kateʼmo aniʼmo magoʼe huno uno olamino avegana huno aeno kosilino haino hanegaiye, huno hapa paiʼniye.

Yasuva 3:15

Ani afinaʼmo neʼyaʼmo neʼaliya afinaʼmogeno Yoneni aniʼmoʼa alopa aniʼmo neheya afinaʼmogeno aniʼmo heʼniye. Kotalake kesimo kofiliʼa ani haigileʼmo uʼa avaʼyi huteʼapaeʼmo apaiyamo anipiʼmo neʼagenoʼaeʼmo aniʼmo magoʼe huno anagatiʼmo emi noʼmeʼniye. Aniʼmo anaga afagiʼaleʼmo Atamu taonimo Saletani taoni haopaleʼmo emiʼnomeno avegana huno haneʼniye. Aniʼmo uno olamino Alama ani kotupiʼmo uno nelamiya aniʼmo alagi laneʼniye. Isaleli vayaʼmo Yeliko taonimo haopaletiʼmo aniʼmo lakaeʼnae.

Yasuva 3:4

Lapakaemo ani koteʼmo oʼmeʼnayanagetapa oʼageʼnayaʼmofeʼmo visaya kaʼmo agesayafeʼmo apakame hutapa viyo. Apakame hugayaʼmonanafa kotalake kesimo haopaʼaleʼmo oʼviyo. Haʼao, vani tauseni mita agufa afafaʼmo akamelegamo viyo, huʼa hapa paiʼnae.

Yasuva 3:6

mono huʼa neʼapataya vayaʼaifeʼmo hapa painoʼaeʼmo, Lapakaemo kotalake kesimo alita kofi litapa uta hogotetapa aniʼmo lakaeyo, huno hapa paiʼniyaʼmofeʼmo kotalake kesimo aliʼa kofiʼa aliteʼa uʼa hogoteʼnae.

Yasuva 7:13

He tiyo, huʼna, Kagaemo Isaleli vayaʼmo alika apaoteʼmo apato. Ina gemo huka hapa paiyo, Egamo lapakaitapimo alita lapaoteʼmo lapateyo. Ala kava neʼmo Isaleli vayaʼmogi Gotiʼapimoʼmo lapa painoʼaeʼmo, O Isaleli vayaʼmogitapae, huno, lapakae folagapiʼmo lifana hu maleʼnova yaʼmo haneʼniye. Lapakaemo kame vayatapimo he titapa aeta oʼapaka seme oʼapaka seme neʼvisageʼapaeʼmo lapakaepatiʼmo alita atalegae.

1 Samiyo 16:5

Samiyoʼmo hunoʼaeʼmo, He, magokepiʼmo alagepa huta lokaeta maisunafeʼmo eʼnovanageʼna Ala kava netefeʼmo ofalinimo huguve. Lapakaemo ofalini kavaʼmo hisayafeʼmo hogoteta alo hutetapa nagaeʼeʼmo viyo, huno hapa paiteno Yesiʼe mafaʼne anagaʼaʼeʼmo apavaleno apaote apateʼniye. Apateʼnenoʼaeʼmo, Gotitefeʼmo ofalinimo hisuvategamo eyo.