Yasuva 3:10 - The Keyagana NT and 25 OT books

¹⁰ Hemenimo lapakaemo afole aisiya kavatetiʼmo hutapaeʼmo afaʼa neʼmaiya Gotiʼa lapakae folagapiʼmo maiʼnenoʼaeʼmo uno haino me otalegaifa Kenani vayanagi Hiti vayanagi Haivi vayanagi Pelesi vayanagi Gagasi vayanagi Emo vayanagi Yemusi vayanagi huno laulagaleʼmo alino hapa faino apataleʼniye, hutapa agegae.

Yasuva 3:10 ပူးပေါင်းရင်းမြစ်များ

Samu 42:2

Afaʼa neʼmaina Gotigae, huʼna, anifeʼmo neʼnahaiya kava huno nagupi mafaʼnemoʼmo kagaefeʼmo hauʼniye. Hainu afinaʼmo uʼna kaulagaleʼmo mono huguve.

Samu 9:16

Ala kava neʼmoʼa anonaʼapilefeʼmo apamiʼniya kavatetiʼmo alagepa kavaʼamo alino apave liʼniye. Hosu vayaʼmogi hosu kavaʼapilefeʼmo apakaiʼapigeʼmo hapaeʼnae.

Hatu maeno apate'niya gemae 17:7

Moseseʼa ani kotefeʼmo agiʼamo Masa kone huno atete Melima kone huno atete huʼniye. Masa kone huno ateʼniya agimo aepaʼamo amalageka huʼnaya kone, huno ateʼniye. Melima kone agimo aepaʼamo geletiʼmo kaveta huʼnaya kone, huno ateʼniye. Apakaemo geletiʼmo kavetamo huge Ala kava neʼmo lagaeʼeʼmo magokepi lokaeno maiʼnifi oʼmaiʼnifi huʼa huteʼa amalageka huge huʼnayaʼmofeʼmo ani magoke kotefeʼmo lole agimo ateʼniye.

Hatu maeno apate'niya gemae 3:8

Afiteʼnaeʼmo Isipi vayaʼmogi apayapatiʼmo apakufamo aliʼna katiʼna apatesuvafeʼmo emiʼneʼnove. Nagaemo mago mopamo kanale lanitani mopafatiʼmo neʼyaʼmo alagepa huno afole neʼaiya kotega mopaleʼmo apavaleliʼna uguve. Hemenimo ani mopaleʼmo Kenani nofi vayanagi Hiti nofi vayanagi Emo nofi vayanagi Pelesi nofi vayanagi Hivi nofi vayanagi Yemu nofi vayanagi huʼa maiʼnae.

Hatu maeno apate'niya gemae 33:2

Nagaemo enisole vekaʼnimo aliʼna atesugeno uno hogotetesigeʼna Kenani nofi vayanagi Emo nofi vayanagi Hiti nofi vayanagi Pelesi nofi vayanagi Hivi nofi vayanagi Yemusi nofi vayanagi huʼna alina hapafaiʼna apatalegauve.

Aiyeya 7:14

Ala kava neʼmoʼa agaiʼamo afole aisiya kavafeʼmo alagena kavaʼmo alino lapave ligiye. Afiyo, huʼna, mago saufa aʼmafaʼnemo veʼeʼmo lokaeno ohavaeʼniya aʼmafaʼnemoʼmo aipaguʼeʼmo maiteno ve mafaʼnemo alino ategaiye. Ani mafaʼneeʼmo agiʼamo Imanuveliʼae, huʼa hugae. Ani agimo aepaʼamo Gotiʼa lagaeʼeʼmo magokepi lokaeno neʼmaiye.

Napa 13:29

Amaleki vayaʼmo lamaga haopalegamo maiʼnageʼa Hiti vayanagi Yemusi vayanagi Emo vayanagi huʼa ave koteʼmo maiʼnageʼa Kenani vayaʼmo alopa Metaleniyani solovala aniʼmo haopaleʼe Yoneni ani haigifiʼeʼmo maiʼnae, huʼa ha paiʼnae.

Matiyu 16:16

Saimoni Pitaʼa geʼaleʼmo aeno atagaina hunoʼaeʼmo, Kalaisi vekamo maiʼnane. Maige maige huno neʼmaiya Goti mafaʼneʼamo maiʼnane, huno ha paiʼniye.

Yoni 6:69

Hemenimo lagaemo lagesamo afita fatago huteta kageʼnonana aeto agufa vekamo Gotitegatiʼmo emikeʼnana vekamo maiʼnanageta kageʼnone, huno ha paiʼnigeno

1 Tesaloniyani 1:9

Ani vayaʼmogimo lagaefeʼmo huʼapaeʼmo, apakaemo Tesaloniyani vayaʼaitegamo uʼnageʼapaeʼmo aigofe gotiʼapimogi apataleʼa aiʼa afe leʼa Gotitegamo eʼa afaʼa neʼmaiya lama ge Goti aliʼyaʼamo neʼaliye.

Himulu 10:31

Gotiʼa afaʼa neʼmaiya vekamo maiʼniyaʼmofeʼmo ayapiʼmo apatafauno maiʼnisiya vayaʼmogimo lusi kava huʼa koli hugae.

Yasuva 11:3

Agaemo magoʼe huno ge huno atalegeno Kenani vayaʼmo Yoneni aniʼmo magayaga maiʼnaya vayaʼe mugagayaga maiʼnaya vayaʼaitegaʼeʼmo uge ave kotegamo maiʼnaya nofi vayaʼmo Emo vayaʼaitegagi Pelesi vayaʼaitegagi Yemusi vayaʼaitegagi huno uge huʼniye. Agaemo mago gemo huno atalegeno Haivi vayaʼmo Hemoni avemo haopaleʼmo Misipa koteʼmo maiʼnaya vayaʼaitegamo uʼniye.

Yasuva 12:8

Aliʼnaya mopamo haneʼniyana aise avemo yegemo uno lamino nefaleya haopalega koʼmo alige Yoneni anitega kagoʼmu koʼmo alige Yoneni aniʼmo haopaleʼmo haneʼniya aise avemo alige hau huʼniya kahaepa koʼmo alige huʼnae. Hogoteʼa Hiti vayanagi Emo vayanagi Kenani vayanagi Pelesi vayanagi Haivi vayanagi Yemusi vayanagi huʼa ani mopaleʼmo maiʼnae.

Yasuva 22:31

Inagi Finehasiʼmo Eliyesa mafaʼnemo mono huno neʼapateya vekamoʼmo ina ge huno Lumeni nofi vayaʼaifenagi Gati nofi vayaʼaifenagi Manasa vayapati magokayaga nofi vayaʼaifenagi huno hapa painoʼaeʼmo, Lapakaemo Ala kava neʼmo ataletetapa geʼamo amagitapa oʼataleʼnayaʼmofeʼmo hemenimo afiʼnonana Ala kava neʼmo lagaeʼeʼmo magokepiʼmo lokaeno maiʼniye, huta ago afiʼnone. Lapakaemo Ala kava neʼmoʼa Isaleli vayaʼmo kayoʼmo oʼapamisiyafeʼmo apakufamo alita katitapa apateʼnae.

Yasuva 24:11

Lapakaemo Yoneni aniʼmo lakaetapa eta Yeliko taonifiʼmo avaʼyi huʼnageʼapaeʼmo Yeliko vayaʼmogimo lapakaeʼeʼmo kame huʼnae. Yeliko vayanagi Emo vayanagi Pelesi vayanagi Kenani vayanagi Hiti vayanagi Gagasi vayanagi Haivi vayanagi Yemusi vayanagi huʼa lapakaeʼeʼmo kame hugefeʼmo huʼnayaʼmonanafa nagaemo apavaleʼna lapayapiʼmo apateʼnogetapa kame hutapa aeta apaka seʼnae.

Yasuva 3:9

Inagi Yasuvaʼa Isaleli vayaʼaifeʼmo hunoʼaeʼmo, Lapakaemo etapa hogo huʼnetapa Ala kava neʼmo Gotitapimo geʼamo afiyo, huno,

Yasuva 9:1

Muki kini vayaʼmo Yoneni aniʼmo magayaga yegemo uno lamino nefaleya haopalega maiʼnaya kini vayaʼmogimo Isaleli vayaʼmogi huʼnaya kavafeʼmo apava gemo afiʼnae. Ani kini vayaʼmo Hiti kini vayanagi Emo kini vayanagi Kenani kini vayanagi Pelesi kini vayanagi Haivi kini vayanagi Yemusi kini vayanagi huʼa alopa Metaleniyani solovala aniʼmo haopaletiʼmo uno Lemanoni mopamo hakuteʼmo utegeʼa maiʼnae. Ave kotega maige otu kotemo maige alopa solovala ani haigifiʼmo maige huʼnaya kini vayaʼmogiʼeʼmo apava gemo afiʼnae.

1 Samiyo 17:26

Neviniʼmo agae haopaleʼmo maiʼnaya vayaʼaifeʼmo ina ge huno ge huno apafi geʼniye. Inagi kini vekamoʼmo ani Filisatini vekamo kamitimo haesigenoʼaeʼmo lagaemo Isaleli vayaʼmo alopa lavagage yaʼmo afole neʼaiya kavaʼmo alino atalesiya vekalegamo na agufa kavaʼmo hugiye. Ani Filisatini vekamo malaga afa vekageʼmae. Ina laʼmo afaʼa maiʼniya Goti ami vayaʼaeʼmo lame lame gemo nehiye.

1 Samiyo 26:6

Inagi Neviniʼmo Ahimalekiʼmo Hiti nofi vekaʼe Amisaiʼmo Yeluya mafaʼnemo Yomu aganaʼamoʼeʼmo hana painoʼaeʼmo, Lanakaepatiʼmo ina laʼmo nagaeʼeʼmo lokaetaʼa Soloʼmo neʼmaiya yategamo uguʼae, huno anafi geʼnigeno Amisaiʼmo hunoʼaeʼmo, Nagaemo kagaeʼeʼmo uguʼae, huno huʼniye.