Yasuva 24:20 - The Keyagana NT and 25 OT books

²⁰ Ala kava neʼmoʼa alagepa huno lapa maeʼniyaʼmonanafa lapakaemo ataletapa malaga vayaʼmogi gotiʼapimogimo apakame hisagenoʼaeʼmo kayoʼmo lapamiteno alino hano huno lapatalegaiye, huno hapa paiʼniye.

Yasuva 24:20 ပူးပေါင်းရင်းမြစ်များ

Esala 8:22

Nagaemo kini vekaʼeʼmo magokepi lokaeʼna maiʼnova afinaʼmo ha paiʼnaeʼmo, Gotitimoʼmo agesayafeʼmo kahauya nehaya vayaʼeʼmo magokepi lokaeno maiʼnenoʼaeʼmo alagepa huno hapa neʼmaeyaʼmonanafa ataleʼa uʼnaya vayaʼaifeʼmo aipamo leno apateteno lokiyaʼaletiʼmo kame hugiye, huʼna ha paiʼnovaʼmofeʼmo ati vayaʼe hosileʼmo fai maiteʼa esaya ati vayaʼeʼmo alino apatesigeʼa lagaemo kategamo yagaiʼa lateteʼa esageta esunafeʼmo kini vekaeʼmo ge huʼna afi gesuva kavafeʼmo navagage huʼniye. Inagi nagaemo ge huʼna afi okeʼnove.

Samu 89:31

avoʼmo kae maleʼnaya geʼnimo amagiʼa atalege hiyo, huʼna hapa paiʼnova gemo akame osuge huʼnisayaʼmoʼmo

Aiyeya 1:28

Ani afinaʼmo Goti geʼamo amagiʼa neʼatalaya vayaʼe hosu kavaʼmo nehaya vayaʼeʼmo alagi alino hano huno apatalegaiye.

Aiyeya 63:10

Hapa maeʼniyaʼmonanafa aiyafiʼmo oʼmaigune, huʼa huteʼa Aote Aunemeʼamo aipa kana yaʼmo amiʼnayaʼmofeʼmo Gotiʼa aino afe leno kame vekaʼapigana huno maiʼneno kame huno apateʼniye.

Apa 7:42

Gotiʼa hunoʼaeʼmo, apatalesugeʼa kanefitefenagi kailefenagi yegelefenagi huʼa mono hugae, huno huʼniye. Ani kavafeʼmo Gotiʼa akeyaʼvilaga agaetegati gemo alinineno aeno hakalo huno hapa paiʼniya vekaeʼmo ha paiʼnigeno avoʼmo kae maleʼniye. Avoʼmo kae maleʼniya gemoʼmo hunoʼaeʼmo, Isaleli vayaʼmogitapae, huno, kaʼme kotega fotiʼa kafugamo maiʼnetapaeʼmo pulumakaʼe sipisipiʼeʼmo amagitapa nagaefekeʼmo mono hutetapa ofalinimo oʼnamigafa aigofe gotitapimogigeʼmo ofalinimo apamiʼnae.

Himulu 10:38

Inagi fatago vayaʼmo apakesamo afiʼa fatago nehaya kavatetiʼmo alagepa huʼa maigayaʼmonanafa mago vekamo halate ataleno aino atagi neno uʼnisiyaʼmoʼmo alagi aiseʼamo amuse huʼna oʼategauve, huno hu maleʼniye.

Yasuva 24:21

Hapa paiʼnigeʼapaeʼmo, Alagi haʼao. Lagaemo aigofe gotigimo apakame osuta Ala kava nekeʼmo akame hugune, huʼa ha paiʼnae.

1 Samiyo 12:15

Alagepa hutapa maigayaʼmonanafa Ala kava neʼmo geʼamo akame osuge keʼaepa geʼamo amagitapa atalege hisayaʼmoʼmo inagi Ala kava neʼmoʼa lapakinago vayaʼmo apamiʼniya agufa kayoʼmo lapamigiye.

1 Samiyo 12:25

Aligayaʼmonanafa lapakaemo magoʼe hosu kavaʼmo hisayaʼmoʼmo Ala kava neʼmoʼa lapakaeʼe kini vekatapiʼeʼmo alino hano huno lapatalegaiye.