Yasuva 24:15 - The Keyagana NT and 25 OT books

¹⁵ Lapakaemo Ala kava neʼmo akame hisayafeʼmo olapauʼnisiyana apakame hisaya gotigimo hemenimo lekana paiyo. Lapakaemo lapakinago vayaʼmogi Yufaleti aniʼmo mugagayaga faliga maiʼneʼapaeʼmo aigofe gotigimo apakame huʼnaya gotigimo apakame hisafi hemenimo lapakaemo Emo vayaʼmogi mopaʼapileʼmo maiʼnetapaeʼmo Emo vayaʼmogi gotiʼapimogimo apakame hugae. Lagaetefeʼmo nagaiʼniʼe afamo anagaʼniʼeʼmo lagaemo Ala kava nekeʼmo akame huta aliʼyaʼamo aligune

Yasuva 24:15 ပူးပေါင်းရင်းမြစ်များ

Aepa Gemae 18:19

Agaemo ina kavaʼmo hiyo ina kavaʼmo osiyo, huno hapa paisigeʼa mafaʼneʼaʼe nofi vayaʼamogiʼeʼmo fatago kavaʼmo huge alagepa huʼa aliʼa fako huʼa apamige hisayafeʼmo lekana paiʼna ateʼnovaʼmofeʼmo hisuva kavafeʼmo afaʼa aliʼna ave liguve.

Aepa Gemae 35:2

Inagi Yekopuʼa muki afamo anagaʼaenagi muki agaeʼeʼmo magokepi maiʼnaya vayaʼaifenagi huno hapa painoʼaeʼmo, Lapakaemo alu nofi vayaʼmogi muki aigofe gotiʼapimogimo lapakaetegatiʼmo alita ataleyo. Lapakaitapimo alita alagepa hutapa lapatetetapa kukenatapimo asagitapa ataletetapa alu kukenamo alita vaiyo.

1 Kini 18:21

Ilaiyaʼmo muki vayaʼaitegamo eno ina gemo huʼniye. Na magi afinaʼmo lole lapakesamo afime afime ugae. Ala kava neʼmo lama ge Gotiʼmo maiʼnisiyaʼmoʼmo agaiʼageʼmo akame hiyo. Meoʼa lama ge Gotiʼmo maiʼnisiyaʼmoʼmo akame hiyo, huno hapa paiʼnigeʼapaeʼmo vayaʼmogimo geʼaleʼmo magoke gemo huʼa aeʼa atagaina huʼa osuʼnae.

Samu 101:2

Ageʼna aeto huteʼnaeʼmo afiteʼna vaiʼmo alagi oʼalisuva kateʼmo uguve. Hainu afinaʼmo nagaetegamo egane. Nagaemo noʼnifiʼmo maiʼneʼnaeʼmo aliʼyaʼnimo neʼaliya vayaʼaiteʼmo yagaiʼna apateʼneʼnaeʼmo vaiʼmo alagi oʼalisuvana alagepa kavaʼageʼmo huʼna maiguve.

Samu 119:106

Nagaemo huʼnaeʼmo, Alika fako nehana gekamo fatago gemo akame huguve, huʼna nagoʼyamo ataleteʼna ago kaha paiʼnove.

Hatu maeno apate'niya gemae 23:24

Lapakaemo ani vayaʼmogi gotiʼapimogitefeʼmo lapaleʼyamo ofaige akame hutapa mono osuge apakae kavaʼmo akame osuge hutetapa aigofe gotiʼapimogi apauneʼamo amagitapa aita atagitapa ataleyo.

Hatu maeno apate'niya gemae 34:15

Fiku yanagetapa ani koteʼmo maiʼnaya vayaʼeʼmo magokepiʼmo kotalakemo hu malegayana anauʼapimogimo apataleʼa kumai heʼa alu veleʼmo ugekana huʼa aigofe gotigitefeʼmo monoʼmo huteʼapaeʼmo ofalinimo apamiteʼa lapakaefeʼmo eyo, huʼa hisagetapaeʼmo fiku yanagetapa uta ani ofalini yaʼmo negae.

Neniyo 3:18

Alino katino lategaiyaʼmonanafa laha maeno lagufamo alino katino olatesiyaʼmoʼmo afa afiganana gotikamogi aliʼyaʼapimo alagi oʼalita goli yafatetiʼmo alo huteka alika he tika ateʼnana auneʼalefeʼmo alagi mono osugune, huʼa huʼnae.

Maika 4:5

Muki vayaʼmo apaote apaote huʼa gotiʼapimogi apakiʼapilefeʼmo umenitata nehayaʼmonanafa lagaemo Ala kava neʼmo Gotitimo agiʼalefekeʼmo muki afinaʼmo umenitata huge huge huta maigune, huta nehune.

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Yasuva 24:16

Isaleli vayaʼmogimo geʼaleʼmo aeʼa atagaina huʼa huʼapaeʼmo, Alu gotigimo apakame hisunafeʼmo Ala kava neʼmo alagi oʼatalegaune. Alagi haʼao, huʼa,