Yasuva 24:12 - The Keyagana NT and 25 OT books

¹² Nagaemo avi lumemo aliʼna apateʼnogeʼa lapakaeteʼmo uʼa hogoteteʼa kame vayatapimo hapa faiʼa aeteʼa apateme apateme uʼa apataleʼnae. Lole Emo kini vekalaʼmo ani kavatetiʼmo lapakaetegatiʼmo ataleʼana anaune heʼnaʼae. Lapakaemo lokiyatapiletinagi naipetapiletinagi atitapiletinagi hutapa hana faitapa oʼanataleʼnae.

Yasuva 24:12 ပူးပေါင်းရင်းမြစ်များ

Samu 135:11

Emo vayaʼai kini vekamo Saihoʼmo amagige Mesani vayaʼai kini vekamo Agaʼmo amagige muki Kenani vayaʼai kini vayaʼapimo apamagige huno kamitimo apamagiʼniye.

Samu 80:10

Ani nofiʼmo akopaʼamo muki aise aveʼagi alopa Sita yosagi huno kino aeno atikaeʼniye.

Samu 80:9

Kagaemo alagepa huno hagesiyafeʼmo mago mopaleʼmo alika haleteka mopamo alo huka ateʼnane. Kali maleʼnanageno ago hageteno hafuʼyaʼamo alagi ago uno lamiʼnigeno nofiʼmo akopamo aeteno uneno huno mopaleʼmo aino atikaeʼniye.

Hatu maeno apate'niya gemae 23:28

Nagaemo asole avi lumemo anagaʼmo aliʼna apatesugeʼa uʼa hogoteteʼa Hivi vayanagi Kenani vayanagi Hiti vayanagi huʼa aliʼa hapa faiʼa apatalegae.

Hatu maeno apate'niya gemae 23:31

Nagaemo mopatapimo hakuʼmo haesa solovala ani agiʼnaletiʼmo uno Filisatini vayaʼai ani agiʼnaleʼmo utesigeʼna magoʼe huʼna alime uʼna lapategauve. Mago hakuʼmo kaʼme kotegatiʼmo uno Yufaletisi aniʼmo agiʼnaleʼmo uno lamitesigeno lapakae hakuʼmo hanegaiye. Nagaemo lokiya vaiʼna lapatesugetapa ani mopaleʼmo maiʼnaya vayaʼmo uta alita hapa faitapa apatalegae.

Napa 21:31

Inagi Isaleli vayaʼmogimo Amo vayaʼmogi mopamo aliteʼa ani mopaleʼmo maiʼnae.

Napa 21:32

Maiʼneʼapaeʼmo Moseseʼmo mago vayaʼmo alino apateʼnigeʼa uʼa Yesa taonimo ageʼa alagepa hisayafeʼmo alino apateʼnigeʼa uʼa Yesa vayaʼeʼmo kame huteʼa ani taoniʼe haopaleʼmo haneʼniya taoniʼeʼmo aliteʼa Amo vayaʼmo ani koteʼmo maiʼnaya vayaʼmo aliʼa hapa faiʼa apataleʼnae.

Yasuva 2:10

Lapakaemo Isipi kotegatiʼmo ataletapa eʼnaya afinaʼmo Ala kava neʼmoʼa lapa maeno haesa solovala aniteʼmo huʼnigeno hau huʼniya kavafeʼmo ava gemo ago afige lapakaemo Yoneni aniʼmo mugagayaga Emo nofi vayaʼmogi kini vekalaʼmo Sihoʼagi Agaʼagi ami vayaʼanigi hutapa kame hutetapa hapaeta hano huʼnaya kavafeʼmo ava gemo ago afige huʼnone.