Yasuva 23:6 - The Keyagana NT and 25 OT books

⁶ Aligayaʼmofeʼmo koli osutapa lokiya vaitapa maiʼnetapa muki kavatefeʼmo Mosese keʼaepa gemo haneʼniya mukufiʼmo haneʼniya gemo akame hiyo. Goti kaʼamo ataletapa hoga haopalegamo oʼuge lamaga haopalegamo oʼuge hutetapa Goti kaʼalekeʼmo viyo.

Yasuva 23:6 ပူးပေါင်းရင်းမြစ်များ

Samu 101:3

Nagaemo hosu kavaʼmo hisuvafeʼmo nagesamo oʼafiguve. Alagepa kaʼmo ataleʼa neʼvaya vayaʼai kavaʼapieʼmo naini huʼnovanageno ani agufa hosu kavaʼapimoʼa nagaeteʼmo aino okamaegaiye.

Samu 119:102

Kagaikamo alika naya maleʼnanaʼmofeʼmo alika fako nehana gekamo oʼataleʼnove.

1 Kolitiyani 16:13

Yagaitapa maiyo. Goti vayaʼamogimo apakesamo afiʼa fatago nehaya gelefeʼmo he titapa lokiya vaitapa maiyo. Alopa vayatama vayakana hutapa lokiya vaitapa maiyo.

Himulu 12:4

Hosu kavafeʼmo kame nehageʼapaeʼmo kamitimo olapamagiʼnayaʼmofeʼmo oʼataleta kamemo hutapa ateyo.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.