Yasuva 22:5 - The Keyagana NT and 25 OT books

⁵ Uta maigayaʼmonanafa Ala kava neʼmo aliʼyaʼamo neʼaliya vekamo Moseseʼmo hiyo, huno lapa paiʼniya geʼe Goti keʼaepa geʼeʼmo alagepa hutapa afitetapa akame hiyo. Lapakaemo Ala kava neʼmo Gotitapimofeʼmo lapau lapayamopafi lapauge kaʼaleʼmo oʼataletapa hauʼniya kateʼmo umenitata huge keʼaepa geʼamo akame huge atafautapa alagi huge muki lahapauʼniya yapatiʼe lapaipa lapakesafatiʼenagi hutapa aliʼyaʼamo aliyo, huno hapa paiʼniye.

Yasuva 22:5 ပူးပေါင်းရင်းမြစ်များ

Samu 106:3

Geʼamo afiteʼa muki afinaʼmo akame huʼa alagepa kavaʼmo nehaya vayaʼmogimo Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 78:7

Afiteʼapaeʼmo Gotifeʼmo apakesamo afiʼa fatago huteʼa Gotiʼa huʼniya kavafeʼmo apake okanisigeʼa keʼaepa geʼamo akame hugae.

Hatu maeno apate'niya gemae 15:26

Apamitenoʼaeʼmo, Lapakaemo Ala kava neʼmo Gotitapimoʼnamo geʼnimo afitetapa naulagaleʼmo alagepa kavaʼmo huge ani kavaʼmo hiyo, huʼna lapa paiʼnova kavaʼmo huge muki keʼaepa geʼnimo akame huge hisayaʼmoʼmo nagaemo Isipi vayaʼmo apamiʼnova agufa kaita kayoʼmo olapamiguve. Ala kava neʼmoʼnageʼmo kaitatapimo aliʼna lahapageʼna nelapatove, huno hapa paiʼniye.

Hatu maeno apate'niya gemae 20:6

Nagaefeʼmo nohapaiya vayaʼmo kayoʼmo apamiguvaʼmonanafa nagaefeʼmo hapauʼnigeʼa keʼaepa geʼnimo akame nehaya vayaʼmo tauseni tauseniʼa vayaʼaifeʼmo nahau huʼna apategauve.

Hatu maeno apate'niya gemae 23:25

Ina kava hutapa Ala kava neʼmo Gotitapimoʼnamo aliʼyaʼnimo alisageʼna nagaemo lapa maeʼna neʼyaʼmo lapamige aniʼmo lapamige lapakaepatiʼmo muki kaitatapimo aliʼna lahapageʼna lapatege huguve.

Mai'naya kavane 4:23

Muki agufa kavakamo aepaʼamo kaipafatikeʼmo afole neʼaiyanagi hogote kavaʼmo huka kayamukiki huka kaipaleʼmo alagepa huka yagaika ato.

Aiyeya 55:2

Na kava higetapaeʼmo lapa oʼmaesiya yatefeʼmo monitapimo fiku atalege aliʼyatapilefeʼmo miyatapimo alino falu huno lapatesayafeʼmo apamige nehae. Geʼnilefeʼmo lapaketafo huʼnetapa alagepa huta afiyo. Afigenoʼao lapakupi mafaʼnemoʼmo muki alagepa yaʼmo alitenoʼaeʼmo amogaga aino.

Matiyu 22:37

Yesuʼa, Ala kava neʼmo Gotikamofeʼmo muki kaipafatinagi muki kagupi mafaʼnefatinagi muki kagesa afi yakafatinagi huno kahaino.

Matiyu 4:10

Yesuʼa hunoʼaeʼmo, Sataniyo, huno, ataleka kaune ho. Mukufiʼmo avoʼmo kae maleʼniya gemoʼmo hunoʼaeʼmo, Ala kava netapimo Gotitapimofekeʼmo mono hutetapa agaekeʼmo akame hiyo, huno avoʼmo kae maleʼniye, huno ha paiʼnigeno

Matiyu 6:24

Mago aliʼyaʼmo neʼalisiya vekamoʼmo lole aliʼyaʼmo afoʼalaʼmoganiteʼmo aliʼyaʼmo afaʼa oʼaligiye. Agaemo mago alu aliʼyaʼmo afoʼamofeʼmo aini huʼnisiyana mago alu vekaeʼmo hau ayamopafiʼmo hauʼnisigeno geʼamo afiteno alu aliʼyaʼmo afoʼamofeʼmo ohauʼnisigeno akameʼyamo amigiye. Lapakaemo ani kava hutapa Goti aliʼyaʼe ma mopafi aliʼyaʼeʼmo afaʼa oʼaligae.

Luki 1:74

Agaemo kame vayatimogi apayapatiʼmo lagufamo alino katino latesigeta ma mopafiʼmo maisuna afinaʼmo aliʼyaʼamo alitetaeʼmo koli osuta aote fatago kavaʼamo huteta alagepa huta maige maige huta maigune.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Yoni 14:15

Nagaefeʼmo lapau lapayamopafiʼmo lapauʼnisiyaʼmoʼmo ina kavaʼmo hiyo, huʼna nehuva gemo akame hiyo.

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 27:23

Nagaemo Goti vekamo maiʼneʼna aliʼyaʼamo neʼaluva vekamo maiʼnogeno enisole vekaʼamo alino ateʼnigeno nagaetegamo emineʼniye.

Lomu 1:9

Nagaemo amega nagufaletiʼmo Goti aliʼyaʼamo oʼaliʼna naipafatiʼmo Goti mafaʼneʼamo alagepa faigoko geʼalefekeʼmo aliʼyaʼmo neʼaluve. Nagaemo nunumuʼmo huʼna hano osuʼnofa muki afinaʼmo nunumuʼmo huʼna nelapatove. Gotiʼa nageʼniyanageno he, nehiye, huno, naha maesiya gemo afaʼa lapa paigiye.

Lomu 12:9

Aigofe olahapauno lapaipafatiʼmo lapau lapayamopafiʼmo lahapaino. Hosu kavafeʼmo alagi olahapauʼninagetapa alagepa kavateʼmo atafautapa alagi hutapa maiyo.

Lomu 8:28

Muki alu kava alu kavaʼmo afole neʼaiya kavaʼmoʼa Gotifeʼmo hapau apayamopafiʼmo nehapaiya vayaʼaifeʼmo Gotiʼa huguve, huno hu maleʼniya geʼaletiʼmo keya aeno ge huʼniya vayaʼmo alagepa huʼa maisayafeʼmo muki alu kavatetiʼe alu kavatetiʼeʼmo alino magokepi lokaeno aliʼyaʼmo neʼaliye.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

Yemisi 1:12

Hanageke kavaʼmoʼa apamalageka nehisigeʼapaeʼmo oʼataleʼa atafauʼa alagi huʼa maiʼnisaya vayaʼmo aulena vayaʼmo maiʼnae. Na kava hinageʼapaene. Apamalageka nehisigeʼapaeʼmo oʼataleʼa atafauʼa alagi huʼa maiʼnisagenoʼaeʼmo Ala kava neʼmoʼa hunoʼaeʼmo, nagaefeʼmo hapauʼniyaʼmofeʼmo alagepa huʼa maige maige huʼa maisaya yaʼmo apamiguve, huno huʼniya yaʼmo aligae.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

Yasuva 23:8

Osugayaʼmonanafa lapakaemo alagepa hutapa Ala kava neʼeʼmo magokepiʼmo lokaetapa maitetapa akame hume hume eta hemenimo akame nehaya agufa kavakeʼmo hiyo.

Leveleseni 15:3

Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.

1 Samiyo 12:20

Inagi Samiyoʼmo muki vayaʼaifeʼmo hapa painoʼaeʼmo, Lapakaemo koli osiyo. Lapakaemo muki ani hosu kavaʼmo huʼnayaʼmonanafa Ala kava neʼmo oʼataletapa akame hutetapa muki lapaipafatiʼmo aliʼyaʼamo aliyo.

1 Samiyo 12:24

Lapakaemo Ala kava neʼmoʼa lokiya kavaʼmo huno lapa maeʼniya kavafeʼmo lapakesa afifi hutapa maiyo. Maiʼnetapaeʼmo Ala kava nefekeʼmo koli huʼnetapa muki lapaipafatiʼmo lama ge kavaʼmo hutapa aliʼyaʼamo aliyo.

1 Samiyo 7:3

Inagi Samiyoʼmo muki Isaleli vayaʼaifeʼmo hapa painoʼaeʼmo, Lapakaemo lapaipamo alagi alita afe letetapa Ala kava netegamo halate esayana malaga vayaʼai aigofe gotiʼapimogi alita atalege a kanomo goti auneʼamo mono nehaya auneʼamo alita atalege hiyo. Lapakaemo Ala kava netefekeʼmo lapaipamo alo hutetapa agaiʼageʼmo akame hisayana Filisatini vayaʼai apayapatiʼmo lapakufamo alno katino lapategaiye, huno hapa paiʼniye.