Yasuva 22:29 - The Keyagana NT and 25 OT books

²⁹ Lagaemo Ala kava neʼmo geʼamo amagita ataleteta hemenimo Ala kava neʼmo ataleta mani yafa hiʼyalamuteʼmo ofalini yaʼmo kaege viti ofalinimo amige afumo amagige osugune. Alagi osugune. Lagaemo Ala kava neʼmo Gotitimo yafa hiʼyalamuʼamo seli mono noʼamo aulagamo haneʼniya hiʼyalamuteʼmo mono hugunaʼmonanafa alita alu kavaʼmo hisunafeʼmo lagesamo oʼafiʼnone, huʼa hapa paiʼnae.

Yasuva 22:29 ပူးပေါင်းရင်းမြစ်များ

Aepa Gemae 44:17

Inagi Yosefeʼa hunoʼaeʼmo, alagi haʼao, huno hapa paiʼniye. Nagaemo lapakaemo afaʼa lapatesugetapa ani agufa kavaʼmo osugae. Nagae kapumo kumaya aliʼnisiya mafaʼnemo agaiʼageʼmo aliʼyaʼnimo alisiya vekamo hamalegaiye. Lapakaemo magoʼamo lapaipamoʼmo falu huʼninagetapa afotapimotegamo atagi netapa viyo, huno hapa paiʼniye.

Aepa Gemae 44:7

Geʼaleʼmo aeʼa atagaina huʼapaeʼmo, ala vekae, huʼa, na kava higekaeʼmo lagaefeʼmo ani agufa gemo nehane. Lagaemo ani huʼnana kavaʼmo alagi osuʼnone.

1 Kini 21:3

Ha paiʼniyaʼmonanafa Nemotiʼmo kini vekaeʼmo hunoʼaeʼmo, Haʼao, ani gemo alagi atalegeno hano hino. Ala kava neʼmoʼa ani mopamo naginago vayaʼmo apamiʼniya mopamo aliʼnovaʼmofeʼmo okategauve, huno ha paiʼniye.

Lomu 3:6

Alagi atalegeno hano hino. Mani gemo lama gemo haneʼniyesinana Gotiʼa ma mopafi vayaʼmo afaʼa agoti huno oʼapatesine.

Lomu 6:2

Haʼao, alagi atalegeno hano hino. Lagaemo hosu kavatilefeʼmo ago faliʼnonaʼmofeʼmo haiya kava huta magoʼe huta hosu kavapiʼmo maigune.

Lomu 9:14

Gotiʼa ani kavaʼmo nehiyaʼmofeʼmo lagaemo na agufa gemo hugune. Gotiʼa fatago kavaʼmo nosiye, huta hisupiye. Haʼao, alagi atalegeno hano hino.

Yasuva 22:23

Lagaemo Ala kava neʼmo atalesunafeʼmo lagaiti ofalini yafa hiʼyalamuʼmo huteta atafiʼmo kaesunageno alagi leno saga lisiya ofalinimo kaesupi viti ofalinimo kaesupi Gotiʼeʼmo magoke laipamo hanesiya ofalinimo ani hiʼyalamuteʼmo malesupi nehisunaʼmoʼmo Ala kava neʼmoʼa agaiʼamo agoti huno lategaiye.

Yasuva 22:26

Koli hutetaeʼmo ina gemo huʼnone, Lagaemo alo huteta yafa hiʼyalamuʼmo hugune. Ani hiʼyalamuteʼmo ofalini yaʼmo okaege afumo amagita Gotina oʼamige hisunageno mago alagena yaʼmogenoʼa lagaeʼe lapakaeʼenagi afole aisaya laginago vayaʼaitefenagi huno faigoko gemo hugiye. Lagaemo Ala kava nefeʼmo mono nehutaeʼmo ofalini yaʼmo kaege afumo amagige Gotiʼeʼmo magoke laipamo hanesiya ofalinimo amige hisunageʼapaeʼmo henagaʼamo lapakinago vayaʼmogi huʼapaeʼmo, Ala kava netimo Gotitapimoʼmo oʼmaiʼniye, huʼa laha opaisayafeʼmae.

Yasuva 22:28

Henagaʼamo ani agufa gemo huʼa laha paisafi afole aisaya laginago vayaʼaifeʼmo hapa paisafi huta ina gemo huta hapa paigune. Ageyo, huta, afotimogimo hu maleʼnaya ofalini yafa hiʼyalamuʼmoʼa Ala kava neʼmo ofalini yafa hiʼyalamukana huno haneʼniye. Ani hiʼyalamuteʼmo ofalini yaʼmo kaege afumo amagige hisunafeʼmo osuʼnopa haneʼneno vitanisimo huno laha paige lapa paige hisiyafeʼmae.

Yasuva 22:30

Inagi mono huno neʼapateya vekamo Finehasiʼe Isaleli nofi vayaʼaiteʼmo yagaiʼa neʼapataya vayaʼmo avagi huʼa uʼnaya vayaʼmogiʼeʼmo Lumeni nofi vayaʼmogimogi Gati nofi vayaʼmogimogi Manasa vayapati magokayaga nofi vayaʼmogimogi huʼa ani huʼnaya gemo afiteʼapaeʼmo amuse huʼa apateʼnae.

Yasuva 24:16

Isaleli vayaʼmogimo geʼaleʼmo aeʼa atagaina huʼa huʼapaeʼmo, Alu gotigimo apakame hisunafeʼmo Ala kava neʼmo alagi oʼatalegaune. Alagi haʼao, huʼa,

1 Samiyo 12:23

Nagaiʼnieʼmo huʼnaeʼmo, Fiku yanageʼna magoʼe huʼna nunumuʼmo huʼna olapatesuvaʼmoʼmo Ala kava netegamo hosu kavaʼmo huguve. Nagaemo alagepa kavaʼe fatago kavaʼeʼmo hisayafeʼmo aliʼna lapaya malegauve.