Yasuva 22:22 - The Keyagana NT and 25 OT books

²² Lokiyaʼamo haneʼniya Gotiʼa magokeʼageʼmo Ala kava neʼmoʼa muki gotigiteʼmo yagaino neʼapateya Gotiʼa huʼnona kavaʼmo aepaʼamo ago ageʼniye. Lapakaeʼeʼmo afaʼa agegae. Lagaemo Ala kava neʼmo geʼamo amagita ataleteta kotalake gemo ataleʼnisunaʼmoʼmo lapakaemo laha oʼmaetapa kamitimo lahaegae.

Yasuva 22:22 ပူးပေါင်းရင်းမြစ်များ

Samu 136:2

O, huʼna, Gotiʼa muki gotigimo Gotiʼapimoʼmo maiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 37:6

Lapa maesigenoʼaeʼmo alagepa kavatapimo yegekana huno aeno ha legaiye. Ani kava huno fatago kavatapimo vayaʼai apaulagaleʼmo alino afole aino ategaiye.

Samu 40:9

Nagaemo asole vayaʼmo eʼa aliʼa anupa huʼa maiʼnaya yateʼmo fatago kavakaeʼmo alagepa faigoko gekamo aeʼna hakalo huʼna hapa paiʼnove. Ago nageʼnanana afaʼa oʼmaiʼna gekamo aeʼna hakalo huʼna hapa nepauve.

Samu 50:1

Gotiʼa Ala kava neʼmo lokiyaʼaʼe vekamoʼmo ge huʼniye. Agaemo yegemo haine neʼeya kotegamo maiʼnaya vayaʼe yegemo uno lamino nefaleya kotegamo maiʼnaya vayaʼefeʼmo keya aeno ge huʼniye. Muki ma mopafi vayaʼaifeʼmo keya aeno ge huʼniye.

Samu 82:1

Gotiʼa lokiya vayaʼmo aliʼa anupa huʼa mainayategamo he tino maiʼniye. Agaemo agoti gemo neʼafiya vayaʼai folagapiʼmo agoti gemo neʼafiye.

Samu 95:3

Ala kava neʼmo alagi ala Gotiʼapimoʼmo maiʼniye. Ala kini vekamo maiʼneno muki aigofe gotiʼapimogimo alagi aeno apakaseno yagaino neʼapateyaʼmofeʼmo mono yokemo higetao.

Samu 97:7

Aigofe gotigitefeʼmo muki mono nehaya vayaʼmo apavagage hugiye. Aigofe gotigi ala apakiʼapimo neʼapamiyaʼmonanafa apavagage hino. Muki aigofe gotigimo Ala kava nefeʼmo mono hiyo. O Gotiyo, huʼna, alagepa huka agoti huka neʼapatanaʼmofeʼmo Saiyoni vayaʼmogi afiteʼapaeʼmo apamogaga neʼaiye. Yuta aʼmafaʼne anagaʼmogi apamogaga neʼaiye.

Hatu maeno apate'niya gemae 18:11

Isipi vayaʼmogi gotiʼapimogimo himu lapateteʼa apakiʼapileʼmo aliʼa asaga huʼnayaʼmonanafa Ala kava neʼmoʼa muki gotigimo ago aeno apaka seʼniyaʼmofeʼmo hemenimo nagaemo ageʼnovana Ala kava neʼmoʼa alu gotigimo alagi ago aeno apaka seʼniye, huʼna ageʼnove, huno ha paiʼniye.

Neniyo 11:36

Mago kini vekamoʼmo hauʼnisiya kavaʼmo hugiye. Agaemo muki gotigimo aeʼna apaka seʼnove, huteno agaiʼa agiʼaleʼmo alino asagauno ategaiye. Agaemo alagi anaga Gotifeʼmo huno faipa huno ategaiye. Agaemo aliʼyaʼamo alime alime neʼvisigenoʼaeʼmo Gotiʼa aipamo leno apatesiya afinaʼmo hano hugiye. Gotiʼa afole aigiye, huno lekana pai maleʼniya kavaʼmo afole aigiyaʼmofeʼmae.

Neniyo 2:47

Neniyofeʼmo ha painoʼaeʼmo, Gotikamoʼmo muki alu gotigimo ago aeno apaka seʼniye. Agaemo muki kini vayaʼaiteʼmo yagaino neʼapate. Kagaemo ani fala kiʼniya gemo naha paiʼnanaʼmofeʼmo nagaemo afiʼnovana Gotikamoʼmo fala kiʼniya gemo alino apave neliye, huno huʼniye.

Maika 7:9

Nagaemo Ala kava netegamo hosu kavaʼmo huʼnovaʼmofeʼmo aipamo leno nateteno kayoʼmo neʼnamiya kana yaʼmo afaʼa aliguve. Alime alime neʼvisugenoʼaeʼmo agotileʼmo ge huno naha maesiya gemo huteno nagaetefeʼmo fatago kavaʼmo huno alino fako hugiye. Agaemo navalelinuno ha le yategamo natesigeʼna fatago kavaʼamo agegauve.

Malakai 3:18

Ani afinaʼmo lapakaemo ani vayaʼmo apaketapa aeto hutetapaeʼmo, fatago vayaʼmae, hutapa apaketa aeto huge ani vayaʼmo hosu vayaʼmae, hutapa apaketa aeto huge Goti aliʼyaʼamo aliʼnaya vayaʼmae, hutapa apaketa aeto huge Goti aliʼyaʼamo oʼaliʼnaya vayaʼmae, hutapa apaketa aeto huge hugae, huno hapa paiʼniye.

Yoni 21:17

Halate napa tali afinaʼmo Yesuʼa hunoʼaeʼmo, Yoni mafaʼneʼamo Saimoniyo, huno, nagaefeʼmo kahauʼnifiye, huno afi geʼnigenoʼaeʼmo Pitaʼa Yesuʼmo napa tali afinaʼmo nagaefeʼmo kahauʼnifiye, huno afi geʼniyaʼmofeʼmo aipamoʼmo kana huʼnigenoʼaeʼmo, Ala kava nene, huno, kagaemo muki kavaʼamo ago ageʼnanana kagaefeʼmo nahauʼniye, huno ha paiʼnigenoʼaeʼmo, nahauʼniya sipisipi vayaʼaina neʼyaʼmo apamiyo.

Apa 1:24

Lekana paiʼa anateʼneʼana nunumuʼmo huʼapaeʼmo, Ala kava nene, huʼa, Muki vayaʼai apaipafiʼmo neʼapakane. Mani lole vekalapatiʼmo lekana paika ateʼnisana vekamo alika lave liyo.

Apa 25:11

Keʼaepa gemo amagiʼna ataleʼnofi namagisageʼna falisuva agufa kava huʼna maiʼnisufigeʼa afaʼa namagisageʼna faliguvaʼmonanafa agoti huʼa neʼnataya gemo aigofe gemo haneʼnisiyana magoke vekamoʼmo nagaemo navalelinuno apayapiʼmo oʼnategaiye. Sisaʼa gamani vayaʼaiteʼmo hogote kava vekaʼapimoʼa afaʼa alino fako huno agoti huno nategaiye, huno ha paiʼniye.

2 Kolitiyani 11:11

Na kava higeʼnaene. Lapakaefeʼmo nahau nayamopafiʼmo oʼnahauʼniyaʼmofeʼmo nehufiye. Haʼao. Gotiʼa ago nageʼniye.

2 Kolitiyani 11:31

Ala kava netimo Yesu Kalaisi Gotiʼamo Afoʼamofekeʼmo muki afinaʼmo aliʼa auleʼa neʼataya Gotiʼa hunoʼaeʼmo, aigofe gemo nosiye, huno nageʼniye.

2 Kolitiyani 5:11

Ala kava nefeʼmo koli nehutaeʼmo lagaefeʼmo alagi lama gemo nehae, huʼa apakesamo afiʼa fatago hisayafeʼmo apakesamo alita hapa nepaune. Gotiʼa laipafiʼmo ago agetenoʼaeʼmo, alagi lama gemo nehae, huno nehigetapaeʼmo lapaipafatiʼmo, alagi lama gemo nehae, hutapa nehafi huta lagesamo afitetaeʼmo, nehae, huta nehune.

1 Timoti 6:16

Agaiʼamo ofalino maiʼneno afaʼa neʼmaiya yaʼmo afoʼamoʼmo maiʼneno ha le yategamo maiʼniyanageʼa vayaʼmo alagi oʼvisaya agufa ha le yategamo maiʼniye. Muki vayaʼmogi oʼageʼnayanageʼa afaʼa oʼagegae. Ala agiʼamo amisageno himamuʼaletiʼmo muki afinaʼmo yagaige yagaige huno yagaino maino. He, lama ge.

Himulu 4:13

Lagaemo hutaeʼmo, ani kavaʼmo huʼnove, ina kavaʼmo huʼnove, huta ha paisuna vekamo aulagaleʼmo muki nehuna kavatimo alagi fala okino afole neʼaiye. Muki vayaʼmo aulagaleʼmo alagi fala okigayanageno apakegaiye.

Yasuva 22:21

Inagi Lumeni nofi vayanagi Gati nofi vayanagi Manasa vayapati magokayaga nofi vayanagi huʼa Isaleli afamo anaga nofi vayaʼaiteʼmo yagaiʼa neʼapataya vayaʼmogi geʼapileʼmo ina ge huʼa aeʼa atagaina huʼnae.

Leveleseni 19:16

Kukena yaʼalenagi alutenagi huno agiʼamo avoʼmo kae maleʼniye. Kini vayaʼaiteʼmo yagaino neʼapateya kini vekamo maiʼneno ala kava vayaʼaite ala kava vekaʼapimae.

Leveleseni 2:23

Ani kavaʼmo huteʼna mafaʼne anagaʼamo apamagisugeʼa faligae. Inagi siosiʼafi siosiʼafiʼmo maiʼnaya vayaʼmogimo nagaemo hisuva kavaʼmo ageteʼapaeʼmo, agaemo vayaʼai apaipa apakesafiʼmo neʼageya vekamo maiʼniye, huʼa nagegae. Na agufa kavaʼmo huʼnisafigeʼna anonatapilefeʼmo lapamete lapamete huʼna lapamiguve.

1 Samiyo 15:23

Goti geʼamo amagiʼa neʼatalaya kavaʼmoʼa apaune gemo neʼafiya agufa kavakana huno haneʼniye. Himuʼnamu kavaʼmoʼa hosu kavakana huno hanege aigofe gotigitefeʼmo mono nehaya agufa kavakana huno haneʼniye. Kagaemo Ala kava neʼmo geʼamo amagika ataleʼnanaʼmofeʼmo agaemo kaha faino kataleʼniyanageka kini vekamo oʼmaigane, huno ha paiʼniye.

1 Samiyo 2:3

Ala kava neʼmoʼa alagi ageno alagepa huʼniya Gotiʼa maiʼneno kavatimo alino fako nehiyaʼmofeʼmo lapakaitapi lapakitapileʼmo alita neʼasagaya gemo huge himuʼnamu gemo huge osiyo.