Yasuva 22:21 - The Keyagana NT and 25 OT books

²¹ Inagi Lumeni nofi vayanagi Gati nofi vayanagi Manasa vayapati magokayaga nofi vayanagi huʼa Isaleli afamo anaga nofi vayaʼaiteʼmo yagaiʼa neʼapataya vayaʼmogi geʼapileʼmo ina ge huʼa aeʼa atagaina huʼnae.

Yasuva 22:21 ပူးပေါင်းရင်းမြစ်များ

Mai'naya kavane 15:1

Mago vekamoʼmo aipamo leno katesigekaeʼmo aipamoʼmo falu hisiya gemo hisanagenoʼaeʼmo aipamoʼmo falu hugiyaʼmonanafa lokiya gefatiʼmo hisanagenoʼaeʼmo aipamo magoʼe huno legaiye.

Mai'naya kavane 16:1

Vayaʼmogimo hisaya kavafeʼmo apakesa afifi huge huge huʼa neʼmaiyaʼmonanafa Ala kava neʼmoʼa ani hisaya gemo alino neʼapamiye.

Mai'naya kavane 18:13

Mago vekamoʼmo ha paiʼniya gemo alagepa huno oʼafiʼneno malage huno geʼapileʼmo aeno atagaina huno hisiyaʼmoʼmo negi gemo hugiyaʼmofeʼmo avagage hugiye.

Mai'naya kavane 24:26

Alagepa gemo huno geʼaleʼmo aeno atagaina huno ha nepaiya vekamoʼmo haeno negekana agufa kavaʼmo nehiye.

Maika 5:2

Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.

Apa 11:4

Inagi Pitaʼa aepa faino hapa paiʼniya afinatetiʼmo afole aite afole aite huʼniya kavafeʼmo ava gemo huno hapa paiʼniye.

Yemisi 1:19

Nahauʼniya konagaʼnimogitapae, huʼna, geʼaletiʼmo alino lapateʼniyaʼmofeʼmo mukiʼamogitapamo geʼamo afisayafeʼmo lapayamukiki hutapa afiyo. Gemo hisayafeʼmo vase vase hutapa ge hiyo. Lapaipamo lesiyafeʼmo vase vase huno lapaipamo leno.

Yasuva 22:20

Ekaniʼmo Yila mafaʼnemoʼmo Ala kava neʼmoʼa lifana hu maleʼniya yatetiʼmo hosu kavaʼmo huʼnigeno Ala kava neʼmoʼa mukiʼamogitaeʼmo aipamo leno lateʼnigeʼa mago Isaleli vayaʼe agaeʼeʼmo faliʼnae. Agaiʼageʼmo ofaliʼniye, huʼa hapa paiʼnae.

Yasuva 22:22

Lokiyaʼamo haneʼniya Gotiʼa magokeʼageʼmo Ala kava neʼmoʼa muki gotigiteʼmo yagaino neʼapateya Gotiʼa huʼnona kavaʼmo aepaʼamo ago ageʼniye. Lapakaeʼeʼmo afaʼa agegae. Lagaemo Ala kava neʼmo geʼamo amagita ataleteta kotalake gemo ataleʼnisunaʼmoʼmo lapakaemo laha oʼmaetapa kamitimo lahaegae.

1 Pita 3:15

Lapamoʼya oʼaitapa Gotifekeʼmo lapaipafiʼmo koli hutetapaeʼmo, Ala kava netie, hutapa lapaipafiʼmo hiyo. Vayaʼmogimo lapakaefeʼmo huʼapaeʼmo, na kava higetapaeʼmo Gotifeʼmo agava maiʼnetapa lapavayagunagu nehae, huʼa lapafi gesagetapaeʼmo geʼapileʼmo aeta atagaina hutapa hapa paisayafeʼmo muki afinaʼmo alo hutapa maiyo. Himuʼnamu gemo osutapa Gotifekeʼmo koli hutetapa alagepa gemo hutapa hapa paiyo.