Yasuva 20:7 - The Keyagana NT and 25 OT books

⁷ Ani gemo afiteʼapaeʼmo inagi apakaemo Kiʼnesi taonimo Galeliya kotega Nafatali vayaʼmogi aveleʼmo haneʼniya taonimo lekana paige Sikemi taonimo Ifalemi vayaʼmogi aveleʼmo haneʼniya taonimo lekana paige Kayatama taonimo alu agiʼamo Himoni taonimo Yuta vayaʼmogi aveleʼmo haneʼniya taonimo lekana paige huʼnae.

Yasuva 20:7 ပူးပေါင်းရင်းမြစ်များ

Luki 1:39

Aise afinaʼmo utegeno Maliyaʼmo malage huno he tino aise aulafimo haneʼniya koteʼmo uno Yutiya kotega mago taonifiʼmo avaʼyi huteno

Yasuva 14:15

Akeyaʼvilagamo Hipaloni taonimo agiʼamo Kiyati Ama taonie, huno haneʼniye. Amaʼmo hogote Anakimi vekamo maiʼniye. Kelepiʼmo kame huteno ani mopamo aliʼnigenoʼaeʼmo inagi kame nehaya kavaʼmo magoʼe huno afole oʼaiʼnigeʼa maiʼa haga leʼnae.

Yasuva 15:13

Ala kava neʼmoʼa hogoteno Yasuvafeʼmo ha painoʼaeʼmo, Kagaemo Yuta vayaʼmogi mopafatiʼmo Kelepiʼmo Yefane mafaʼnemo mopamo amiyo, huno ha paiʼnigeno Yasuvaʼa Hipaloni taonimo alu agiʼamo Kiyati Ama taonimo amiʼniye. Hogoteno Aʼma Enaki afoʼamo taoniʼmae.

Yasuva 19:35

Ani hakuʼmo yuʼilagamo ani taonileʼmo lokiya yafa kegiʼyamoʼmo faino vego huno ateʼniya taonimo yuʼilagamo haneʼniyana Yinimi taonigi Ye taonigi Hamati taonigi Lakati taonigi Sineleti taonigi Enama taonigi Lema taonigi Heso taonigi Kinesi taonigi Enaleyai taonigi Eniheso taonigi Ailoni taonigi Mikinale taonigi Holemi taonigi Metenati taonigi Metisimesi taonigi huno hanetegeno yuʼilagamo haneʼniye. Apakaemo Nafatali nofi vayaʼmogimo muki naetiniʼa taoniʼe haopaleʼmo haneʼniya taoniʼeʼmo aliʼnae.

Yasuva 20:8

Yoneni aniʼmo mugagayaga faliga yegemo haine neʼeya haopalega Yeliko taoni haopalega aveleʼmo hau huʼniya kaʼme otu koteʼmo Lumeni nofi vayaʼmogi mopaleʼmo Miye taonimo lekana paige Lemoti taonimo Giliyati kotega Gati nofi vayaʼmogi mopaleʼmo lekana paige Golani taonimo Mesani kotega Manasa nofi vayaʼmogi mopaleʼmo lekana paige huʼnae.

Yasuva 21:11

Apakaemo Eloni nofi vayaʼmo Kaliyati Ama taonimo alu agiʼamo Hipaloni taoniʼe haopaleʼmo haneʼniya mopaʼeʼmo apamiʼnae. Amaʼmo Enaki afoʼamoʼmae. Hipaloni taonimo Yuta vayaʼmogi ave koteʼmo haneʼniye.

Yasuva 21:13

Apakaemo ani kava huʼa mono huno neʼapateya vekamo Eloni afamo anagaʼamo Hipaloni taoniʼe haopaleʼmo haneʼniya mopaʼeʼmo apamiʼnae. Hipaloni taonimo fiku kamitimo apamagiʼnaya vayaʼmo apaune hetaleʼa uʼa fala kisaya taonimo apamiʼnae. Apamiteʼa Limana taonigi haopaleʼmo haneʼniya mopagi Yata taonigi haopaleʼmo haneʼniya mopagi Esitemova taonigi haopaleʼmo haneʼniya mopagi Holani taonigi Nimi taonigi Eyini taonigi Yuta taonigi Metisimesi taonigi ani muki naeniʼa taonimo haopaleʼmo haneʼniya mopaʼenagi huʼa apamiʼnae. Yuta nofi vayaʼmogiʼe Simeyoni nofi vayaʼmogiʼeʼmo aliʼnaya mopafatiʼmo apamiʼnae.

Yasuva 24:1

Yasuvaʼmo muki Isaleli nofi vayaʼmo Sikemi taonifiʼmo alino anupa huno apateʼnenoʼaeʼmo vayatama vayaʼaifenagi yagaiʼa apateʼnaya vayaʼaifenagi agoti gemo neʼafiya vayaʼaifenagi aliʼyaʼmo neʼaliya vayaʼaiteʼmo yagaiʼa neʼapataya kava vayaʼaifenagi huno ge huʼnigeʼa eʼa Goti aulagaleʼmo he tiʼnae.