Yasuva 2:19 - The Keyagana NT and 25 OT books19 Mago kanomo nopatiʼmo ataleno taoni kategamo neʼvisigeʼa agaemo kamiti haesageno falisiyaʼmoʼmo inagi ani kavaʼmo agaiʼageʼmo hisiya kavaʼmokeʼmae. Laʼagaemo hosu kavatiʼamo ohanegaiye. Hiyaʼmonanafa mago kanomo nopatiʼmo hosu yaʼmo alisiyaʼmoʼmo inagi laʼagaemo hosu kavatiʼamo hanegaiye. အခန်းကိုကြည့်ပါ။ |
Ani haniʼilagamo Ala kava neʼmoʼa Isipi vayaʼmo kamitimo apamagisiyafeʼmo muki Isipi kotegamo uneno hunoʼaeʼmo kipate yosaleʼmo kolaʼmo haneʼnisigeno agetenoʼaeʼmo lapakaseno uteno vayaʼmo kamitimo apamagisiya enisole vekaeʼmo aeka apakaso huno hisigeno lapakae nopiʼmo uno haino mafaʼnetapimo oʼapamagigiye.
Yu vayaʼmogimo geʼamo amagiʼa ataleteʼa huʼa faipa huʼa ateʼnagenoʼaeʼmo kukenaʼaletiʼmo mumusopamo alino kalo paeno ataletenoʼaeʼmo, Oʼafiʼnayaʼmofeʼmo lapakaemo afela hesayaʼmoʼmo nagaemo vaiʼmo oʼaligufa lapakaitapigeʼmo vaiʼmo aligae. Lapataleʼna alu nofi vayaʼaitegamo uguve, huno hapa paiteno apataleno uʼniye.
Nagaemo muki gemo Gotiʼa akeyaʼvilaga apakaetefeʼmo huguve, huno huʼniya gemo lapa paisuvafeʼmo ataleʼna maiʼna halove osuʼna aeʼna hakalo huʼna lapa paiʼnovaʼmofeʼmo lapakaemo afela hesayaʼmoʼmo lapakaetetiʼmo nagaemo vaiʼmo oʼaligufa lapakaitapigeʼmo vaiʼmo aligae, huʼna huteʼnaeʼmo, ehetapiye, huʼna lapa nepauve.
Inagi mago vekamoʼmo Goti Mafaʼneʼaeʼmo, ina agufa vekamae, huteno agiʼaleʼmo alino afepi atege kotalake kolaʼamo alino aote maleʼniya kolaʼaeʼmo ina agufa kolane, huno agesamo afige fikumo hapa maeno neʼapamiya Aunemeʼaeʼmo huno faipa huno atege huʼnisiyana anonaʼalefeʼmo magoʼe huno lusi kayoʼmo apamigiye, huʼa apakesamo afigae.
Inagi hemenimo lanakaemo Ala kava neʼmo agiʼaletiʼmo lanakoʼyamo ataletana lokiya gefatiʼmo hiʼao. Nagaemo lahana maeʼna alagepa huʼna yagaiʼna lanateʼnova agufa kavaʼmo hutana afamo anagaʼnimo hapa maetana alagepa hutana yagaitana apatesaʼafeʼmo hiʼao. Lanakaemo ani polomasi getanimo alitana lokiya vaitana atesaʼafeʼmo mago alagena yaʼmo namiʼao.
Inagi anakaemo geʼaleʼmo aeʼana atagaina huʼanaeʼmo, Lapakaemo laʼagaemo huʼnoʼa kavafeʼmo vayatapieʼmo hapa opaisayana lapakaemo afaʼa maisayafeʼmo falisuʼa kavategatiʼmo afaʼa maiguʼae. Ala kava neʼmoʼa mani koʼmo alino lamisigetaeʼmo lapakaetegamo lama ge kavaʼmo yagu yaga huta hugune, huʼana ha paiʼnaʼae.