Yasuva 2:16 - The Keyagana NT and 25 OT books

¹⁶ Agaemo lole vekalafeʼmo hunoʼaeʼmo, Lanakaemo utana avefilaga loleʼe magoʼe afinaʼmo fala kitana maiʼao. Fiku yanageʼa lanavegala aesaya vayaʼmogimo lanakegae. Apakaemo Yeliko taonifiʼmo eʼa haiʼetesagetanaeʼmo lanakaemo halate nofi vayatanilegamo ugaʼae.

Yasuva 2:16 ပူးပေါင်းရင်းမြစ်များ

Samu 11:1

Nagaemo hakumo alino ataleno yagaino natesiyafeʼmo Ala kava nefeʼmo aliʼna amufa amiʼnovaʼmofeʼmo na agufa gemo hutapaeʼmo, namagana huka avelegamo halelika kaune ho, hutapa naha paigae.

Yemisi 2:25

Kumai kavaʼmo nehiya a kanomo Lehepiʼa kame vayaʼaifeʼmo apamasa hisaʼafeʼmo eʼnaʼa vekalaʼmo noʼafiʼmo uʼana havaesaʼafeʼmo havaesaʼa yaʼmo alino alagepa huno anateʼnigeʼana uʼana havaetaʼagenoʼaeʼmo visaʼa kaʼmo alino anave liʼniye. Ani kavaʼmo huno Gotiʼa ani a kanomoʼa huʼniya alagepa kavaʼaletifeʼmo hunoʼaeʼmo, naulagaleʼmo fatago a kanomo maiʼnane, huno ha paiʼniye.

Yasuva 2:15

Lehapi noʼmo taonile yafa kegiʼyaleʼmo lokaeno haneʼnigeno yasi kaʼmo taonile kegiʼyalegamo haneʼniye. Haneʼniyaʼmofeʼmo Lehapiʼa mago nofiʼmo yasi katetiʼmo aetalegeno lamino kegiʼya malagamo mule kalale huno haneʼnigeʼana lole vekalaʼmo ani nofiteʼmo alime alime uʼana lamisaʼafeʼmo aeʼniye.

Yasuva 2:22

Inagi ani lole vekalaʼmo avelegamo uʼana avaʼyi huteʼanaeʼmo loleʼe magoʼe afinaʼmo maiʼna ageʼapaeʼmo anavegala aeʼnaya vayaʼmo oʼanakeʼana ataleʼa Yeliko taonifiʼmo atagineʼa uʼnae. Anavegala aeʼnaya vayaʼmogi muki koteʼmo kahauya huliʼa uʼeʼa huʼnayaʼmonanafa oʼanakeʼnae.

1 Samiyo 23:14

Neviniʼmo uno Sifa taonimo haopaleʼmo haneʼniya avefiʼmo alagepa huno maisiya agufa yapiʼmo fala kino maiʼniye. Ataleno oʼuʼnifa afaʼa maiʼniye. Soloʼmo muki afinaʼaeʼmo Nevinifeʼmo kahauya huʼniyaʼmonanafa Gotiʼmo Neviniʼa avalelineno Solo ayapiʼmo oʼateʼniye.

1 Samiyo 23:29

Inagi Neviniʼmo ani haopalegatiʼmo atalenuno Eni Geti taonimo haopaleʼmo afaʼa maisiyafeʼmo yahaofilagamo maiʼniye.