Yasuva 2:15 - The Keyagana NT and 25 OT books

¹⁵ Lehapi noʼmo taonile yafa kegiʼyaleʼmo lokaeno haneʼnigeno yasi kaʼmo taonile kegiʼyalegamo haneʼniye. Haneʼniyaʼmofeʼmo Lehapiʼa mago nofiʼmo yasi katetiʼmo aetalegeno lamino kegiʼya malagamo mule kalale huno haneʼnigeʼana lole vekalaʼmo ani nofiteʼmo alime alime uʼana lamisaʼafeʼmo aeʼniye.

Yasuva 2:15 ပူးပေါင်းရင်းမြစ်များ

Apa 9:25

Yagaiʼa maiʼnayaʼmonanafa Kalaisi geʼamo neʼafiya vayaʼmogi haniʼilagamo avaleli uʼa yafa kegiʼyaleʼmo uʼa haiʼa ateʼneʼa hona yuvapagana yapiʼmo aliʼa ateteʼa nofi aeteʼa aliʼneʼa ataleʼnageno Soloʼa uno lamino kegiʼya malaga mopafiʼmo asagauno aiteno uʼniye.

2 Kolitiyani 11:33

Yagaiʼa maiʼnayaʼmonanafa nagaemo hona yuvapagana yapiʼmo haiʼna maiʼnogeʼa yasi katetiʼmo aliʼa natageʼna lamiʼna malaga asagauʼna aiteʼna naune heʼna uʼnove.

Yasuva 2:14

Inagi anakaemo geʼaleʼmo aeʼana atagaina huʼanaeʼmo, Lapakaemo laʼagaemo huʼnoʼa kavafeʼmo vayatapieʼmo hapa opaisayana lapakaemo afaʼa maisayafeʼmo falisuʼa kavategatiʼmo afaʼa maiguʼae. Ala kava neʼmoʼa mani koʼmo alino lamisigetaeʼmo lapakaetegamo lama ge kavaʼmo yagu yaga huta hugune, huʼana ha paiʼnaʼae.

Yasuva 2:16

Agaemo lole vekalafeʼmo hunoʼaeʼmo, Lanakaemo utana avefilaga loleʼe magoʼe afinaʼmo fala kitana maiʼao. Fiku yanageʼa lanavegala aesaya vayaʼmogimo lanakegae. Apakaemo Yeliko taonifiʼmo eʼa haiʼetesagetanaeʼmo lanakaemo halate nofi vayatanilegamo ugaʼae.

Yasuva 6:20

Hapa paiʼnigeʼa mono huʼa neʼapataya vayaʼmogimo pikulimo nehageʼapaeʼmo Isaleli vayaʼmogimo malage huʼa alopa gefatiʼmo lusi kava huʼa ge huʼnageno taonileʼmo huʼa ku ai maleʼnaya yafa kegiʼyamo aino nakupaeno mopafiʼmo asagauno aiʼniye. Inagi muki vayaʼamogimo apaulagaleʼmo haneʼniya katetiʼmo uʼa haiʼa taonimo aliʼnae.