Yasuva 19:35 - The Keyagana NT and 25 OT books

^35-39 Ani hakuʼmo yuʼilagamo ani taonileʼmo lokiya yafa kegiʼyamoʼmo faino vego huno ateʼniya taonimo yuʼilagamo haneʼniyana Yinimi taonigi Ye taonigi Hamati taonigi Lakati taonigi Sineleti taonigi Enama taonigi Lema taonigi Heso taonigi Kinesi taonigi Enaleyai taonigi Eniheso taonigi Ailoni taonigi Mikinale taonigi Holemi taonigi Metenati taonigi Metisimesi taonigi huno hanetegeno yuʼilagamo haneʼniye. Apakaemo Nafatali nofi vayaʼmogimo muki naetiniʼa taoniʼe haopaleʼmo haneʼniya taoniʼeʼmo aliʼnae.

Yasuva 19:35 ပူးပေါင်းရင်းမြစ်များ

Aepa Gemae 10:18

Avati nofi vayanagi Yema nofi vayanagi Hamati nofi vayanagi huʼa aginago vayaʼmo maiʼnae. Henagaʼamo Kenani nofi vayaʼmo magoʼe huʼa kaeʼa atagu faeʼnae.

Napa 13:21

Inagi ani vayaʼmo uʼa muki haopalega mopamo lamaga haopalega Yini kaʼme kotetiʼmo aepa faiʼa ageteʼa ageliʼuʼa Lihopi taonimo Hemati taonilegamo uʼniya ka avayaleʼmo hoga haopalegamo uʼnae.

Maki 6:53

Aniʼmo lakaeʼuʼa Genesaleti kotegamo avaʼyi huteʼapaeʼmo sipimo nofi aeʼa ateʼnae.

Yasuva 13:27

Yoneni aniʼmo kagoʼmu koʼmo aliteʼa Meti Helami taonigi Meti Nimila taonigi Sukoti taonigi Yafoni taonigi kini vekamo Saihoniʼmo yagaiʼniya mopafatiʼmo Lumeni nofi vayaʼmo oʼaliʼnaya mopamo mago atupa mopaʼagi huʼa aliʼnae. Mago hakuʼmo Yoneni anitega mopamo yegemo haine neʼeya haopalegamo haneʼnigeno alagi lamaga kotetiʼmo hanelino Galeliya ani kotuteʼmo uʼniye.

Yasuva 19:34

Hilefi taonile hakuʼmo alino ataleno hanelino aino lo aeno hanelino yegemo uno lamino nefaleya haopalega Asinoti Temo taoniletiʼmo hanelinuno Hukoki taoniletiʼmo hanelinuno Yemulani nofi vayaʼmogi hakuʼmo hoga haopalega hanege Asa nofi vayaʼmogi hakuʼmo yegemo uno lamino nefaleya haopalega hanege Yuta nofi vayaʼmogi hakuʼmo yegemo haine neʼeya haopalega Yoneni aniʼmo hanege huʼniye.

Yasuva 20:7

Ani gemo afiteʼapaeʼmo inagi apakaemo Kiʼnesi taonimo Galeliya kotega Nafatali vayaʼmogi aveleʼmo haneʼniya taonimo lekana paige Sikemi taonimo Ifalemi vayaʼmogi aveleʼmo haneʼniya taonimo lekana paige Kayatama taonimo alu agiʼamo Himoni taonimo Yuta vayaʼmogi aveleʼmo haneʼniya taonimo lekana paige huʼnae.