Yasuva 18:10 - The Keyagana NT and 25 OT books

¹⁰ Inagi Yasuvaʼa Sailo taonifiʼmo Ala kava neʼmo aulagaleʼmo mago yaʼmo yaga au maleʼneno alino alisaya mopamo agetenoʼaeʼmo mopamo fako huno Isaleli vayaʼmo apamiʼniye.

Yasuva 18:10 ပူးပေါင်းရင်းမြစ်များ

Samu 47:4

Agaemo afaʼa maisuna mopamo lekana paino lamisigeta hau ayamopafiʼmo hauʼniya vayaʼmogitamo ani mopaleʼmo maiʼnetaeʼmo ala lagitimo aligune.

Samu 61:5

O Gotiyo, huʼna, ina kavaʼmo huguve, huʼna kaha paiʼnova geʼnimo ago afiʼnane. Mafaʼneʼapimogimo afoʼapimogi kagemi yaʼapimo neʼaliya kava huʼa kagikaeʼmo koli nehaya vayaʼmogimo alagepa yakamo aligae. Ani kava huka namisanageʼna aliguve.

Mai'naya kavane 18:18

Lokiya vayaʼmogimo apakaeʼeʼmo kaveta hisayafeʼmo nehageʼapaeʼmo yafatetiʼmofi yosaletiʼmofi pepaletiʼmofi huʼa satu yokalo legekana agufa kavatetiʼmo kaveta hisayafeʼmo huʼnaya kavaʼmo aliʼa hano huʼa atalegae.

Maika 2:5

Agaemo ago apamiʼniyaʼmofeʼmo Ala kava neʼmo vayapatiʼmo mago vayaʼmogi mopaleʼmo hakuʼmo afaʼa malesaya vayaʼmo oʼmaigae.

Matiyu 27:35

Malipu yosaleʼmo nili aiteʼa aliʼa he tiʼa ateʼneʼapaeʼmo kukena yaʼamo aliʼa fako huʼa aliteʼa mago yafatetiʼmo yokalo leʼnae. Gotitegati gemo alinineno aeno hakalo huno hapa nepaiya vekamoʼmo hunoʼaeʼmo, Kukenaʼnimo aliʼa fako huʼa aliteʼa yatala kukenaʼnileʼmo yokalo leteʼa aeno apaka seʼniya vekamoʼmo aliʼniye, huno huʼniya gemo afole aisiyafeʼmo ani kavaʼmo huʼnae.

Yoni 17:2

Kagaemo muki ma mopafi vayaʼaiteʼmo yagaino apatesiyafeʼmo lekana paika ateʼnane. Apavaleka amiʼnana vayaʼmo afaʼa maige maige huʼa maisaya yaʼmo alino apamisiyafeʼmo himamuʼamo ago amiʼnane.

Apa 13:19

Gotiʼa hapa maeʼnigeʼapaeʼmo seveniʼa nofi vayaʼmogi Kenani kotega vayaʼmo hapafaiʼa hapaetaleʼa apakae mopamo aliʼnae.

Apa 26:18

Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

Kolosi 1:12

Agaemo yagaino neʼapateya ha le koteʼmo uʼa haiʼa neʼmaiya vayaʼeʼmo hetama maleno lateʼniya yatimo afaʼa alisunafeʼmo alo huno lateʼniye.

Yasuva 14:2

Ala kava neʼmoʼa Mosesefeʼmo ha paiʼniya gemo akame huʼa mago yaʼmo yaga au maleʼneʼa aliteʼapaeʼmo mopamo aliʼa fako huʼa naeniʼa nofi vayaʼe magokayaga nofi vayaʼeʼmo apamiʼnae.

Yasuva 14:5

Apakaemo Isaleli vayaʼmogimo Ala kava neʼmoʼa Mosesefeʼmo ha paiʼniya kavaʼmo akame huʼa mopamo fako huʼa apamiʼnae.

Yasuva 18:11

Yaga auʼa maleʼneʼa ageʼnageno Menisameni afamo anaga nofi vayaʼmogi mopa hetamaʼapimo Yuta nofi vayaʼe Yosefe nofi vayaʼmogi folagapiʼeʼmo haneʼnigeʼa aliʼnae.

Yasuva 18:6

Apakaemo ani seveniʼa mopamo auneʼamo aliteʼa avoʼmo kaeʼa aliniʼa nagaetegamo egae. Nagaemo Ala kava neʼmo Gotitimo aulagaleʼmo mago yaʼmo yaga au maleʼneʼna aliʼna alisaya mopaeʼmo agegauve.

Yasuva 18:8

Inagi Yasuva geʼamo afiteʼapaeʼmo visayafeʼmo he tiʼnagenoʼaeʼmo Yasuvaʼa uʼeʼa huʼa mopaʼmo auneʼamo avoʼmo kaesaya vayaʼaifeʼmo lokiya gemo huno hapa painoʼaeʼmo, Uteta hutapa aligefeʼmo hisaya mopamo auneʼamo alitetapa avoʼmo kaetapa alinita nagaetegamo eyo. Nagaemo manile Sailo taonifiʼmo Ala kava neʼmo aulagaleʼmo mago yaʼmo yaga au maleʼneʼna aliʼna alisaya mopaeʼmo agegauve, huno hapa paiʼniye.

Yasuva 18:9

Inagi apakaemo muki haopalegamo umenitata huʼa mopamo ageteʼapaeʼmo seveniʼa mopamo auneʼamo aliteʼa mago mukufiʼmo avoʼmo kaeteʼa Sailo taonifi seli noʼapimo haneʼniya yategamo aliniʼa Yasuvategamo eʼnae.

Yasuva 19:51

Mono huno neʼapateya vekamo Iliyesaʼagi Nani mafaʼnemo Yasuvaʼagi Isaleli nofi vayapatiʼmo muki magoke magoke afamo anaga vayaʼaiteʼmo yagaiʼa neʼapataya vayanagi huʼa Ala kava neʼmo aulagaleʼmo Sailo taonifiʼmo Ala kava neʼmo seli mono noʼamo kipateʼmo mago yaʼmo yaga au maleʼneʼa aliʼa ageteʼapaeʼmo mopamo fako huʼa apamiʼa hano huʼnae.

Yasuva 23:4

Hemenimo lapakaemo alagepa hutapa afiyo. Lagaemo muki nofi vayaʼmo kame huta ago aeta apaka seʼnona vayaʼmogi mopaʼe kame huta aeta oʼapaka seʼnona nofi vayaʼmogi mopaʼeʼmo nagaemo fako huʼna lapamisuvafeʼmo lapakaemo mago yaʼmo yaga au maleʼnetapa alita ageʼnae. Ani mopamo hakuʼmo yegemo haine neʼeya haopalegamo Yoneni anitetiʼmo aepa faiteno hanelino yegemo uno lamino nefaleya haopalega alopa Metaleniyani solovalategamo uʼniye.