Yasuva 17:1 - The Keyagana NT and 25 OT books

¹ Yosefe yege mafaʼneʼamo Manasaʼmo maiʼniyaʼmofeʼmo Manasa aginago nofi vayaʼmogi mopamo lekana paiʼa apateteʼa apamiʼnae. Manasa yege mafaʼneʼamo Mekiʼmo Giliyati afoʼamoʼmo lokiya vaino kame nehiya vekamo maiʼniyaʼmofeʼmo apakaemo Giliyati taoniʼe Mesani kotegaʼeʼmo lekana paiʼa ateteʼa amiʼnae. Ani mopamo Yoneni anitega yegemo haine neʼeya haopalegamo haneʼniye.

Yasuva 17:1 ပူးပေါင်းရင်းမြစ်များ

Aepa Gemae 41:51

Inagi Yosefeʼa hunoʼaeʼmo, Gotiʼa naha maeʼnigeʼna kana yaʼmo aliʼnova kavafeʼmo nage kaniʼna atalege afoʼnimo afamo anaga vayaʼaeʼmo nage kaniʼna apatalege huʼnove. Ani kavaʼmo huʼniyaʼmofeʼmo Yosefeʼa yege mafaʼnemo agimo Manasaʼae huno ateʼniye.

Aepa Gemae 41:52

Agaemo hunoʼaeʼmo Gotiʼa naha maeʼnigeʼna kana yaʼmo aliʼnova koteʼmo muki huʼnova kavaʼnimoʼa alagepa kavaʼageʼmo afole aiʼniye. Ani kavaʼmo huʼniyaʼmofeʼmo napa tu mafaʼnemo agiʼamo Ifalemiʼae huno ateʼniye.

Aepa Gemae 46:20

Yosefeʼa Isipi kotegageʼmo maiʼnigenoʼaeʼmo aʼamo Asenatiʼmo lole mafaʼnelaʼmo Manasaʼe Ifalemiʼeʼmo alino anateʼniye. Asenatiʼmo mago mono huno neʼapateya vekamo agiʼamo Potifelaʼmo Ono taonifiʼmo maiʼniya vekamo a mafaʼnemo maiʼniye.

Aepa Gemae 48:17

Yosefeʼa ageʼniyana afoʼamo lamaga ayaʼmo Ifalemi agenopaleʼmo maleʼnigeno agetenoʼaeʼmo ani kavafeʼmo ohauʼnigeno afoʼamo lamaga ayaʼmo alino Manasa agenopaleʼmo malesiyafeʼmo huʼniye.

Aepa Gemae 48:18

Yosefeʼa afoʼamofeʼmo, Afo, huno, ina kava osuka ago, ani mafaʼnegeʼmo yege mafaʼnemo maiʼniyanagi agae agenopaleʼmo lamaga kayaʼmo malo, huno ha paiyaʼmonanafa

Aepa Gemae 50:23

Agaemo Ifalemi mafaʼne anagaʼe Ifalemi agiyoʼamogiʼeʼmo apakeʼniye. Manasa mafaʼnemo Maki mafaʼne anagaʼmo Yosefeʼa alute alino faino apateʼnigeʼa maiʼneʼa kosiʼnae.

Yasuva 17:2

Manasaʼmo alu aginago mafaʼne anagaʼmogimo Yoneni anitega yegemo uno lamino nefaleya haopalegamo haneʼniya mopamo aliʼnae. Ani Manasa nofi afamo anagaʼamogi apakiʼapimo Emiyesaʼagi Hilekiʼagi Asaliyoʼagi Sikemiʼagi Hifeʼagi Semainaʼagi huʼa maiʼnae. Apakaemo Manasaʼmo Yosefe yege mafaʼneʼamo ve mafaʼne anagaʼamo maiʼnae.

Yasuva 22:7

Hogoteno Moseseʼmo Mesani kotegamo Manasa nofi vayapatiʼmo magokayaga nofi vayaʼamo mopamo apamiʼniyaʼmonanafa yegemo uno lamino nefaleya haopalegamo magokayaga alu Manasa nofi vayaʼamo Yoneni aniʼmo malaga mopamo apamiʼniye. Inagi Yasuvaʼa ani kotegamo alino apatetenoʼaeʼmo aulena gemo hapa paitenoʼaeʼmo,