Yasuva 15:55 - The Keyagana NT and 25 OT books

^55-57 Magoʼe huno alu taonimo Meyoni taonigi Kamo taonigi Yifi taonigi Yuta taonigi Yesalili taonigi Yokaniya taonigi Yanova taonigi Keyini taonigi Gimiya taonigi Timana taonigi huno haneʼniye. Teniʼa taoniʼe haopaleʼmo haneʼniya aise taoniʼeʼmo haneʼniye.

Yasuva 15:55 ပူးပေါင်းရင်းမြစ်များ

1 Kini 18:42

Ha paiʼniyaʼmofeʼmo Ehapiʼmo neʼyaʼmo nesiyafeʼmo uno haiʼniye. Ilaiyaʼe aliʼyaʼamo neʼaliya vekaʼeʼmo Kame avefiʼmo uʼana haiʼnaʼae. Ilaiyaʼmo lole aleʼyalaʼmo folagapiʼmo ape huno agenopamo ategeno uno lamiʼniye.

Aiyeya 35:2

Ani kotega muki kahaumoʼmo ausemo hesigeno amogaga aigiye. Amogaga aige yokemo huge huno hanegaiye. Lemanoni aveleʼmo ha le konali yaʼamo haneʼniya kava huno ha le konali yaʼamo afole aigiye. Kamo koʼe Saloni koʼeʼmo alagi kanale kotalaʼmo haneʼniya kava huno hau huʼniya koʼmo alagi kanale koʼmo alino hamalegaiye. Muki vayaʼmogi ani kavaʼmo ageteʼapaeʼmo Ala kava neʼmo Gotitimoʼmo kanale ha le konali yaʼaʼe kanale alagepa kavaʼaʼeʼmo agegae.

1 Samiyo 15:12

Gotilamiyapiʼmo Samiyoʼmo he tino Soloʼeʼmo fotu hisiyafeʼmo uʼnigeno mago vekamoʼa ha painoʼaeʼmo, Soloʼmo uno Kamo taonifiʼmo ani kamemo huno aeno apaka seʼniya kavatefeʼmo ala agiʼamo alisiyafeʼmo mago alagena kavaʼmo huʼniyana yafaʼmo faino ateʼniye. Agaemo ago faino atetenoʼaeʼmo inagi Giligo taonifiʼmo uʼniye, huno ha paiʼniye.

1 Samiyo 23:24

Inagi apakaemo ataleʼa hogoteʼa Sifa yahaofilagamo uʼnae. Uʼnayaʼmonanafa Neviniʼe vayaʼaʼeʼmo Maonu yahaofilaga Yuta koteʼmo hoga haopalegamo maiʼnae.

1 Samiyo 23:25

Soloʼe vayaʼaʼeʼmo Nevinifeʼmo kahauya huʼa agesayafeʼmo uʼnageʼapaeʼmo mago vayaʼmogi Nevinifeʼmo ha paiʼapaeʼmo, Neviniʼmo uno Maonu yahaofilagamo maiʼniye. Soloʼmo afitenoʼaeʼmo Maonu koteʼmo uteno Neviniʼmo akame huno uʼniye.

1 Samiyo 25:2

Maoni taonifi vekamo agiʼamo Nemoʼmo Kelepi nofi vekamo maiʼniye. Agaemo lusi kagemi yaʼaʼe vekamo maiʼnigeʼapaeʼmo tali tauseniʼa sipisipi anagaʼmo maige vani tauseniʼa meme anagaʼamo maige huʼnae. Aʼamo agiʼamo Amigeʼae. Agaemo alagepa huno afino aeto huʼniya a kanomo alagepa apaulagamo ageʼnaya a kanomo maiʼniye. Maiʼniyaʼmonanafa anauʼamoʼmo gemo nehapaiya vekamo hosu kavaʼmo nehiya vekamo maiʼniye. Mago mopaʼamo Kamo taonimi haopaleʼmo haneʼnigeʼa apakaemo ani koteʼmo sipisipi anagaʼamo apayokaʼmo lagauʼa maiʼnae.

1 Samiyo 25:7

Neviniʼmo ago afiʼniyana vayaʼmogimo kagae sipisipi anagaʼmogi apayokaʼmo nelagae, huno afiʼniye. Sipisipikaleʼmo neʼyagaiya vayaʼmo lagaeʼeʼmo Kamo kotegamo magokepiʼmo lokaeta maiʼnona afinaʼmo lagaemo alita hosu huta oʼapatege kumayaʼmo oʼapavalege huta maiʼnone.