Yasuva 15:4 - The Keyagana NT and 25 OT books

⁴ Kaka taonimo alino ataleno Asamoni taonifiʼmo neʼvaya kateʼmo uno Isipi koʼmo hakuteʼmo ani aise aniʼmo akame huno hanelinuno alopa Metaleniyani solovalateʼmo hano huʼniye. Yuta vayaʼmogi mopamo hakuʼmo ani hoga haopalegamo haneʼniye.

Yasuva 15:4 ပူးပေါင်းရင်းမြစ်များ

Aepa Gemae 15:18

Ani afinakeʼmo Ala kava neʼmoʼa Emalemiʼeʼmo mago kotalakemo huʼniye. Ina ge huno huʼniye. Nagaemo kaginago mafaʼne anagakamo ma mopamo aliʼna apamiʼnove. Isipi kotega uno nelamiya anitetiʼmo uno alopa Yufaletisi aniteʼmo utegeʼna mani haopalega haneʼniya mopamo apamiʼnove.

Hatu maeno apate'niya gemae 23:31

Nagaemo mopatapimo hakuʼmo haesa solovala ani agiʼnaletiʼmo uno Filisatini vayaʼai ani agiʼnaleʼmo utesigeʼna magoʼe huʼna alime uʼna lapategauve. Mago hakuʼmo kaʼme kotegatiʼmo uno Yufaletisi aniʼmo agiʼnaleʼmo uno lamitesigeno lapakae hakuʼmo hanegaiye. Nagaemo lokiya vaiʼna lapatesugetapa ani mopaleʼmo maiʼnaya vayaʼmo uta alita hapa faitapa apatalegae.

Yasuva 13:3

Ani mopamo hakuʼmo Isipi kotega yegemo haine neʼeya haopalegamo Siho anitetiʼmo aepa faiteno hanelino Isipi vayaʼmogi hakuteʼmo utegeno muki lamaga haopalega Ekaloni taonimo hakuteʼmo utegetapa ani mopamo Kenani vayaʼmogi mopamo oʼaliʼnae. Ani mopaleʼmo Filisatini nofi vayapatiʼmo faefuʼa kini vayaʼmo maiʼnae. Apakaemo Gesa taonifiʼmo maige Asanoni taonifiʼmo maige Asakeloni taonifiʼmo maige Gati taonifiʼmo maige Ekaloni taonifiʼmo maige huʼnae.

Yasuva 15:3

hanelinuno Akalamimi avelegamo uʼa nehaiya kageka kaʼmo alino ataleno Sini kahaepa kaʼme kotega hanelinuno hoga haopalega Kenesi Maneya kotetiʼmo alagi hanelinuno Hesaloni taonimo alino ataleno Aʼna taonileʼmo hanelinuno haiteno atagineno hanelino Kaka taonileʼmo uʼniye.