Yasuva 14:8 - The Keyagana NT and 25 OT books

⁸ Ha paiʼnovaʼmonanafa nagaeʼeʼmo magokepi lokaeʼa uʼnaya vayaʼmogigeʼmo alu gemo huʼnagenoʼaeʼmo ani gemoʼmo vayaʼmo koli yaʼmo alino apamiʼnigeʼa lokiyaʼapimo alagi hano huʼniye. Huʼnayaʼmonanafa nagaemo Ala kava neʼmo Gotitimoʼmo alagi muki naipafatiʼmo akame huʼnove.

Yasuva 14:8 ပူးပေါင်းရင်းမြစ်များ

Napa 13:31

Hapa paiʼniyaʼmonanafa Kelepiʼeʼmo magokepi uʼnaya vayaʼmogimo huʼapaeʼmo, Apakaemo lusi kava huʼa lokiya vaiʼnaya vayaʼmo maiʼnayaʼmofeʼmo aeʼa laga seʼnaya vayaʼmogeta kame huta afaʼa aeta oʼapakasegaune, huʼa huʼnae.

Napa 14:1

Inagi muki Isaleli vayaʼmogimo kage kage huʼa aviʼyaʼmo hume hume neʼvageno uno kotiʼniye.

Napa 14:24

Oʼagegayaʼmonanafa aliʼyaʼnimo neʼaliya vekamo Kelepiʼmo aeto agufa aunemeʼamo haneʼnigeno ago nakame huno hano huʼniyaʼmofeʼmo nagaemo uʼniya kotegamo avaleliʼna visugeno uno ageteno maigiye. Aginago nofi mafaʼne anagaʼmogimo ani mopamo aliteʼa maigae.

Yasuva 14:14

Kelepiʼmo Ala kava neʼmo Isaleli vayaʼmogi Gotiʼapimoʼmo alagi muki aipafatiʼmo akame huʼniyaʼmofeʼmo Hipaloni taonimo Kenisaiti nofi vayapatiʼmo Yefane mafaʼnemo Kelepiʼe aginago vayaʼmogiʼeʼmo taoniʼapimo haneme haneme eno hemenimo afaʼa haneʼniye.

Leveleseni 14:4

Apakaemo aʼneʼeʼmo magokepi lokaeʼa ohavaeʼnaya vayaʼmo yaveyave apaipa vayaʼageʼmo maiʼnae. Apakaemo aikeli sipisipimo haiyategamo uʼnifi akame huʼa neʼvae. Agaemo ma mopafi vayapatiʼmo miya faino hatu maeno apateʼniye. Yu vayaʼmogimo hoyafatiʼmo hogoteno leʼniya neʼyaʼmo aliʼa Gotiʼa amiʼnageno Gotiʼa neʼyaʼmo haneʼniya kava huʼa apakaemo Gotiʼe aikeli sipisipi vekaʼeʼmo vayaʼanimo maiʼnae.