Yasuva 13:13 - The Keyagana NT and 25 OT books

¹³ Huʼniyaʼmonanafa Isaleli vayaʼmogimo Gesuli vayaʼe Makati vayaʼeʼmo hapa faiʼa oʼapataleʼnae. Apakaemo Isaleli vayaʼeʼmo magokepiʼmo lokaeʼa maime maime eʼa hemeniʼeʼmo maiʼnae.

Yasuva 13:13 ပူးပေါင်းရင်းမြစ်များ

Aepa Gemae 35:22

Isaleliʼa ani koteʼmo maigenoʼaeʼmo mafaʼneʼamo Lumeniʼmo afoʼamo napa tu aʼmo Milihaʼeʼmo magokepi lokaeʼana havaeʼnaʼa kavafeʼmo Isaleliʼmo ava gemo afiʼniye. Yekopu mafaʼne anagaʼamo tuolofuʼa ve mafaʼne anagaʼmo maiʼnae.

Yasuva 12:5

Agaemo yagaiʼniya koʼamo Hemani ave haopalegagi Salika taonifinagi muki Mesani haopalega koʼmoʼa hanelinuno Gesu vayaʼmogi hakutenagi Maka hakutenagi Giliyati koʼmo magokayaga haopaʼalegagi huno yagaiʼniya kotetiʼmo hanelinuno kini vekamo Saihoniʼmo Hesimoni taonifiʼmo maiʼniya kini vekamoʼmo neʼyagaiya kotega hakuteʼmo uʼniye.

Yasuva 13:11

Giliyati kotega mopagi muki Gesu nofi vayaʼmogi mopagi muki Maka nofi vayaʼmogi mopagi muki Hemoni avemo haopalega muki Mesani kotetiʼmo hanelino Salaka taonileʼmo uʼniya mopagi huʼa aliʼnae.

Yasuva 13:12

Moseseʼmo muki alopa yatala vayaʼeʼmo kamemo huno ago aeno apaka seʼniye. Mago afaʼa maiʼnaya vayapatiʼmo kini vekamo Agaʼmo alopa yatala vekamoʼmo Asataloti taonifinagi Eʼnaleyi taonifinagi muki Mesani kotegagi huno muki yagaiʼniya koʼamo aliʼniye.

Yasuva 13:14

Moseseʼmo muki Isaleli nofi vayaʼamo mopamo apamiʼniyaʼmonanafa Livai nofi vayaʼmo mago mopamo oʼapamiʼniye. Ala kava neʼmo Isaleli vayaʼmogi Gotiʼapimoʼmo hunoʼaeʼmo, Livai nofi vayaʼmogimo mopamo oʼaligayaʼmonanafa Isaleli vayaʼmogi atafi kaeʼa neʼnamiya ofalinimo alisageno hetamaʼapimo hanegaiye, huno hapa paiʼniye.

1 Samiyo 27:8

Ani afinaʼmo Neviniʼe vayaʼaʼeʼmo uʼa Gesu vayanagi Gaya vayanagi Emaleki vayaʼenagi huʼa kamemo huʼnae. Ani nofi vayaʼmogimo akeyaʼvilagamo ani mopaleʼmo maiʼnae. Apakae mopamo Su kotegamo hanege hulinuno Isipi hakuteʼmo avaʼyi huʼniye.