Yasuva 12:7 - The Keyagana NT and 25 OT books

⁷ Yasuvaʼe Isaleli vayaʼmogiʼeʼmo muki Yoneni aniʼmo magayagamo yegemo uno lamino nefaleya haopalegamo maiʼnaya kini vayaʼeʼmo kame huteʼa huʼa aeʼa apaka seʼnaya kini vayaʼmogi koʼmo haneʼniye Lemanoni kagoʼmu kotega Mali Gati taoniletiʼmo aepa faiʼa kame huteʼa huʼa aeʼa apaka seteʼa uʼa Halaki avemo haopaleʼe Siya avemo haopaleʼeʼmo haneʼniya kotegamo kame huteʼa huʼa aeʼa apaka seʼa aliʼnae Yasuvaʼa ani kotega mopamo muki Isaleli nofi vayapiʼmo afamo anaga vayaʼaitefeʼmo fako huno apamiʼniye.

Yasuva 12:7 ပူးပေါင်းရင်းမြစ်များ

Aepa Gemae 32:3

Yekopuʼa mago apa vayaʼmo alino apateʼnigeʼa Siya kotega Itomi nofi vayaʼai mopalegamo Yekopu nepuʼamoʼmo Isotegamo uʼa hogoteʼnae.

Aepa Gemae 36:20

Siyaʼa Holi nofi vekamo ani Iʼnomi kotegamo maiʼnenoʼaeʼmo alino apateʼniya mafaʼne anagaʼmogi apakiʼapimo Lotaniʼagi Somaliʼagi Yimiyoniʼagi Anaʼagi Nisoniʼagi Esaʼagi Nisaniʼagi huno alino apateʼniye. Mani mafaʼne anagaʼmo Siya mafaʼne anagaʼmo maiʼneʼa Holi nofi vayaʼaiteʼmo yahauve vayaʼmo maiteʼa yagaiʼa apateʼnae.

Samu 135:11

Emo vayaʼai kini vekamo Saihoʼmo amagige Mesani vayaʼai kini vekamo Agaʼmo amagige muki Kenani vayaʼai kini vayaʼapimo apamagige huno kamitimo apamagiʼniye.

Yasuva 11:17

Ani mopamo hakuʼmo Halaki avemo hoga haopalegamo Itomi koʼmo haopaletiʼmo aepa faiteno hanelinuno Lemanoni kagoʼmuleʼmo Meli Gati taonimo haopalegaʼe Hemoni avemo lamaga haopalegaʼeʼmo haneʼniye. Yasuvaʼa ani kote kini vayaʼeʼmo yatala afinaʼmo kame huteno mukiʼamo apatafauno kamitimo hapaeʼnigeʼa faliʼnae.

Yasuva 11:23

Inagi Yasuvaʼa muki ani haopalega mopamo Ala kava neʼmoʼa Mosesefeʼmo ani kavaʼmo hiyo, huno ha paiʼniya agufa kavaʼmo huno aliʼniye. Yasuvaʼa Isaleli vayaʼmogi mopamo hanesiyafeʼmo ani mopamo alino fako huno muki Isaleli nofi vayaʼmo magoke magoke huno apamiʼniye. Inagi Isaleli vayaʼmo magoʼe huʼa kamemo osuʼa maiʼa haga leʼnae.

Yasuva 3:17

Mono huʼa neʼapataya vayaʼmo Ala kava neʼmo kotalake kesiʼamo kofiliʼa uʼnagenoʼaeʼmo Yoneni aniʼmo folagapiʼmo mopamo hau huʼniya yateʼmo he tiʼa maite maite huliʼa neʼvageʼapaeʼmo muki Isaleli vayaʼmogi Yoneni aniʼmo lakaeʼnae.

Yasuva 9:1

Muki kini vayaʼmo Yoneni aniʼmo magayaga yegemo uno lamino nefaleya haopalega maiʼnaya kini vayaʼmogimo Isaleli vayaʼmogi huʼnaya kavafeʼmo apava gemo afiʼnae. Ani kini vayaʼmo Hiti kini vayanagi Emo kini vayanagi Kenani kini vayanagi Pelesi kini vayanagi Haivi kini vayanagi Yemusi kini vayanagi huʼa alopa Metaleniyani solovala aniʼmo haopaletiʼmo uno Lemanoni mopamo hakuteʼmo utegeʼa maiʼnae. Ave kotega maige otu kotemo maige alopa solovala ani haigifiʼmo maige huʼnaya kini vayaʼmogiʼeʼmo apava gemo afiʼnae.