Yasuva 12:1 - The Keyagana NT and 25 OT books

¹ Isaleli vayaʼmogimo kini vayaʼeʼmo kame huteʼa huʼa aeʼa apaka seteʼa mopaʼapimo aliʼnae. Aliʼnaya mopamo haneʼniyana Yoneni aniʼmo mugagayaga yegemo haine neʼeya haopalega koʼmo aliʼnae. Ani aliʼnaya mopamo hakuʼapimo Anoni aniʼmo kagoʼmu kotetiʼmo aepa faiteno hanelinuno Yoneni aniʼmo kagoʼmu kotetiʼmo hanelino Hemoni aveleʼmo uʼniye.

Yasuva 12:1 ပူးပေါင်းရင်းမြစ်များ

Samu 133:3

Alagepa huʼa magokepi lokaeʼa neʼmaiya kavaʼmoʼa netepiʼmo Hemoni aveleʼe Saiyoni aveleʼeʼmo kahauleʼmo lao yaʼmo emineno nehaneya lao yakana huno haneʼniye. Gotiʼa magoke apaipa apakesamo aliteʼa alagepa huʼa magokepi lokaeʼa neʼmaiya vayaʼmo alino auleno apateʼniyanageʼa alagepa huʼa maige maige huʼa maigae.

Samu 136:21

Agaemo ani kini vayaʼai mopamo afole aisaya vayaʼaitefeʼmo vayaʼamo alino apamiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 89:12

Aluga aluga haopalegaʼeʼmo alo huʼnane. Alopa avemo Tamo aveʼmoʼe alopa Hemoni avemoʼeʼmo kagikalefeʼmo anamogaga neʼaiʼae.

Yasuva 1:15

Lapakaemo hapa maeme hapa maeme neʼvisagenoʼaeʼmo Ala kava neʼmoʼa lapa maeʼnigetapa maitapa haga leʼnaya kava huno Ala kava neʼmoʼa konagatapimogimo mopamo apamisigeʼa maiʼa haga legae. Inagi ataginetapa eta Ala kava neʼmo aliʼyaʼamo neʼaliya vekamo Moseseʼmo Yoneni aniʼmo magayaga faliga yegemo haine neʼeya haopalegamo lapamiʼniya mopaleʼmo maiʼnetapa lapamogaga aigae.

Yasuva 11:17

Ani mopamo hakuʼmo Halaki avemo hoga haopalegamo Itomi koʼmo haopaletiʼmo aepa faiteno hanelinuno Lemanoni kagoʼmuleʼmo Meli Gati taonimo haopalegaʼe Hemoni avemo lamaga haopalegaʼeʼmo haneʼniye. Yasuvaʼa ani kote kini vayaʼeʼmo yatala afinaʼmo kame huteno mukiʼamo apatafauno kamitimo hapaeʼnigeʼa faliʼnae.

Yasuva 11:3

Agaemo magoʼe huno ge huno atalegeno Kenani vayaʼmo Yoneni aniʼmo magayaga maiʼnaya vayaʼe mugagayaga maiʼnaya vayaʼaitegaʼeʼmo uge ave kotegamo maiʼnaya nofi vayaʼmo Emo vayaʼaitegagi Pelesi vayaʼaitegagi Yemusi vayaʼaitegagi huno uge huʼniye. Agaemo mago gemo huno atalegeno Haivi vayaʼmo Hemoni avemo haopaleʼmo Misipa koteʼmo maiʼnaya vayaʼaitegamo uʼniye.

Yasuva 13:8

Moseseʼmo Ala kava neʼmo aliʼyaʼamo neʼaliya vekamoʼmo ago apamiʼnigeʼa Lumeni nofi vayanagi Gati nofi vayanagi Manasa nofi vayapati magokayaga Manasa vayanagi huʼa yegemo haine neʼeya haopalega Yoneni aniʼmo mugagayaga faliga mopamo mopaʼapimo hanesiyafeʼmo aliʼnae.

Yasuva 22:4

Hemenimo Ala kava neʼmo Gotitapimoʼmo polomasi gemo huʼniya agufa kavaʼmo huno konagatapimogimo alagepa afinaʼmo apamiʼnigeʼa kame osuʼa afaʼa maiʼa haga leʼnae. Inagi lapakaemo Ala kava neʼmo aliʼyaʼamo neʼaliya vekamo Moseseʼmo Yoneni aniʼmo mugagayaga faliga lapamiʼniya mopaleʼmo seli notapilegamo halate atagi netapa viyo.