Yasuva 11:6 - The Keyagana NT and 25 OT books

⁶ Inagi Ala kava neʼmoʼa Yasuvafeʼmo ha painoʼaeʼmo, Kagaemo apakaefeʼmo koliʼapimo osuvo. Inagi egamo mani agufa kanaleʼmo nagaemo Isaleli vayaʼmo hapa maesugeʼa muki kame vayaʼapimo kamitimo hapaesageʼa faligae. Lapakaemo hosi anagaʼapimogi apaiyamo apakanunaʼmo hatagauteʼa talalaʼapimo ata kaeʼa atalegae.

Yasuva 11:6 ပူးပေါင်းရင်းမြစ်များ

2 Kini 6:16

Ilaisaʼmo geʼaleʼmo aeno atagaina huno ha painoʼaeʼmo, Koli osuvo. Apakaemo asole ati vayaʼmo maiʼnayaʼmonanafa lagaemo magoʼe huʼa asole vayatimo maiʼnae, huno huteno.

2 Sitoli 20:16

Egamo kame vayaʼmo lapakaeʼeʼmo kamemo hisayafeʼmo Sisi avele kateʼmo eʼa hai egae. Lapakaemo uta lamiyo. Lamitapaeʼmo yegemo haine neʼeya haopalega Yeluveli kaʼme koʼmo atupaleʼmo apakegae.

Samu 46:10

Gotiʼa hunoʼaeʼmo, muki kavaʼamo ataletapa afaʼa maiʼnetapaeʼmo, Gotigamo maiʼnane, hutapa nageyo, huno nehiye. Nagaemo muki alu nofi vaya alu nofi vayaʼaitegatiʼmo ala nagiʼnimo aliguve. Muki ma mopafiʼmo maiʼnaya vayaʼaitegatiʼmo ala nagiʼnimo aliguve, huno huʼniye.

Samu 46:11

Ala kava neʼmoʼa asole vayaʼaiteʼmo yagaino neʼapateya vekamoʼmo lagaeʼeʼmo magokepi lokaeno maiʼniye. Yekopu Gotiʼamoʼmo afaʼa uta fala kita neʼmauna kotigana huno maiʼniye.

Samu 46:9

Agaemo muki ma mopafiʼmo kamemo nehaya kavaʼmo alino hano huno neʼatale. Agaemo ati keveʼapimo alino lo aeno ataleteno alini uʼa kame nehaya talalaʼapimo alino atafiʼmo nekae.

Mai'naya kavane 20:7

Fatago vayaʼmogimo fatago kavaʼmo nehageʼapaeʼmo mafaʼne anagaʼapimogi aulena vayaʼmo maiʼnae.

Neyomi 2:13

Ala kava neʼmo muki lokiyaʼamo haneʼniya vekamoʼmo Niniva vayaʼaifeʼmo ina ge huno hapa painoʼaeʼmo, Nagaemo kame vekatapimo maiʼnove. Nagaemo muki lapakae talalamo kaeʼna atalege laiyoni aikeli anagatapimo naipeletiʼmo apaige huguve. Nagaemo lapakaeʼeʼmo kame huteʼa alu vayaʼmogimo eʼa muki yatapimo aliʼnaya yaʼmo aliguve. Lapakaemo alu kotega vayaʼmo alita apatesageʼa getapimo aliniʼa visaya vayaʼmogi gemo oʼafigae, huno hapa paiʼniye.

Yasuva 10:8

Inagi Ala kava neʼmoʼa Yasuvafeʼmo ha painoʼaeʼmo, Nagaemo apakaemo ago apavaleʼna kayapiʼmo kamiʼnovaʼmofeʼmo apakaefeʼmo koliʼapimo osuvo. Magoke vekamoʼmo kaulagaleʼmo afaʼa he tino oʼmaisigeka mukiʼamo kame huka aeka apaka segane, huno ha paiʼniye.

Yasuva 11:5

Apakaemo ani kini vayaʼmogimo muki ati vayaʼapimo apavaleliʼeʼa Melomi aniʼmo haopaleʼmo aliʼa anupa huteʼa Isaleli vayaʼeʼmo kamemo hisayafeʼmo seli noʼapimo aliʼa he tiʼa ateʼnae.

Yasuva 11:7

Apakaemo kame vayaʼapimogiʼeʼmo kamemo hisayafeʼmo alo osuʼa fikumo maiʼnayaʼaeʼmo Yasuvaʼe muki ati vayaʼaʼeʼmo malage huʼa Melomi anitegamo uʼa kamemo aliʼa he tiʼa ateʼa hapaeʼnae.

Yasuva 11:9

Yasuvaʼa Ala kava neʼmoʼa hapaiʼniya agufa kavaʼmo huno hosi anagaʼapimogi apaiyamo apakanunaʼmo hatagauteno talalaʼapimo ata kaeno ataleʼniye.

Yasuva 3:5

Yasuvaʼa muki vayaʼaifeʼmo ina ge huno hapa paiʼniye. Egamo Ala kava neʼmoʼa alopa aune kavaʼmo oʼageʼnaya agufa aune kavaʼmo hugiyaʼmofeʼmo hemenimo lapakaitapimo alita lapaoteʼmo lapateyo, huno hapa paiteno

1 Samiyo 11:9

Apakaemo eʼnaya vayaʼaifeʼmo hapa paiʼapaeʼmo, Lapakaemo uta Yemesi-Giliyati vayaʼaifeʼmo hapa paitapaeʼmo, Lagaemo egamo yegemo haine neʼesigetaeʼmo eta lapa maegune, huʼa hae, hutapa hapa paiyo. Inagi ani eʼnaya vayaʼmogimo uʼa Yemesi-Giliyati vayaʼaifeʼmo ani huʼnaya gemo hapa paiʼnae. Apakaemo afiteʼapaeʼmo apamogaga aiʼnae.