Yasuva 11:17 - The Keyagana NT and 25 OT books

^17-18 Ani mopamo hakuʼmo Halaki avemo hoga haopalegamo Itomi koʼmo haopaletiʼmo aepa faiteno hanelinuno Lemanoni kagoʼmuleʼmo Meli Gati taonimo haopalegaʼe Hemoni avemo lamaga haopalegaʼeʼmo haneʼniye. Yasuvaʼa ani kote kini vayaʼeʼmo yatala afinaʼmo kame huteno mukiʼamo apatafauno kamitimo hapaeʼnigeʼa faliʼnae.

Yasuva 11:17 ပူးပေါင်းရင်းမြစ်များ

Aepa Gemae 32:3

Yekopuʼa mago apa vayaʼmo alino apateʼnigeʼa Siya kotega Itomi nofi vayaʼai mopalegamo Yekopu nepuʼamoʼmo Isotegamo uʼa hogoteʼnae.

Samu 89:12

Aluga aluga haopalegaʼeʼmo alo huʼnane. Alopa avemo Tamo aveʼmoʼe alopa Hemoni avemoʼeʼmo kagikalefeʼmo anamogaga neʼaiʼae.

Yasuva 1:4

Ani alisaya mopamo hakuʼmo ina kava huno haneʼniye. Kaʼme kotega Lemanoni aveletiʼmo aepa faiteno hanelino alopa aniʼmo Yufaletisi anitegamo ugiye. Hiti vayaʼmogi mopamo muki mopaʼaʼapimo aligae. Yegemo uno lamino nefaleya haopalegamo uteno alopa Metaleniyani solovalategamo ugiye.

Yasuva 11:3

Agaemo magoʼe huno ge huno atalegeno Kenani vayaʼmo Yoneni aniʼmo magayaga maiʼnaya vayaʼe mugagayaga maiʼnaya vayaʼaitegaʼeʼmo uge ave kotegamo maiʼnaya nofi vayaʼmo Emo vayaʼaitegagi Pelesi vayaʼaitegagi Yemusi vayaʼaitegagi huno uge huʼniye. Agaemo mago gemo huno atalegeno Haivi vayaʼmo Hemoni avemo haopaleʼmo Misipa koteʼmo maiʼnaya vayaʼaitegamo uʼniye.

Yasuva 13:5

Lapakaemo Gemali vayaʼmogi mopagi muki Lemanoni haopalega mopamo yegemo haine neʼeya haopalegatiʼmo aepa faiteno hanelino Meli Gati taonimo Hemoni avemo haopaletiʼmo hanelinuno Hamati taonimo ka avayaleʼmo haneʼniya mopagi hutapa oʼaliʼnae.