Yasuva 11:12 - The Keyagana NT and 25 OT books

¹² Yasuvaʼa muki kini vayaʼamo apatafauteno muki taoniʼapimo aliʼniye. Yasuvaʼa Moseseʼmo Ala kava neʼmo aliʼyaʼamo neʼaliya vekamoʼmo hiyo, huno huʼniya agufa kavaʼmo huno muki vayaʼmo kamitimo hapaeʼnigeʼa faliʼnae.

Yasuva 11:12 ပူးပေါင်းရင်းမြစ်များ

Yasuva 10:20

Yasuvaʼe Isaleli vayaʼeʼmo uʼa kame vayaʼapimo apavegala aeʼa hapaeʼa hano nehageʼapaeʼmo mago vayaʼamo apaune heʼa uʼa lokiya yafa kegiʼyamo haneʼniya taoniʼapifi taoniʼapifiʼmo uʼa haiʼa maiʼnae.

Yasuva 10:28

Ani afinaʼmo Yasuvaʼa kame huteno Makena taonimo aliteno kini vekaʼe muki ani taonifiʼmo maiʼnaya vayaʼeʼmo kamitimo hapaeʼnigeʼa faliʼnae. Magoke vekamo alagi afaʼa oʼmaiʼniye. Agaemo Yeliko taonifi kini vekalegamo huʼniya agufa kavaʼmo huno Makena kini vekalegamo huʼniye.

Yasuva 10:30

Ala kava neʼmoʼa apavalelineno Isaleli vayaʼmogi apayapiʼmo apateʼnigeʼa muki taonifiʼmo maiʼnaya vayaʼmo kamitimo hapaeʼnageno magoke vekamo alagi afaʼa oʼmaiʼniye. Apakaemo Yeliko taonifi kini vekalegamo huʼnaya agufa kavaʼmo huʼa Lipana kini vekalegamo huʼnae.

Yasuva 10:32

Ala kava neʼmoʼa apavalelineno Isaleli vayaʼmogi apayapiʼmo apateʼnigeʼa lole afinaʼmo kame huteʼa huʼa aeʼa apaka seʼa muki vayaʼmo kamiti hapaeʼnae. Lipana taonifiʼmo huʼnaya agufa kavaʼmo huʼa Lekisi taonifiʼeʼmo huʼnae.

Yasuva 10:35

Magoke afinaʼmo kame huteʼa taonimo aliteʼa muki taonifiʼmo maiʼnaya vayaʼmo hapaeʼa hano huʼa apataleʼnae. Lekisi kotegamo huʼnaya agufa kavaʼmo huʼa Eloni taonifiʼmo huʼnae.

Yasuva 10:37

Apakaemo taonimo aliteʼa muki Hipaloni taonifiʼmo maiʼnaya vayaʼmo hapaeʼa hano huʼa apataleʼnae. Magoke vekamo afaʼa oʼateʼnageʼapaeʼmo mukiʼamo faliʼnae. Eloni taonifiʼmo huʼnaya agufa kavaʼmo huʼnae.

Yasuva 11:13

Apakaemo Haso taonimo ata kaeʼa ataleʼnayaʼmonanafa alu taonimo kaeʼa ataleʼnaya noʼatufafiʼmo kiʼnaya taonimo kaeʼa oʼataleʼnae.

Yasuva 11:15

Hogoteno Ala kava neʼmoʼa aliʼyaʼamo neʼaliya vekamo Mosesefeʼmo ani gemo ha paiʼnigeno Moseseʼmo Yasuvafeʼmo ani gegeʼmo ha paiʼnigeno Yasuvaʼa ani gemo akame huʼniye. Ala kava neʼmoʼa Mosesefeʼmo, huvo, huno ha paiʼnigeno muki ani gemo alagi akame huno huʼniye.

Yasuva 13:6

Nagaemo muki aveʼaleʼmo Lemanoni aveletiʼmo maili uʼa aise aniʼmo Misalefoti haopalega maiʼnaya vayanagi muki Saitoni vayanagi huʼna Isaleli vayaʼmogi apaulagaleʼmo aliʼna hapa faiʼna apatalesugeka kagaemo ani mopamo mopaʼapimo hanesiyafeʼmo fako huka Isaleli vayaʼmo apamigane. Huvo, huʼna kaha paiʼnova agufa kavaʼmo huvo.

Yasuva 8:31

Moseseʼa Ala kava neʼmo aliʼyaʼamo neʼaliya vekamoʼmo Isaleli vayaʼaifeʼmo hiyo, huno hapa paiʼniya gemo Mosese keʼaepa gemo mukufiʼmo avoʼmo kae maleniya geʼamo Yasuvaʼa alagi akame huʼniye. Ani gemo haneʼniyana lapakaemo mago aeni atupaletiʼmo yafaʼmo apalo oʼatiyo. Apalo oʼatiʼnisaya yafatetiʼmo ofalini hiʼyalamuʼmo hiyo. Yasuvaʼa hu maleʼniya hiʼyalamuʼmo agotofuleʼmo atafiʼmo alagi kaeʼa asagalisaya ofalinimo huge Gotiʼa aipamo falu hisiya ofalinimo huge huʼnae.

Yasuva 8:8

Lapakaemo taonimo ago alitetapaeʼmo Ala kava neʼmoʼa lapa paiʼniya kavaʼmo hutapa atamo kaeyo. Afiyo, huʼna, hiyo, huʼna lapa paiʼnova kavaʼmo akame hutapa hiyo.

Yasuva 9:24

Apakaemo Haivi nofi vayaʼmogimo geʼaleʼmo aeʼa atagaina huʼa huʼapaeʼmo, Ala kava neʼmo Gotitapimoʼmo Moseseʼa aliʼyaʼamo neʼaliya vekaeʼmo ago ha painoʼaeʼmo, Muki mani mopaleʼmo maiʼnaya vayaʼmo alagi hapaeta hano hutapa apataleyo. Kagaemo mani mopaʼapimo alika vayakamo apamiyo, huno ha paiʼniya gemo ago afiʼnone. Afiʼnonaʼmofeʼmo lusi kava huta lapakaefeʼmo kolitapimo hutetaeʼmo ani humi lapateʼnona gemo ago huʼnone.