Yasuva 11:11 - The Keyagana NT and 25 OT books

¹¹ Isaleli vayaʼmogimo muki Haso vayaʼmo kamitimo hapaeʼnageʼa faliʼnagenoʼaeʼmo magoke vekamo afaʼa alagi oʼmaiʼniye. Apakaemo ani taonimo ata kaeʼa ataleʼnae.

Yasuva 11:11 ပူးပေါင်းရင်းမြစ်များ

Yasuva 10:40

Ani kavaʼmo huno Yasuvaʼmo muki kini vayaʼeʼmo kame huno aeno apaka seteno muki maiʼnaya mopaʼapimo aliʼniye. Ave kotega mopamo alige Negevi kotega mopamo alige Yoneni aniʼmo haopaleʼmo kagoʼmu kotega mopamo alige aise aveleʼmo kaʼme kotega mopamo alige huʼniye. Ala kava neʼmo Isaleli vayaʼmogi Gotiʼapimoʼmo huvo, huno ha paiʼniya kavaʼmo akame huno kame huteno hapaeno hano huno apataleʼniye.

Yasuva 6:21

Apakaemo muki Yeliko taonifi vayaʼmo naipeletiʼmo kamiti apaiʼnae. Apakaemo muki yaʼe vayaʼeʼmo alagi aliʼa hano huʼa ataleʼnae. Apakaemo ve anagaʼmo apaige aʼne anagaʼmo apaige neya vayaʼmo apaige kosunaʼmo apaige pulumakagi sipisipigi nokigi huʼa apaige huʼnae.

Yasuva 6:24

Apakaemo atamo kani aeʼa taoniʼapiʼe muki taoniʼapifiʼmo haneʼniya yaʼapiʼeʼmo kaeʼa ataleʼnae. Kaeʼa ataleʼnayaʼmonanafa siluvaletinagi goliletinagi haesa aeniletinagi afa aeniletinagi huʼa alo huʼnaya yaʼmo aliniʼa uʼa Ala kava neʼmo monimo neʼmalaya nopiʼmo maleʼnae.