Yasuva 10:2 - The Keyagana NT and 25 OT books

² Gimiyoni taonimoʼmo alu taonifiʼmo maiʼnaya kini vayaʼe taoniʼeʼmo magoke aiyaya huno alopa taonimogeno Ai taonimo ago aeno aga seʼnigeʼa muki Gimiyoni vayaʼmogi kame hisayafeʼmo lokiya vayaʼageʼmo maiʼnayaʼmofeʼmo Yulusalemu taonifi vayaʼmogimo lusi kava huʼa koliʼapimo huʼnae.

Yasuva 10:2 ပူးပေါင်းရင်းမြစ်များ

Mai'naya kavane 10:24

Hosu vayaʼmogi koli nehaya kavaʼmo apakaeteʼmo afole aigiyaʼmonanafa fatago vayaʼmogi afole aisiyafeʼmo nehapaiya kavaʼmo aligae.

Himulu 10:27

Ohaneʼniyaʼmofeʼmo Gotiʼa agoti huno latesiya kavafekeʼmo koli huta agava maisuna kavaʼmo haneʼniye. Aipamo leno neʼapateyanageno kame vayaʼamo atamoʼmo leno pasaga ligiye.

Himulu 10:31

Gotiʼa afaʼa neʼmaiya vekamo maiʼniyaʼmofeʼmo ayapiʼmo apatafauno maiʼnisiya vayaʼmogimo lusi kava huʼa koli hugae.

Yasuva 2:24

Anakaemo huʼanaeʼmo, Alagi lama gemo haneʼniyana Ala kava neʼmoʼa muki ani kotega mopamo ago alino layapiʼmo maleʼniye. Muki vayaʼamogimo lagaefeʼmo koli nehaya kavaʼmo apaipafiʼmo afole aiʼnigeno kame hisaya lokiyaʼapimo alagi ago hano huʼniye, huʼana ha paiʼnaʼae.

Yasuva 9:24

Apakaemo Haivi nofi vayaʼmogimo geʼaleʼmo aeʼa atagaina huʼa huʼapaeʼmo, Ala kava neʼmo Gotitapimoʼmo Moseseʼa aliʼyaʼamo neʼaliya vekaeʼmo ago ha painoʼaeʼmo, Muki mani mopaleʼmo maiʼnaya vayaʼmo alagi hapaeta hano hutapa apataleyo. Kagaemo mani mopaʼapimo alika vayakamo apamiyo, huno ha paiʼniya gemo ago afiʼnone. Afiʼnonaʼmofeʼmo lusi kava huta lapakaefeʼmo kolitapimo hutetaeʼmo ani humi lapateʼnona gemo ago huʼnone.

Yasuva 9:3

Maiʼnayaʼmonanafa Haivi nofi vayaʼmo Gimiyoni taonifiʼmo maiʼnaya vayaʼmogimo Yasuvaʼa Yeliko vayaʼaitegaʼe Ai vayaʼaitegaʼeʼmo huʼniya kavafeʼmo ava gemo afiteʼapaeʼmo

1 Samiyo 27:5

Inagi Neviniʼmo Akisifeʼmo ha painoʼaeʼmo, Kagaemo nao vekamo maiʼnisanaʼmoʼmo afaʼa natalegeʼna mago taonifilagamo uʼna maiguve. Fiku yanageʼna aliʼyakamo neʼaluva vekamoʼna kini vayaʼai taonifiʼmo kagaeʼeʼmo lokaeʼna maiguve, huno ha paiʼnigeno.