Yasuva 10:10 - The Keyagana NT and 25 OT books

¹⁰ Ani kavatefeʼmo Ala kava neʼmoʼa Emo vayaʼmo koli yaʼmo alino apamiteno apaipa apakesamo alino hosu huno ataleʼniyaʼmofeʼmo Isaleli vayaʼmogimo asole Emo vayaʼmo Gimiyoni taonifiʼmo kamitimo hapaeteʼa Gimiyoni kotegatiʼmo apavegala aeliʼa uʼnageʼa apaune heʼa Metiholoni taoni haopalega avele kateʼmo uʼa lamiʼa neʼvageʼapaeʼmo Isaleli vayaʼmogi Emo vayaʼmo kamitimo hapaeme hapaeme uʼnageʼa Ayika taonifiʼe Makiʼna taonifiʼeʼmo uʼa avaʼyi huʼnae.

Yasuva 10:10 ပူးပေါင်းရင်းမြစ်များ

Samu 18:14

Agaemo keveʼaletiʼmo kame vayaʼamo hapaeno hapafaino apataleʼniye. Alino alave huʼniya yaʼamoʼmo hapaeʼnigeʼa ika ika huteʼa apaune heʼnae.

Samu 68:14

Ayamufaʼage Gotiʼa kini vayaʼmogi alino hapa faino apataleʼnigeʼa uʼeʼa huʼnageno Salimoni aveleʼmo koʼmopa koʼmo ailino emineʼniye.

Samu 78:55

Agaemo alu nofi vaya alu nofi vayaʼmo ago alino hapa faino apataleteno mopaʼapimo alino apamiteno seli noʼapifiʼmo apateʼnigeʼa maiʼnae.

Yasuva 10:11

Isaleli vayaʼmogi Emo vayaʼmo apavegala aeliʼa Meti Holoni taonifiʼmo uʼa nelamiya kateʼmo uʼa lamiteʼapaeʼmo apaune heʼa neʼvagenoʼaeʼmo Ala kava neʼmoʼa yafakana agufa koʼmopamo alino atalegeno emineno ani koʼmopa koʼmoʼmo apamagime apamagime uʼnigeʼapaeʼmo uʼa Ayika taonifiʼmo avaʼyi huʼnae. Koʼmopa koʼmoʼmo apamagiʼnigeʼa faliʼnaya vayaʼmogi napamoʼmo Isaleli vayaʼmogi hapaeʼnaya vayaʼmogi napamo ago aeno aga seʼniye.

Yasuva 10:28

Ani afinaʼmo Yasuvaʼa kame huteno Makena taonimo aliteno kini vekaʼe muki ani taonifiʼmo maiʼnaya vayaʼeʼmo kamitimo hapaeʼnigeʼa faliʼnae. Magoke vekamo alagi afaʼa oʼmaiʼniye. Agaemo Yeliko taonifi kini vekalegamo huʼniya agufa kavaʼmo huno Makena kini vekalegamo huʼniye.

Yasuva 10:9

Yasuvaʼe ami vayaʼaʼeʼmo mukiʼamogi haniʼilagamo uʼnayaʼmofeʼmo Emo nofi vayaʼaitegamo malage huʼa uʼa avaʼyi huteʼa kame huʼnae.

Yasuva 11:8

Ala kava neʼmoʼa Isaleli vayaʼmo hapa maeʼnigeʼa kame vayaʼapiʼeʼmo kamemo huteʼa huʼa aeʼa apaka seʼnae. Isaleli vayaʼmogimo kame vayaʼapimo apavegala aeʼa hapafaiʼa hapaeliʼa lamaga haopalega Misalefoti Maimi taonifilagamo uge Saitoni taonifilagamo uge yegemo haine neʼeya haopalega Misipa kagoʼmu kotegamo uge huʼnae. Apakaemo kame vayaʼapimo hapafaiʼa hapaeliʼuʼa muki vayaʼamo alagi hapaeʼa hano huʼa apataleʼnae.

Yasuva 16:3

Ani taoniletiʼmo hakuʼmo hanelinuno lamino yegemo uno nelamiya haopalegatiʼmo uno Yafala vayaʼmo maiʼnaya haopalegamo hakuteʼmo afelaga Meti Holoni taonifiʼmo uno lamiteno hakuʼmo hanelino Giya taonifiʼmo uteno alopa Metaleniyani solovala aniteʼmo uno hano huʼniye.

Yasuva 16:5

Ifalemi afamo anagaʼmogi mopamo ina kava huno haneʼniye. Mopaʼapimo hakuʼmo yegemo haine neʼeya haopalega Ataloti Ana taoniletiʼmo aepa faiteno hanelino anaga Meti Holoni taonileʼmo uʼniye.

1 Samiyo 13:18

Mago aluʼmo Meti Holoni taonifiʼmo uʼniya kateʼmo uge mago aluʼmo mopamo hakuteʼmo uʼniya kateʼmo uge huʼnae. Mopamo hakuteʼmo maisiya vekamoʼa Semovimi kagoʼmumo kaʼme kotegamo afaʼa agegaiye.

1 Samiyo 17:1

Filisatini ami vayaʼmogimo kame hisayafeʼmo eʼa Soko taonimo mago Yuta vayaʼai taonifiʼmo aliʼa anupa huteʼa Ifesi-Namimi koteʼmo Soko taoniʼe Aseka taoniʼeʼmo hanetegeno folagapiʼmo seli noʼapimo aliʼa he tiʼa ateʼnae.