Yasuva 1:5 - The Keyagana NT and 25 OT books

⁵ Yasuvao, huno, Ma mopafiʼmo maiʼnekaeʼmo muki vayaʼeʼmo kame hisanana huka aeka apakasegane. Nagaemo Moseseʼeʼmo magokepi lokaeʼna maiʼnova kava huʼna kagaeʼeʼmo magokepi lokaeʼna maiguve. Nagaemo alagi kataleʼna oʼuguve, huno ha paiʼniye.

Yasuva 1:5 ပူးပေါင်းရင်းမြစ်များ

Aepa Gemae 39:2

Ala kava neʼmoʼa Yosefeʼeʼmo lokaeno maiʼniyaʼmofeʼmo Yosefeʼa muki huʼniya kavaʼamo alagepa kavaʼageʼmo afole aiʼniye. Aliʼyaʼmo afoʼamoʼmo Isipi nofi vekamo nopiʼmo maiʼniye.

Samu 46:11

Ala kava neʼmoʼa asole vayaʼaiteʼmo yagaino neʼapateya vekamoʼmo lagaeʼeʼmo magokepi lokaeno maiʼniye. Yekopu Gotiʼamoʼmo afaʼa uta fala kita neʼmauna kotigana huno maiʼniye.

Hatu maeno apate'niya gemae 3:12

Gotiʼa ha painoʼaeʼmo, Nagaemo kagaeʼeʼmo magokepiʼmo lokaeʼna maiguve. Mago alagena kavaʼmo hisana kavaʼmo aliʼna kave liguve. Ani hisana alagena kavaʼmo haneʼniye. Isipi kotegatiʼmo apavalelika eka mani aveleʼmo nagaefeʼmo mono hugane, huno ha paiʼniye.

Aiyeya 42:16

Nagaemo apaulagamo ali huʼniya vayaʼmogi uʼeʼa nosaya kateʼmo apavaleliʼna egauve. Oʼageʼnaya kateʼmo apavaleliʼna uguve. Nagaemo hani yaʼmo aliʼna ataleteʼna hale yaʼmo apamisugeʼa hale yategamo umenitata hugae. Kayagi kayaga kaʼapimo aliʼna api aiʼna kaʼmo valiguve. Nagaemo hapa maesuvafeʼmo ani kavaʼmo huteʼnaeʼmo apataleʼna oʼuguve.

Neniyo 11:16

Siliya kini vekamoʼmo agaiʼamo hauʼnisiya kavaʼmo nehisigenoʼaeʼmo mago vekamoʼmo afaʼa atafauno oʼategaiye. Agaemo ha le konali mopaleʼmo maiʼnenoʼaeʼmo alino hosu huno atesiya lokiyaʼamo aligiye.

Matiyu 28:20

Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

Lomu 8:31

Ani kavaʼmo nehiya kavatefeʼmo na agufa gemo hugune. Gotiʼa lagaekeʼmo laha neʼmaeyaʼmofeʼmo haiya vayaʼmogimo lagaefeʼmo kame huʼa lategae.

Lomu 8:37

Muki ani agufa kavaʼmo lagaetegamo afole neʼaiyaʼmonanafa lagaefeʼmo hau ayamopafiʼmo nehaiya vekaletiʼmo hemenimo magoʼe huta kame huta aeta agaseta alagepa huta neʼmaune.

2 Timoti 4:17

Nataleʼa uʼnayaʼmonanafa Ala kava neʼmoʼa nagae nahaopaleʼmo lokaeno maiʼnenoʼaeʼmo muki geʼamo aeʼna hakalo huʼna hano hisugeʼapaeʼmo muki alu nofi vayaʼmogimo alagepa faigoko geʼamo afisayafeʼmo lokiya vaino nateʼniye. Laiyonimoʼa nahaesiyafeʼmo nehigenoʼaeʼmo Gotiʼa nagufamo alino katino nateʼniye.

Himulu 13:5

Lapaʼye osino. Aliʼnaya yafekeʼmo hutapaeʼmo, alagi haiʼmo aliʼnone, hutapa lapakesamo afitetapa lapaipamoʼmo falu hino. Na kava higetapaene. Agaiʼamo hunoʼaeʼmo, muki afinaʼmo olapataleʼna lapakaeʼeʼmo magokepi lokaeʼna maige maige huʼna maiʼneʼna lapa maegauve, huno huʼniyaʼmofeʼmae.

Yasuva 1:17

Lagaemo muki kavatefeʼmo Mosese geʼamo akame huʼnona agufa kavaʼmo huta kagae gemo akame hugune. Hugunaʼmonanafa Ala kava neʼmo Gotikamoʼmo Moseseʼeʼmo magokepi lokaeno maiʼniya agufa kava huno kagaeʼeʼmo magokepi lokaeno maino.

Yasuva 1:9

Nagaemo kagaefeʼmo ago kaha opaiʼnogekaepiye. Koli osuka he tika lokiya vaikageʼmo maiyo. Muki visana haopalegamo nagaemo Ala kava neʼmo Gotikamoʼnamo kagaeʼeʼmo magokepiʼmo lokaelitaʼa uguʼaʼmofeʼmo kamoʼyamo aiteka koli osuvo, huno ha paiʼniye.

Yasuva 10:8

Inagi Ala kava neʼmoʼa Yasuvafeʼmo ha painoʼaeʼmo, Nagaemo apakaemo ago apavaleʼna kayapiʼmo kamiʼnovaʼmofeʼmo apakaefeʼmo koliʼapimo osuvo. Magoke vekamoʼmo kaulagaleʼmo afaʼa he tino oʼmaisigeka mukiʼamo kame huka aeka apaka segane, huno ha paiʼniye.

Yasuva 3:7

Ala kava neʼmoʼa Yasuvafeʼmo ha painoʼaeʼmo, Hemenimo nagaemo aepa faiʼna Isaleli vayaʼmogimo nagaemo Moseseʼeʼmo magokepi lokaeʼna maiʼnova agufa kava huʼna kagaeʼeʼmo magokepi lokaeʼna maiʼnova kavaʼnimo agesayafeʼmo kagikaleʼmo aliʼna asaga huguve.

Yasuva 6:27

Ani kavatefeʼmo Ala kava neʼmoʼa Yasuvaʼeʼmo magokepi lokaeno maiʼnigenoʼaeʼmo muki kotegamo ala agiʼamoʼmo aino atagu faeno uneno huʼniye.

1 Samiyo 10:7

Ani alagena kavaʼmo kagaeteʼmo ago afole aitesigekaeʼmo hisana agufa kavaʼmo huvo. Gotiʼa kagaeʼeʼmo magokepi lokaeno maiʼniyaʼmofeʼmo afaʼa hugane.