Yasuva 1:18 - The Keyagana NT and 25 OT books

¹⁸ Ina lagimo muki hiyo, huka hisana gemo oʼafiʼa amagiʼa atalesagetaeʼmo kamiti apamagigune. Kagaikageʼmo lokiya vaika maiteka koli osuvo, huʼa ha paiʼnae.

Yasuva 1:18 ပူးပေါင်းရင်းမြစ်များ

Esala 10:4

He tiyo. Kagaika aliʼyakamogi he tika ani aliʼyaʼmo aliyo. Inagi lagaemo kagaeʼeʼmo magoke laipamo alita maiʼneta muki gekamo akame hugune. Koli osuka ani aliʼyaʼmo aliyo, huno ha paiʼniye.

Luki 19:27

inagi kame vayaʼnimogi agaemo yagaino latesiyafeʼmo olahauʼniye, huʼa huʼnaya vayaʼmo apavaleliteta naulagaleʼmo kamitimo apamagiyo, huno hapa paiʼniye, huno Yesuʼa hapa paiʼniye.

1 Kolitiyani 16:13

Yagaitapa maiyo. Goti vayaʼamogimo apakesamo afiʼa fatago nehaya gelefeʼmo he titapa lokiya vaitapa maiyo. Alopa vayatama vayakana hutapa lokiya vaitapa maiyo.

Efasasi 6:10

Henaga geʼnimo lapa paiʼnaeʼmo, Ala kava nepiʼmo maiʼnetapaeʼmo lapayamufa valetapa himamuʼamo alitetapa lokiya vaita maiyo.

Himulu 12:25

Inagi ehetapiye, huʼna, ge nehisigetapaeʼmo geʼamo amagita oʼataletapa geʼamo alagepa hutapa afiyo. Gotiʼa ma mopafi Sainai aveletiʼmo ge huʼnigeʼapaeʼmo geʼamo oʼafiʼa amagiʼa ataleʼnaya vayaʼmo faiʼa kasalo opaeʼnayaʼmofeʼmo kokuʼnapatiʼmo ge nehisigetaeʼmo oʼafita lakameʼyamo neʼamisunana haiya kava huta faita kasalo paegaune.

Yasuva 1:17

Lagaemo muki kavatefeʼmo Mosese geʼamo akame huʼnona agufa kavaʼmo huta kagae gemo akame hugune. Hugunaʼmonanafa Ala kava neʼmo Gotikamoʼmo Moseseʼeʼmo magokepi lokaeno maiʼniya agufa kava huno kagaeʼeʼmo magokepi lokaeno maino.

Yasuva 1:9

Nagaemo kagaefeʼmo ago kaha opaiʼnogekaepiye. Koli osuka he tika lokiya vaikageʼmo maiyo. Muki visana haopalegamo nagaemo Ala kava neʼmo Gotikamoʼnamo kagaeʼeʼmo magokepiʼmo lokaelitaʼa uguʼaʼmofeʼmo kamoʼyamo aiteka koli osuvo, huno ha paiʼniye.

Yasuva 2:1

Isaleli vayaʼmo Sitami kotegamo maiʼnagenoʼaeʼmo Nani mafaʼnemo Yasuvaʼmo lole vekalaʼanifeʼmo hana painoʼaeʼmo, Lanakaemo utana Yeliko taonifiʼe haopaleʼmo haneʼniya mopaʼeʼmo agetana alagepa hiʼao, huno hana paiteno alino anateʼnigeʼana uʼnaʼae. Uʼana mago kate a kanomo agiʼamo Lehapi noteʼmo avaʼyi huteʼana agae nopiʼmo maiʼnaʼae.

1 Samiyo 11:12

Apaune heʼnageʼapaeʼmo Isaleli vayaʼmogi Samiyofeʼmo huʼapaeʼmo, Haiya vayatimogi huʼapaeʼmo, Soloʼmo kini vekatimo oʼmaigiye, huʼa hisafigi kagaemo apavalelika eno. Kamitimo hapaegune, huʼa ha paiʼnae.