Taitasi 3:9 - The Keyagana NT and 25 OT books

⁹ Hapa maegaiyaʼmonanafa negi nagi gemo huteʼa ge neʼvaiya gemoʼagi apakinago vayaʼmogi apakiʼapilefeʼmo nehaya gemoʼagi hega neʼaya gemoʼagi keʼaepa gelefeʼmo ge neʼvaiya gemoʼagi huno hapa maeno alino alagepa huno oʼapategaiyanagi ataleka maika halove huvo.

Taitasi 3:9 ပူးပေါင်းရင်းမြစ်များ

1 Kolitiyani 13:2

Gotitegati gemo aliniʼneʼna aeʼna hakalo huge muki fala kiʼniya gemo afige muki gemo alagepa huʼna afige Gotifeʼmo magoʼe huʼna nagesamo afiʼna fatago nehuʼnaeʼmo avemo afaʼa aliʼna yaga auʼna alu yategamo atalege huʼna neʼmaisuvana nahau nayamopafiʼmo oʼnahausiyaʼmoʼmo ina agufa vekamo maiʼnove.

1 Kolitiyani 8:1

Hemenimo aigofe gotiʼapimogi afu ameʼamo ofalinimo neʼapamiya kavafeʼmo avoʼmo kaegesuve. Lapakaemo, Mukiʼamogitamo afiʼnone, hutapa nehaya gemo lama gemo nehae. Afiteʼa ageʼnaya kavaʼmoʼa ala vayaʼmo maiʼnone, huʼa nehaya agufa himuʼnamu kavaʼmo alino afole aino neʼateyaʼmonanafa hapau apayamopafiʼmo nehapaiya kavaʼmoʼa alino lokiya vaino neʼapate.

1 Timoti 4:7

Kategaiyaʼmonanafa ma mopafi gemo aote ohaneʼniya gemo anekalo aʼnemogi kaitene gemo oʼafika yokalo leʼa aeʼa apakasesayafeʼmo teleninimo nehaya kava huka Gotifeʼmo alagepa huka mono hisanafeʼmo teleninimo huvo.

2 Timoti 2:14

Ani geeʼmo muki afinaʼmo apakesamo afisayafeʼmo ani gemo hapa paiyo. Ala kava neʼmo aulagaleʼmo maiʼneʼnaeʼmo, alu ge alu geletiʼmo kaveta osiyo, huka hapa paiyo. Ani agufa gemoʼmo afisaya vayaʼmo hapa oʼmaegaifa alino hosu hunoʼageʼmo apategaiye.

2 Timoti 2:16

Aliganaʼmonanafa ma mopafi geʼe afa geʼeʼmo nehisagekaeʼmo maika halove huka apato. Ani agufa gemoʼmo hapa oʼmaesigeʼa Gotifeʼmo mono osuʼa magoʼe huʼa hosu kavaʼmo hugae.

2 Timoti 2:23

Negi maleteʼa fiku gemo huge afige huʼa neʼmaisayaʼmoʼmo ago afiʼnanana gemo vaige vaige huʼa maigayanagi maika halove huka apato.

Taitasi 1:14

Apakaemo Yu kaitene gemo oʼafige lama gemo amagiʼa neʼatalaya vayaʼmogi, ina kava hiyo, huʼa nehaya geʼapimo oʼafige hisayafeʼmo lokiya gemo huka hapa paiyo.

Yemisi 4:1

Kame huge kaveta huge nehaya kavaʼmo aepaʼaeʼmo lapa paigesuve. Lapakufamoʼmo hauʼniya kavatapimoʼa lapakufafiʼmo kamemo nehigenoʼaeʼmo kaveta nehaya kavaʼe kame hutapa neʼapataya kavaʼeʼmo afole aiye.