Taitasi 3:4 - The Keyagana NT and 25 OT books

⁴ Ani agufa kavaʼmo hume hume neʼonagenoʼaeʼmo lagufamo alino katino nelateya vekamo Gotiʼa alino ao yaʼmo huteno ma mopafi vayaʼaifeʼmo hau ayamopafiʼmo hauʼniya kavaʼamo laulagaleʼmo ago alino afole aino ateʼnigeta ageʼnone.

Taitasi 3:4 ပူးပေါင်းရင်းမြစ်များ

Luki 1:47

Nauneʼnameʼmo Gotiʼa agufamo alino katino ateʼniya vekaeʼmo amogaga neʼaiye.

Lomu 2:4

Gotiʼa kagemi yaʼagana huno maleʼniya yapatiʼmo kagaetegamo lusi alagepa kavaʼmo huteno malage huno aipamo leno okateno yatala afinaʼmo afaʼa nekateyaʼmonanafa alagepa huka kagesa oʼafiʼneka afa kavane, huka kagesamo neʼafipiye. Gotiʼa kaipamo alika afe lesanafeʼmo kagaetegamo alagepa kavaʼmo nehiye, huka oʼafiʼnapiye.

1 Timoti 1:1

Nagaemo Poloʼnamo Yesu Kalaisi apa vekaʼamo maiʼnove. Lagufamo alino katino nelateya vekamo Gotiʼe lavayagunagu huta agava neʼmauna vekatimo Ala kava neʼmo Yesu Kalaisiʼeʼmo, apa vekatiʼamo maiyo, huʼana naha paiteʼana lekana paiʼana nateʼnaʼae.

1 Timoti 2:3

Lagufamo alino katino nelateya Gotiʼa ani kavafeʼmo hauʼnigenoʼaeʼmo kanale kavaʼmo haneʼniye, huno nehiye.

1 Timoti 4:10

Ani gelefeʼmo aliʼyaʼmo neʼalune. Gotiʼa muki vayaʼmo hapa neʼmaeyaʼmonanafa apakesamo afiʼa fatago nehaya vayaʼai apakufamo alino katino apateteno hapau neʼvaiya vekaeʼmo alita amufa amiʼnonaʼmofeʼmo huʼa faipa huʼa nelatagetaeʼmo aliʼyaʼamo neʼalune.

2 Timoti 1:10

Akeyaʼvilagamo lamiʼniyaʼmonanafa Yesu Kalaisiʼa lagufamo alino katino lateteno lahau neʼvaiya vekamo afole aiʼnigenoʼaeʼmo hemenimo ani kavaʼmo laulagaleʼmo ago afole aiʼnigeta ageʼnone. Agaemo nefaluna kavaʼmo lokiyaʼamo alino hano huno ataleteno agaiʼaeʼmo alagepa faigoko geʼaletiʼmo maige maige huʼa maisaya yaʼmo alino afole aino ateʼniye.

Taitasi 1:3

Polomasi gemo huʼniyaʼmonanafa afole aigiye, huno huteno lekana pai maleʼniya afinaʼmo vayaʼmogi geʼamo aeʼa hakalo huʼa hapa paiʼnagenoʼaeʼmo afole yategamo alagi afole aiʼniye. Gotiʼa lagufamo alino katino nelateya vekamoʼmo mani gemo alino namitenoʼaeʼmo, aeka hakalo huka hapa paiyo, huno naha paiʼnigeʼna aeʼna hakalo huʼna hapa nepauve.

Himulu 9:26

Huʼniyaʼmonanafa Kalaisiʼa ani kavaʼmo osuʼnifa muki afinaʼae afinaʼaeʼmo ofalinimo amisiyafeʼmo kolaʼamo aliteno uno ohaiʼniye. Muki afinaʼae afinaʼaeʼmo agaiʼamo ofalini amisiyafeʼmo ma mopamo alo huʼniya afinatetiʼmo falite falite hume hume neʼeyesine. Huʼniyesinaʼmonanafa hemeni atupa afinaʼmo agaiʼa agufamo ofalini huteno hosu kavaʼapimo alagi alino atalesiyafeʼmo magoke afinaʼmo emineno vayaʼai apaulagaleʼmo afole aiʼniye.

1 Pita 2:3

Ala kava neʼmoʼa fikumo laha maeno nelamiya vekamo maiʼniye, hutetapa netapa afi geʼnisayaʼmoʼmo nufeʼmo lapaʼye hino.