Taitasi 3:3 - The Keyagana NT and 25 OT books

³ Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.

Taitasi 3:3 ပူးပေါင်းရင်းမြစ်များ

Aepa Gemae 38:9

Onaniʼa, aliʼna atesuva mafaʼnemo nagaiʼni mafaʼnemo oʼmaigiye, huno agesamo afiʼniyaʼmofeʼmo lokaeʼana havaeʼnaʼa afinaʼmo aniʼamo neʼegenoʼaeʼmo alino ataleʼniye. Nepuʼamo mafaʼnemo alino oʼapatesiyafeʼmo ani kavaʼmo huʼniye.

Aepa Gemae 39:16

Inagi kukenaʼamo alino maleteno anauʼamoʼmo eno agesiyafeʼmo agava maiʼniye.

Samu 36:2

Ala vayaʼmo maiʼnone, huʼa nehayaʼmofeʼmo Gotiʼa hosu kavatimo oʼagege hosu kavaʼmo nehae, huno osuge nehiye, huʼa apakesamo neʼafiye.

Mai'naya kavane 8:5

O mafaʼnegana huno apakesamo haneʼnigeʼa gemo noʼafiya vayaʼmogitapae, huʼna, alagepa kavaʼmo hisayafeʼmo lapakesa afi yaʼmo aliyo. Negi vayaʼmogitapae, huʼna, alagepa huta afisaya lapaipamo aliyo.

Mai'naya kavane 9:6

Negi nagi kavaʼmo atalegenoʼao afaʼa maisaya yaʼmo aligayanagi. Afitapa aeto hisayafeʼmo alagepa kateʼmo viyo, huno hapa paiʼniye.

Omataiya 1:3

Lapakaemo himuʼnamu kavaʼmo hutetapa lapakufamo avalelita haiʼnaya kavatapimoʼmo humi lapateʼniye. Lapakaemo alopa taonitapileʼmo lokiya yafa kegiʼyamoʼmo faino vego huno lapateʼnigetapa anaga ave koteʼmo maiʼnetapa alopa yafa kapiʼmo fala kiʼnayaʼmofeʼmo lapakaemo lapaipafiʼmo hutapaeʼmo, Ina lagimo eʼa hai eʼa lavaleliʼuʼa lamiʼa aliʼa afepiʼmo lategae, hutapa nehae.

Matiyu 21:29

oʼuguve, huno huteno henagaʼamo alu aipa agesamo afiteno uʼniye. Afoʼanimoʼmo aganaʼamofeʼmo ani agufa gemo huʼnigenoʼaeʼmo,

Luki 21:8

humi olapatesayafeʼmo ehetapiye. Alagepa huta yagaiyo. Asole vayaʼmogi eʼa nagiʼnimo aeteʼapaeʼmo, Kalaisi vekamo maiʼnove, huʼa huge, ani afinaʼmo ago afole aiʼniye, huʼa huge hisagetapaeʼmo apakame osiyo.

Yoni 8:34

alagi lama gemo lapa nepauve, huno, haiya vayaʼmogi hosu kavaʼmo nehisafigeno hosu kavaʼapimoʼa kalavusi huno apateʼnigeʼa aliʼyaʼamo neʼaliya vayaʼmo maiʼnae.

Lomu 11:30

Lapakaemo mago afinaʼmo Goti geʼamo oʼafiʼnaya kava huʼa hemenimo Yu vayaʼmogi Goti geʼamo noʼafiyaʼmofeʼmo Gotiʼa lapakaefeʼmo hau huno lapateʼniye.

Lomu 6:12

Lapakaemo ani kava hutapa neʼmaiyaʼmofeʼmo hosu kavaʼmo afaʼa ateʼnigenoʼa nefaliya lapakufaleʼmo yagaino olapateno. Fikumo yanagetapa lapakufamoʼmo hauʼniya kavaʼmo hugae.

Lomu 6:17

Hogoteno hosu kavaʼmoʼa yagaino lapateʼnigetapa kalavusi aliʼyaʼamo neʼaliya vayaʼmo maiʼnayaʼmonanafa Gotiʼa lapavalelino eno geʼamo aiyafiʼmo lapateʼnigetapa lapaipafatiʼmo geʼamo akame nehayaʼmofeʼmo Gotifeʼmo hao ke hegetao.

Lomu 6:22

Aligayaʼmonanafa Gotiʼa hosu kavapatiʼmo ago hatu maeno lapateʼnigetapa Goti kalavusi aliʼyaʼamo neʼaliya vayaʼmo hamaleʼnayaʼmofeʼmo hemenimo lapaipafatiʼmo alagepa alagamo neʼaegetapaeʼmo lapaote vayaʼmo hamaleme hamaleme neʼvayanagetapa atupa afinaʼmo alagepa hutapa maige maige huta maigae.

Lomu 6:6

Ago afiʼnonana lagufafi hosu kavatimo lokiyaʼamo hano hisigeno hosu kavaʼmoʼa yagaino lateʼnisigeta aliʼyaʼamo magoʼe huta oʼalisunafeʼmo Gotiʼa atafa vekatimo Kalaisiʼeʼmo malipu yosaleʼmo nili aiʼnigeno faliʼniye.

2 Kolitiyani 12:20

Uʼna lapakesuvana oʼnahauʼnisiya kavaʼmo hutapa maiʼnisageʼna lapakesufi huteʼna koli nehuve. Oʼnahauʼnisiya kavaʼmo nehisayana nagaeʼeʼmo olapauʼnisiya kavaʼmo lapakaetegamo huguve. Fiku yanagetapa ge vaige lapaipa kafa hapaege falo gemo huge lapaote lapaote hutapa maige huta faipa hutapa apatege sumi sumi gemo huge lapakufamo avalelitapa haige lapano aege hutapa maiʼnae.

Galesiya 6:3

Mago vekamoʼmo hunoʼaeʼmo, ala nagi vekamo maiʼnove, huno agesamo neʼafisiyana ina agufa vekamo maiʼniyaʼmofeʼmo agaiʼaekeʼmo humi neʼate.

Kolosi 1:21

Lapakaemo mago afinaʼmo Gotiʼeʼmo lokaeta oʼmaitapa lapaote maige aote maige hutapaeʼmo hosu kavaʼmo 4 huge hosu lapakesamo afige hutapa maiʼnetapaeʼmo kame vayaʼamo maiʼnayaʼmonanafa hemenimo agaiʼaʼeʼmo alino nanu aeno lapateʼniye.

Kolosi 3:7

Hogotetapa ani agufa hosu kateʼmo neʼutapaeʼmo hosu kavapiʼmo maiʼnayaʼmonanafa

2 Timoti 3:13

Inagi hosu vayaʼmogi humi apatesaya vayaʼmo magoʼe magoʼe huʼa hosu kavaʼmo huʼa humi neʼapatesagenoʼaeʼmo Sataniʼa apakaeʼeʼmo humi apategaiye.

2 Timoti 3:6

Mago ani agufa vayaʼmogimo vayaʼai nopiʼmo kesi katetiʼmo uʼa haiʼa alagepa huʼa apakesamo noʼafiya aʼne anagaʼmo geʼapiletiʼmo nofi kiʼa apategekana huʼa neʼapatae. Aʼne anagaʼmogi hosu kavaʼapimoʼmo lusi kava huno kana huʼnigeno asole yafeʼmo hapaʼye nehiya kavaʼapimoʼa aino apavayu hulino neʼviye.

Taitasi 1:16

Apakaemo apavayaletiʼmo huʼapaeʼmo, Gotiʼa ageʼnone, huʼa nehayaʼmonanafa kavaʼapiletiʼmo oʼageʼnae, huʼa nehae. Gotiʼa apakaefeʼmo ohauʼnigenoʼaeʼmo geʼamo oʼafiʼa alagi hosu kavaʼmo nehaya vayaʼmo maiʼnayaʼmofeʼmo alagi alagepa kavaʼmo afaʼa osugae, huno nehiye.

Taitasi 2:12

Gotiʼa ani kavaʼaletiʼmo hunoʼaeʼmo, mono nosaya kavatapimogi ma mopafi kavafeʼmo lapaʼye nehiya kavatapimogi hutapa alita ataletetapa hemenimo maiʼnetapaeʼmo lapauʼniya kavateʼmo yagaige vayaʼaitegamo fatago kavaʼmo huge Gotifekeʼmo mono huge hutapa maiyo, huno alino laya neʼmale.

Yemisi 1:26

Mago vekamoʼmo hunoʼaeʼmo, mono vekamo maiʼnove, huno agesamo afiʼnisiyaʼmoʼmo avayaleʼmo alagepa huno oʼyagaino hosu gemo nehisiyana mono nehiya kavaʼamo ina agufa kavaʼmo haneʼniyanageno alagi ha oʼmaegaiye. Agaiʼaeʼmo humi neʼate.

1 Pita 1:14

Lapakaemo gemo neʼafiya mafaʼnegana hutapageʼmo maiyo. Hogotetapa Goti geʼamo oʼafiʼnetapaeʼmo amega lapakufamoʼmo hauʼniya kavaʼmo akame hutapa maiʼnayaʼmonanafa hemenimo lapakaefeʼmo keya aeno ge huʼniya vekamo alagepa aote vekamo maiʼniya kava hutapa muki kavaʼamo nehutapaeʼmo alagepa lapaote vayaʼmo maiyo.

Leveleseni 12:9

Aliʼa hapa faiʼa apataleteʼa alopa nagaloʼyavemo akeyaʼvilaga maiʼniya nagaloʼyavemoʼmo aigofe geʼaletiʼmo muki ma mopafi vayaʼmo apakesamo nefaiya nagaloʼyavemo aliʼa hafaiʼa ataleʼnageno ma mopafiʼmo asagauno aiʼniye. Mago agiʼamo Nevoʼae ani agimo aepaʼamo haneʼniyana huno faipa huno neʼapateya vekamae. Mago agiʼamo Sataniʼae ani agimo aepaʼamo haneʼniyana kame vekamae. Apakaemo agaeʼe enisole vayaʼaʼeʼmo aliʼa hapafaiʼa apataleʼnageʼa ma mopafiʼmo asagauʼa aiʼnae.

Leveleseni 13:14

Gotiʼa afaʼa ateʼnigeno maiʼneno hogote afela afumo himamuʼaletiʼmo noʼagaya agufa aune kavaʼmo magoʼe kavaʼmo huʼniyaʼmofeʼmo ma mopafi vayaʼmo humi apateʼniye. Agaemo naipeletiʼmo agenopafiʼmo aiʼnigeno falisiya agufa amuʼmo aleʼniyaʼmonanafa ago aleno hateʼniya afela afumo agiʼaleʼmo aliʼa asaga huʼa atesayafeʼmo, auneʼamo alo hutapa maleyo, huno huʼniye.

Leveleseni 18:2

Alopa gefatiʼmo ge hunoʼaeʼmo, Alopa taonimo Mamiloni taonimo atamoʼmo leno hano huʼniye. He, leno hano huʼniye. Hosu enisole vayanagi muki hosu apaune vayanagi muki oʼne namagi alagi hosu faipa namagi huʼa ani taonimo no atufaʼaleʼmo maiʼnae.