Taitasi 3:14 - The Keyagana NT and 25 OT books

¹⁴ Vayatimogi muki afinaʼmo alagepa kavaʼmo nehuʼa mago yafeʼmo kafu nehaya vayaʼmo hapa maesayafeʼmo fiku yanageʼa kafu hugayanagi apakeyo.

Taitasi 3:14 ပူးပေါင်းရင်းမြစ်များ

Aiyeya 61:3

Saiyoni taonifiʼmo maiʼnaya vayaʼmogi yulagefa neʼaiya vayaʼmo apaipamo aliʼna falu huʼna apatege apakenopafatiʼmo laʼnefamo aliʼna ataleteʼna kanale konalimo aliʼna apatege aviʼyaʼmo nehaya kavaʼapimo aliʼna ataleteʼna apamogaga aisaya uvelimo apakufaleʼmo faleʼna apatege apaipamo kana huʼniya kavaʼapimo aliʼna ataleteʼna yokemo hisayafeʼmo aliʼna lokiya vaiʼna apatege hisuvafeʼmo alino nateʼnigeʼna eʼnove. Vayaʼmogimo ani vayaʼaifeʼmo huʼapaeʼmo, Apakaemo fatago kavatefeʼmo alagepa alagamo neʼaeya yosagana huʼa maiʼnae. Ala kava neʼmoʼa fai maleʼniye, huʼa huteʼa agiʼaleʼmo aliʼa asaga huʼa ategae.

Matiyu 7:19

Muki alagepa alagamo noʼaeya yosaʼamo ago heʼya aiteʼa aliʼa atafiʼmo yaga auʼa nekae.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:8

Lapakaemo asole alagamo aeʼnetapaeʼmo Afoʼnimoʼmo ala agiʼamo amisaya kavatetiʼmo geʼnimo neʼafiya vayaʼmo maigae.

Apa 18:3

Ani yalavelaʼmo mago selimo miya faili uʼa noʼmo kisaya yaʼmo nefakaniʼa yalavelaʼmo maiʼnaʼageno Poloʼa ani agufa aliʼyaʼmo neʼaliya vekamo maiʼniyaʼmofeʼmo anakaeʼeʼmo magokepi ani aliʼyaʼmo lokaeno alino maiʼniye.

Apa 20:35

Ani kava nehuʼnaeʼmo apayamufa ohaneʼniya vayaʼmo hapa maegaune, huʼna aliʼna lapave liʼnove. Ala kava neʼmo Yesuʼa hunoʼaeʼmo, Fiku hapa maeʼa neʼapamiya vayaʼmogimo apamiʼnageʼa neʼaliya vayaʼmo aeʼa apakaseʼa aulena vayaʼmo maiʼnae, huno huʼniya geʼaeʼmo alagepa hutapa lapakesa afitapa ho hiyo, huno hapa paiʼniye.

Lomu 12:13

Kagemi yatapimo alita fako hutapa apaote vayaʼmo kagemi yaʼapimo ohaneʼnisiya vayaʼmo apamiyo. Nata vayaʼmo esagetapaeʼmo alagepa huta yagaitapa apateyo.

Lomu 15:28

Nagaemo mani muki maleʼnaya ofalini monimoʼa alagagana huno afole aiʼniya ofalini monimo aliniʼna uʼna Yu vayaʼaina apamiteʼnaeʼmo Sipeni kotega visuvategamo uʼna lapakaeʼeʼmo maiguve.

Efasasi 4:28

Kumaya neʼaliya kavaʼmo ataletapa lapayatetiʼmo aepa faitapa alagepa aliʼyaʼmo aliyo, kagemi yaʼapimo ohanesiya vayaʼaina apamisayafeʼmae.

Filipai 4:16

Lapataleʼna uʼna Tesalonaika taonifiʼmo maiʼnogetapaeʼmo magoʼe yaʼmo muki afinaʼae afinaʼaeʼmo naha maetapa namiʼnae.

Filipai 4:17

Nagaemo mago yaʼmo fikumo alisuvafeʼmo nagesamo noʼafufa lapakaekeʼmo akamelegati magoʼe yaʼmo alisayafeʼmo nagesamo neʼafuve.

Kolosi 1:10

Gotiʼa ani kavaʼmo hisigeta ala agiʼamo amisaya kavaʼmo hutapa maisageno alagepa kavaʼmoʼa lapaipafatiʼmo alagagana huno afole aisigetapa Gotiʼmo magoʼe magoʼe hutapa agesaya kavaʼmo hutapa maisayafeʼmo nunumuʼmo nehune.

1 Tesaloniyani 2:9

Konagatimogitapae, huta, alagepa faigoko gemo aeta hakalo huta lapa paita maiʼnetaeʼmo laha maetapa kana yaʼmo oʼalisayafeʼmo felugaʼe haniʼilagaʼeʼmo lokiya vaita aliʼyaʼmo aliʼnonagetapa ago lageʼnae.

2 Tesaloniyani 3:8

Neʼyatapimo fikumo alita oʼneʼnonaʼmonanafa laha maesayafeʼmo kana yaʼmo alita olapamisunafeʼmo felugaʼe haniʼilagaʼeʼmo aliʼyaʼmo aliʼnone.

Taitasi 2:8

Huʼa faipa huʼa oʼatesayafeʼmo alagepa lokiya gemo hapa paigeʼapao kame vayakamogi lagaefeʼmo hosu faigoko gemo osisageno apavagage hino.

Taitasi 3:8

Mani nehuna gemo lama gemo haneʼniyaʼmofeʼmo ani kavafeʼmo lokiya gemo huka hapa paisanafeʼmo nahauʼniye. Hapa paigeʼapao Gotifeʼmo apakesamo afiʼa fatago huʼnaya vayaʼmogimo apayamukiki huʼa alagepa kavaʼmo hiyo. Ani kavaʼmo alagepa kavaʼmo haneʼneno vayaʼaina hapa neʼmaeya kavaʼmo haneʼniye.

2 Pita 1:8

Mani kavaʼmo magoʼe magoʼe hutapa hisayana Ala kava netimo Yesu Kalaisiʼmo agetapa aeto huʼnaya kavatetiʼmo afaʼa oʼmaitapa alagamo aegae.