Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Taitasi 2:7 - The Keyagana NT and 25 OT books

7 Kagaemo muki kavaʼalefeʼmo vayaʼmogi kakame hisaya agufa alagepa kavaʼageʼmo huvo. Alika apaya neʼmalekaeʼmo okasalisiya geletiʼmo lokiya geletiʼmo Gotitefeʼmo aliʼyaʼmo alika apaya malo.

အခန်းကိုကြည့်ပါ။ ကော်ပီ




Taitasi 2:7
12 ပူးပေါင်းရင်းမြစ်များ  

Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.


Asole tisa vayatapimogimo umenitata huʼa kagemi yaʼapimo maketi nehaya vayakana huʼa Goti geʼamo aeʼa hakalo huʼa hapa nepaiyaʼmonanafa lagaemo Kalaisipiʼmo maiʼnetaeʼmo Gotiʼa lamiʼniya aliʼyaʼamo neʼalitaeʼmo Goti aulagaleʼmo laipafatiʼmo aeta hakalo huta hapa nepaune.


Lagaemo lavagage osisiyafeʼmo hosu kavatimo aeta ati nokaone. Humi lapateteta Goti geʼamo alita afe leta anonale alu gemo nosune. Lagaemo Goti aulagaleʼmo lama geʼamo afole yateʼmo aeta hakalo huta hapa nepaunagenoʼaeʼmo muki vayaʼai yuʼilaga vekaʼapimoʼa hunoʼaeʼmo, lama gemo nehaya vayaʼmo maiʼnae, huno nehiye.


Nagaemo mani kavaʼmo hiyo, huʼna osuʼnovaʼmonanafa mago vayaʼmogi apayamukiki huʼnaya kavatetiʼmo lama ge hutapa lapau lapayamopafiʼmo nelapaiya kavafeʼmo lapamalageka huʼna ge huʼna lapafi nekove.


Gotiʼa Ala kava netimo Yesu Kalaisifeʼmo hapau apayamopafiʼmo hapaume hapaume neʼvigeʼapaeʼmo oʼataleʼa muki afinaʼmo nehapausiya vayaʼmo fikumo hapa maeno apamino. He, lama ge.


Alagepa huʼa ageʼneʼa aliʼa fako nehuʼapaeʼmo hogote alagepa kavaʼmo ageteʼa akame hugae. Kalaisiʼa eminesiya afinaʼmo afole aisigenoʼaeʼmo oʼaniʼya kavaʼmo apaipafiʼmo ohanesigeka vaiʼmo oʼapamigane. Alagepa kavaʼmo Yesu Kalaisitetiʼmo apaipafiʼmo havai tenageno alagamo aenageʼa vayaʼmogi hale konali kavakamo ageteʼa kagikaleʼmo aliʼa asaga hiyo, huʼna nunumuʼmo huʼna nelapatove.


Ani kavaʼmo huʼnonana lapakaetegatiʼmo neʼyaʼmo afaʼa fikumo alita nesuna lokiyatimo haneʼniyaʼmonanafa nehuna kavaʼmo agetetapa akame hisayafeʼmo aliʼyaʼmo aliteta neʼyatimo miya faita neʼnone.


Kagaemo apakesamo afiʼa fatago nehaya vayaʼmogi kakame hisayafeʼmo alagepa gemo huge alagepa kavaʼmo huge kahau kayamopafiʼmo kahauge kayamukiki huge alagepa huka kagesamo afika fatago huge yaveyave kavaʼmo huge huka maigeʼapao afa neya vekamo maiʼniye, huʼa osiyo.


Apakaefeʼmo, alagepa kavaʼmo nehae, huʼa hisageʼa maiʼneʼa mafaʼneʼapileʼmo yagaiʼa apatege nata vayaʼaiteʼmo yagaiʼa apatege apaote vayaʼai apaiyamo sese huʼa apatege kana yaʼmo aliʼnisaya vayaʼmo hapa maege muki alagepa kavatefeʼmo apayamukiki huge nehisaya kogu aʼne anagaʼmogi apakiʼapimo avoʼmo kaeyo, Siosi vayaʼmogi yagaiʼa apategaiyanagi.


Mani nehuna gemo lama gemo haneʼniyaʼmofeʼmo ani kavafeʼmo lokiya gemo huka hapa paisanafeʼmo nahauʼniye. Hapa paigeʼapao Gotifeʼmo apakesamo afiʼa fatago huʼnaya vayaʼmogimo apayamukiki huʼa alagepa kavaʼmo hiyo. Ani kavaʼmo alagepa kavaʼmo haneʼneno vayaʼaina hapa neʼmaeya kavaʼmo haneʼniye.


Gotiʼa apavaleno lapayapiʼmo lapamiʼniya sipisipileʼmo yagaitapa neʼapatetapaeʼmo alita afepi oʼapatetapa lapakame hisayafeʼmo apakaetegamo alagepa kavaʼageʼmo hiyo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ